خلااااااااااااااااااااااا ااااااااص جبت أخرى، هو أنا عجيبة الدنيا التامنة؟

**Hossam_Hassan** · 29-01-2008 10:26 AM

امبارح كنت هتخانق فى الشارع مع واحد معرفوش، ليه، لسبب عجيب لحد دلوقت مش قادر افهمه.

الحكاية يا اخوانى انى بنى أدم معايا شمسية.

متستغربوش، الحكاية ببساطة انى متعود من زمان يبقى معايا شمسية فى العربية صيف شتا، و ساعة ما تكون الشمس ملسوعة أو مطر زى اليومين دول، باستخدمها و بعتبر ده منطقى و عادى، المشكلة بقى فى نظرات الناس ليا و انا شايل الشمسية سواء مفتوحة أو مقفولة، الأول مكنتش باخد فى بالى بس بقت حاجة تتعب الأعصاب خصوصا اليومين دول علشان المطر متقطع و غير متوقع فساعات كتير بمشى و الشمسية مقفولة و يا للهول، تقولش واحد من الفضاء ماشى و لا ماشى بكلم نفسى و بقطع هدومى، أغلب الناس عمالة تبص عليا و على الشمسية.

امبارح بقى الأخ الظريف اللى لا اعرفه و لا يعرفنى اجرى معايا الحوار ده فى اسانسير مستشفى:

- حلوة الشمسية دى
- اتفضل
- شكرا، دول يموتونى فى البلد لو مسكتها
- ليه يعنى؟
- هيقولوا مش قادر استحمل نقطتين ميه
- هو انت لازم تتبل و يجيلك برد علشان تعجبهم فى البلد
- برد مين يا بيه اللى يجيلنا، ده بيجى للبهوات اللى مش قادرين يستحملوا نقطتين الميه من عربياتهم لفيللهم

سكت و بصتله بقرف من فوق لتحت و اديته ضهرى و كنت عاوز اديه بالشمسية فوق نفوخه بس مسكت نفسى.

**memo_hefnawy** · 29-01-2008 10:43 AM

عادى يا حسام أنا متعود على القرف ده من زمان و لحد دلوقت و كنت بشيل الشمسية دى كثيير طول ما أنا بتحرك فى جو شبيه باليومين دوول من غير عربية وده كان بيحصل كثيير قبل كده كنت بشيلها معايا بس عادى بنفض للأشكال دى

و الموضوع مش شمسية و بس أنا حاجات أكثر بكثيير بس بقيت أنفض و ماعبرش حد إللى ليه حاجة عندى يجى ياخدها ده مبدأى

**MMamdouh** · 29-01-2008 10:48 AM

يا عم حسام دا راجل متخلف... المرض بيصيب الكل و مبيفرقش بين فقير و غنى

طيب عم هركليز دة كان فى المستشفى بيعمل ايه؟ اكيد فيه حد قريبة بتوع البلد عيان و المرض جابة الارض... لو كان عندة مخ كان فهمها لوحدة لكن للاسف العقل نعمة مش عند كل الناس

متاخدش فى بالك

MMamdouh

**memo_hefnawy** · 29-01-2008 11:01 AM

محمد باشا أنا لو تخيلت المنظر ده هاتأكد إنى سوف أصاب بنزلة برد محترمة أرقد فى السرير بسببها 5 أيام ولا حاجة

تسألنى بتكره ليه فصل الشتاء هاقولك :
--
1- المطر = عطله + عدم نظافة للعربية و للهدوم و لكل حاجة + طينه و عكة أنا عدو عدم النظافة
2- برد = إنفلونزا + زكام + رشح + سخنية + رقدة تحت الغطاء
3- مفيش شمس جو كئيب من وجهة نظرى

أنا أحب الربيع و الصيف و أكره الشتاء و الخريف

**KarimAbulEla** · 29-01-2008 11:13 AM

اللى يضحك فى الموضوع ان الدنيا لما تمطر - الشخص اياه الى قابللك فى الاسانسير فاكر انه لما يمسك جرنال و يغطى به راسه و ينقط عليه مية و حبر اصح من انه يمسك شمسية .

ما هو نفس موضوع الشمسية يشابه الكثير من المواضيع التى لها نفس التأثير

يعنى لو لبست بالطو وتر بروف مثلا حتى لا تبل ملابسك من المطر سوف يكون شكله غريب لدى البعض ، و لبست نوع من اغطية الرأس من الفرو مثلا فى عز البرد لحماية رأسك من الطقس الغير عادى ممكن ده يبقى يبقى برضه غريب فى نظر بعض الاشخاص .

و لو سايق عجلة رياضية و لبست جاكت به علامات مضيئة فوسفورية بشكل معين حتى لا تصدمك السيارات التى قد لا تراك فى الظلام الناس سوف تستغرب المنظر .

ده بأة لو شلة من الشباب المنتشر فى البلد اليومين دول لو استلموا واحدة لابسة بالطو و كوفية و غطاء رأس و معاها شمسية حيستلموها تريقة .

المشكلة ليست فى الشخص اللى سألك على الشمسية ، لكن فى اعتقادى ان الموضوع له علاقة بأن معظم الناس اخدت ان الواحد لازم يبقى لابس بنطلون و قميص فى الصيف و جاكت فى الشتاء
و اى حاجة تانية سواء ملابس او معدات تبقى غريبة و ده يعكس اننا شعب غير عملى - و فى احيان كثيرة نهمل عمل اشياء ممكن يكون لها اثر ايجابى على حياتنا او صحتنا بسبب انها غير مألوفة لدى الاخرين و العكس صحيح - نلتزم بأشياء ممكن يكون لها اثر سلبى بسبب انها اشياء مألوفة لدى الاخرين .

يعنى كل واحد حر فيما يفعله - انا ممكن احب امسك شمسية - احب انى لا امسك شمسية و الموضوع لا يخرج عن
هذا النطاق و الكل متفهم لكن ان شخص يمشى فى الشارع يقول لشخص اخر ايه اللى لابسه ده او ايه اللى انت ماشى بيه ده او حتى يبحلق فى عباد الله ده لابس ايه و ده عامل ايه و يتدخل فى شئون الاخرين هو ده بصراحة الاستفزاز .

طبعا عدم الالتفات الى الاخرين طالما انت شايف انك ملتزم بالشكل اللائق هو الحل بس طبعا برضه المسألة محتاجة مستقبلا الى تغيير جذرى فى السلوكيات

**NaderNabil** · 29-01-2008 11:13 AM

المشاركة الأصلية كتبت بواسطة memo_hefnawy

أنا أحب الربيع و الصيف و أكره الشتاء و الخريف

أوافقك يا محمود في هذا الرأي...أنا عدو الشتاء و التكتكة و اللسعة بتاعت البرد و الكلفتة و البس 6 طبقات فوق بعض:D
أنا من الاخر بحب أقلع:D:D..محبش أبقي لابس لبس كتير...بتخنق!
بس المشكلة في الصيف انك هتفضل تقلع لحد ماييقاش فيه حاجة...و برده حران...انما الشتا هتفضل تلبس تلبس تلبس لحد ما تدفي:D

**Karim_Monir** · 29-01-2008 11:17 AM

حسام انا لو منك كنت اديتلة فوق نافوخة فعلا
------
محمد يا طويل انا عارف احساسك ورغم اني زي حفناوي قوي عاشق لكل ما هو سخن وكاره لكل ما هو بارد وخاصة فصل الشتاء اللي بكن فيه واعمل بيات شتوي
لكن فعلا مطرة اليكس حاجة تانية وخاصة عالبحر
السنة اللي قبل اللي فاتت خدنا بعضنا وطلعنا اسكندرية وكان واحنا رايحين شمس وعيشة قوي
الساعة 12 غيمت وكنا عالبحر في نص نوفمبر كدة
وهووووووووب عينك ما تشوف الا النور
مطر دي شوية بتررررررخ يا حبيبي والجو دافي بطريقة غريبة
كلة طلع يجري على العربيات
وانا اللي جاتلي هفة اقعد تحت المطر وانا مابحبوش
طبعا طلعنا اتغدينا وروحنا
بس متشال مرابعة ها ها ها
3 اسابيع مش قادر انطق لاني كنت غرقت مية
لدرجة اني ماسوقتش وانا مروح من نوبة البرد البشعة اللي جاتلي
بس برضه بحب اسكندرية في الشتاء ومابقدرش اقاومها وجايلك قريب يا اليكس
بس لما اخلص دو الفلفلوزا ده
اتشوووووووووووووووه

**Karim_Monir** · 29-01-2008 11:21 AM

المشاركة الأصلية كتبت بواسطة KarimAbulEla

اللى يضحك فى الموضوع ان الدنيا لما تمطر - الشخص اياه الى قابللك فى الاسانسير فاكر انه لما يمسك جرنال و يغطى به راسه و ينقط عليه مية و حبر اصح من انه يمسك شمسية .

ما هو نفس موضوع الشمسية يشابه الكثير من المواضيع التى لها نفس التأثير

يعنى لو لبست بالطو وتر بروف مثلا حتى لا تبل ملابسك من المطر سوف يكون شكله غريب لدى البعض ، و لبست نوع من اغطية الرأس من الفرو مثلا فى عز البرد لحماية رأسك من الطقس الغير عادى ممكن ده يبقى يبقى برضه غريب فى نظر بعض الاشخاص .

و لو سايق عجلة رياضية و لبست جاكت به علامات مضيئة فوسفورية بشكل معين حتى لا تصدمك السيارات التى قد لا تراك فى الظلام الناس سوف تستغرب المنظر .

ده بأة لو شلة من الشباب المنتشر فى البلد اليومين دول لو استلموا واحدة لابسة بالطو و كوفية و غطاء رأس و معاها شمسية حيستلموها تريقة .

المشكلة ليست فى الشخص اللى سألك على الشمسية ، لكن فى اعتقادى ان الموضوع له علاقة بأن معظم الناس اخدت ان الواحد لازم يبقى لابس بنطلون و قميص فى الصيف و جاكت فى الشتاء
و اى حاجة تانية سواء ملابس او معدات تبقى غريبة و ده يعكس اننا شعب غير عملى - و فى احيان كثيرة نهمل عمل اشياء ممكن يكون لها اثر ايجابى على حياتنا او صحتنا بسبب انها غير مألوفة لدى الاخرين و العكس صحيح - نلتزم بأشياء ممكن يكون لها اثر سلبى بسبب انها اشياء مألوفة لدى الاخرين .

يعنى كل واحد حر فيما يفعله - انا ممكن احب امسك شمسية - احب انى لا امسك شمسية و الموضوع لا يخرج عن
هذا النطاق و الكل متفهم لكن ان شخص يمشى فى الشارع يقول لشخص اخر ايه اللى لابسه ده او ايه اللى انت ماشى بيه ده او حتى يبحلق فى عباد الله ده لابس ايه و ده عامل ايه و يتدخل فى شئون الاخرين هو ده بصراحة الاستفزاز .

طبعا عدم الالتفات الى الاخرين طالما انت شايف انك ملتزم بالشكل اللائق هو الحل بس طبعا برضه المسألة محتاجة مستقبلا الى تغيير جذرى فى السلوكيات

عارف يا كريم
مرة كنت في اسكندرية في الشتاء لاقيت واحد على البحر بيبيع حاجة زي قميص نايلو
هو كيس وليه استك تلبسه فوق هدومك عشان ما تتبلش وكدة
باختصار زي البالطو المشمع بتاع برة
حاجة شيك مش معفنة وكان بيبيعه ب 5 جنية
المهم اشتريتة وقضيت اليوم تحت المطر زي الفل
لما رجعت مصر مافكرتش احطه عليا عشان عارف كمية التريقة اللي هاخدها

-

-

الموضوع: خلااااااااااااااااااااااا ااااااااص جبت أخرى، هو أنا عجيبة الدنيا التامنة؟

LinkBack

أدوات الموضوع

عرض

خلااااااااااااااااااااااا ااااااااص جبت أخرى، هو أنا عجيبة الدنيا التامنة؟ - انشر الموضوع فى :

-

-

-

-

-

-

المواضيع المتشابهه

مشكلة عجيبة جدا جدا

مقارنة عجيبة

سيارة عجيبة

اوكتافيا عجيبة فعلا اربع تلاف ونص فى ليلة عجيبة

صور............عجيبة

الكلمات الدلالية لهذا الموضوع

المفضلات

المفضلات

ضوابط المشاركة