الموضوع: خلااااااااااااااااااااااا ااااااااص جبت أخرى، هو أنا عجيبة الدنيا التامنة؟

هههههه يا باشا الشمسيه دي اختراعات لسه ماوصلتش مصر .. انت زعلان يعني عشان انت شيل شمسيه و كده ( احب اقول ان انا كنت في سويسرا برضه مابتحركش من غيرها) المهم يا سيدي ..
انا جيت من سويسرا علي بني سويف .. من عز التقدم لعز التاخر .. المهم يا سيدي اخدت علي المرمطه ( بما ان الوالد يمتلك اراضي زراعيه و كده) فاصبح الارض شغلتي التانيه .. و دلوقتي بقت الاولانيه كمان .. ما علينا)
ماشي في الشارع .. الجو برد بضمير يعني .. يعني انا كنت لابس 2 بلوفر هاف كول فوق بعض .. و فوقيهم قميص و جاكت .. و ماشي في الشارع .. ابص الاقي ايه ..
واحد ماشي بجلابيه .. الجلابيه علي اللحم و فاتحها كمان ! .. الناس هنا مختلفه عن البشريه اللي نعرفها اللي بتتاثر بالبرد و اخترعوا البلوفرات عشانها .. و اللي بتتاثر بالمطره و اخترعوا الشمسيه عشانها .. عادي يا عم ... يبقي انت اكيد في مصر ! ..
المهم انت خللي معاك الشمسيه .. و اللي مش عاجبه يولع ;)

هو بس الناس هنا بيبصوا للمختلف على انه عايز يتمنظر او يلفت النظر.. و الشباب عموما تحس انهم واخدين الحياة بالدراع.. آل يعني احنا شباب و ما بيهمناش المطرة و الكلام الفارغ ده.. مع انهم برضه في الآخر بشر و اللي يسري على غيرهم من برد و انفلونزا و كده ممكن يسري عليهم برضه.

اما المعضلة الكبرى في الشارع المصري هي الحرية الشخصية.. انا حرررررررررررة عايزة أفتح الشمسية حتى و لو الدنيا مش بتمطر.. حد له عندي حاجة؟

كبر دماغك بس انا لو مكانك فعلا كنت هزقته و خليته ما يسواش بالادب و الذوق.
زمان كانو بيقولو كل اللي يعجبك و البس للي يعجب الناس
لكن نا بقول كل للي يعجبك و البس اللي يعجبك

المشاركة الأصلية كتبت بواسطة electroman

يعنى جت ع الشمسية واللى لابس هدوم مختلفة ؟؟!!! .. الاسوأ و الاخطر فى البلد ده هو عدم قبول اى واحد بيقول كلام مختلف شوية عن الافكار و الاراء و السلوك الشائع هنا
بقى ممكن يقولوا عليه شاذ او كافر او مجنون !!!!.. احنا عايشين محللك سر و اللى نبات فيه نصبح فيه و مشاكلنا ما بتتحلش لان مفيش حد عاوز يوجع دماغة و يفكر فى شئ جديد او يقبل شئ جديد او يفكر فى نفس المشكلة بمنهج مختلف او ما يخفش يناقش بحرية .. بلدنا ماشية بنفس المنوال .. لآ تفكير عقلانى ... و لا منهج عقلى.. ولا منهج علمى ... و لا فكر نقدى .. رفض لكل فكر جديد ..
و عايشين فى نظرية المؤامرة .. كل مشاكلنا سببها الاشرار بره و احنا يا عينى ضحايا و مش مسئولين عن تخلفنا و مشاكلنا اللى بتتعقد زيادة
كل يوم .. الناس مش متقبلة واحد ماسك شمسية حيقبلوا حد بيقول فكرة جديدة او رأى غير مألوف ؟؟ احنا زى بتوع " هذا ما وجدنا عليه ابائنا " !! احنا عايشين حياة القطيع و مرفوض اى حد يكون متميز او مبتكر يلعنوه و يحاولو يحطموه .... حاجه تقرف ..........

انت بتعمم لية, انهى ناس اللى مش متقبلة واحد بشمسية , الرجل بيتكلم عن واحد بس , مش ممكن تعمم كدة ,طبعا فى ناس بتفكر بطريقة مختلفة و فى ناس بتتقبل فكر جديد و انا واحد منهم مثلا , لية التعميم و كاننن عشين فى وسط متخلفين , و دة مش صحيح بالمرة , انا اصدقائى كلهم زى , ناس بتفهم و بتتبتكر و بتبدع كمان , انت بس اللى يظهر ساكن فى عشوئيات ولا اية مش فاهم ,
قطيع اية و بتوع اية ,كل دة عشان واحد علق تعليق على شمسية لية يعنى.
و بعدين لم انت زعلان كدة ما تفرجنا الابداع يكون شكلة اية و تكون قدوة لغيرك وتحاول تصلح من اللى حواليك بدل ما انت عمال تحدف اتهمات كدة يمين و شمال .
انا عايشت فى مصر و اتعلمت فى مصر و كبيرت فى مصر و جالى فرص بالهبل للدول العربية و مسفرتش و لا روحت فى حتة تانية , و اتعلمت احسن تعليم و شغلى منشور على مستوى العالم و كل دة من مصر ,صحيح ان الطريق مكانش مفروش بالورد و الواحد مر بعقبات كتيرة بس معليش الواحد لازم يستحمل شوية و مافيش حاجة بتيجى بالساهل .
ايوة مصر فى ناس على قدها و ناس ملهاش حظ من التعليم و فى نسبة جهل و نسبة امية موجودة , بس دة مش معناة ان كل المصريين كدة , فى ناس كتير مبدعة و فنانة و مثقفة و مطلعة على احدث حاجة ,والمصريين الموهوبين معروفين فى كل المجالات .
و الخبرات المصرية دلوقتى بتطلب فى كل مكان فى جميع المجالات , بلاش التشائوم و الاحباط دة اللى مش حيوصل لحاجة دة .

مصر احسن من غيرها كتير و بوصو حوليكو كدو و شوفو الفوضى اللى فى فلسطين و لبنان والعراق واحمدو ربنا على النعمة اللى احنا فيها , و نحاول نحافظ عليها و اللى يقدر يبتكر او يخترع او يفكر يتفضل , دى بلدنا لازم نكون اكتر ناس خيفين عليها و بنحافظ عليها , اولادك و اولادى حيكبرو و يعيشو و يتعلمو فى البلد دى , انما نقعد نجلد فى نفسنا عشان كام واحد متخلف او جاهل او حرامى ونقعد نقول هى البلد كدة و احنا كدة , دة غير صحيح , فى شرفاء كتير و فى علاماء كتير و فى مبدعين كتير , انت بس اللى مش واخد بالك بس عشان لابس نظارة سودة شايف بيها كل حاجة كدة .