الحمد لله اليوم الرابع
و أنا برجع الرفرف أتخبط في عمود و الإكصدام إتجرح
يارب يارب تكون أخر الأحزان
بس هو لازم أنا أعدل الرفرف قبل ما أرخص ولا عادى
أصلي بصراحة عاوز أسبة ياخد العين شوية
و الحمد لله الحمد لله أنا الخبطة مجتش في الفانوس
عرض للطباعة
غريب اوى اللى بيحصل معاك ده !!!!
واضح ان فى حد بيحقد عليك جامد وعينه مش عايز اقول لك يعنى
بس نشكر الله انها جت على قد كده ..
وياريت تاخد بالك وانت بترجح لوره بالعربية ترجع تاته تاته لحد بس ما رجلك تتظبك على دواسة البنزين وتاخد عليها
ومأعتقدتش ان الخبطه هتبقى مانع من الترخيص
الحمد لله علي كل شىء
بس واحد صحبي قالي ممكن نوديها للسمكري و يردها علي البارد أنتم إية رأيكم ولا ده هيعارض مع الضمان؟
وبعدبن أنا أساسا مأمن عليها أدخل شركة التأمين و لا مش مستهله
قدر الله وماشاء فعل ,, ادعي ربنا في صلاتك يحفظهالك من الحسد ومن شر الطريق
عندكم حق يا جماعة
بس الحكاية أن الموضوع أنها أول عربية ليا
معلش أعذروني
طيب يا جماعة هو أنا هخلي السمكري يستعدلها علي البارد بس قالي لازم هاترش
أنتم إية رأيكم أرش ولا أخليها في التوكيل
وهل هتفرق بين الأثنين
يعني أنا خايف بعد فترة أحس بأنه الحتة ايلي اترشت دي بقي لونها متغير عن باقي العربية ؟؟
وهل ممكن تتعرف من أى حد أنها رشت قبل كده ولا إية ؟؟
بس أنا واثق من شغل السمكري و كمان بتاع الدوكو
أنا قررت أنى أسيبها و أعملها مع صيانة ال1000 ك
في التوكيل أفضل
بس مش عارف هتكون التكاليف قد إية
أنا مأمن عليها
فعاوز أعرف التفاصيل بالظبط أعمل إية أو إية الإجراءات إيلي هعملها مع شركة التأمين
وسؤال مهم جداً دلوقت المرور هيرضي يرخصلي عادي ولا إية
ياريت يا جماعة حد يعرف هتتكلف قد إية تقريباُ أو في المتوسط
هي الخبطة بتقريبا بمقياش شبر في الرفرف
وهل هاترجع زى الأول تاني ولا إية ؟؟
السلام عليكم
واضح انك راجل مغامر و قلبك جامد حتى انك اول عربية جبتها كانت نيسان صني.
على كده المفروض تجمد اعصابك و سيبك من القلق ده.
انا لا اعتقد ان الخبطة لها علاقة بالفحص بتاع الترخيص.
و عموما حتى لو المهندس رخّم عليك قوله اصلها اتخبطت و انا جاي دلوقتي.
بالنسبة للتصليح:
اذا امكن انها تترد عالبارد فده يكون افضل بكتير لقيمة العربية. انما لو ما فيش بد يبقى اعمل اللازم، انا عن نفسي احب اركب عربية شكلها نظيف و وقت البيع يحلها ربنا.
بلاش تروح التأمين و لا تصلح في التوكيل الا في الحوادث الكبيرة ربنا يكفينا الشر. لأن المصنعيات هناك غالية جدا، و كمان الصنايعية مش سوبر يعني. دول واخدين على شيل و ركب جديد مش بيستعدلوا زي الصنايعية برة.
الف مبروك و بالتوفيق.
د. عيد