مين فينا ما طلعلوش خراج

مين فينا ما كسلش يروح لدكتور يشوف الخراج

مين فينا راح للدكتور و خد الروشتة و كبر دماغه من الدوا

مين فينا كان المفروض يفتحه بس خايف ..... و مش قادر على تبعات العملية مع انها هتريحه و مع ان الخراج تاعبه

الخراج هنا - و اعذروني على التشبيه المقرف - هو خراج رمزي



مين فينا حياته فيها شئ او شخص منغص عليه عيشته بس متعايش معاه لمجرد ان التخلص منه مؤلم شويتين ..... بس بعد كده هيرتاح بقية عمره

ليه بنختار وجع كل ساعة بدل وجع ساعة .... مع ان المنطق - و المثل - بيقول العكس

ليه الانسان دايما كده ...... تاعب نفسه و تاعب غيره و تعبان في عيشته


معلش اعذروني بس انا كتبت الكلام ده من غلبي ......

و تحياتي لكل انسان شجاع ..... ماخافش من مشرط الجراح !