تقرير صيانة ال 10000 للواجا
السلام عليكم ورحمة الله وبركاتو
انا كنت بعمل صيانة ال 10000 للواجا بتعتي في توكيل العجوزة
طبعا حجزت قبلها بيوم وقالولي تعالى الساعة 9 فروحت الساعة 11 وفضلت قاعد لحد 3:30
المهم ندخل في التفاصيل
بغض النظر عن ان العربية فيها اصوات غريبة ومنتشرة في كل مكان الا ان العربية تقريبا متغيرتش وهيا لسة زيرو (اصوات في الشنطة وفتحات التكييف والطارة وباب السواق) زقزقة على تزييق على تكتكة
المهم انا خلاص اتعودت على الاصوات دي وعلجتها ان انا اعلى الكاسيت شوية
العربية طبعا كلنا عرفين مميزاتها بس هتكلم عن العيوب اللي واجهتني في فترة ال 10000:
1-الاصوات
2-التكييف كان ضعيف شوية والمشكلة اتحليت
3-سحب العربية مكنش مظبوط اوي فتم تغيير فلتر الهوا
4-صعوبة وتكتكة عند طلوع الازازونزولو ودي كمان اتحليت
بس كدة وغير كدة الحمد لله العربية مفهاش اي حاجة تاني وربنا يباركلي فيها
بجانب انهم دفعوني 212 جنيه وانا اللي جايب الزيت (فيسكو 3000) بس مش المفروض كدة كتير
