الاجهزه الكهربائيه المنزليه

**أبو عبدالله** · 29-01-2008 02:01 PM

بعد اذنكم يا جماعه السخان الاوليمبك ده اسوأ سخان موجود في السوق
وعن تجارب وليس تجربه
درجة حرارة ضعيفه تقفيل وحش جدا عمر ضعيف جدا

الاريستون تحفه فعلا في السخانات ولامانة الجي ام سي برضه جميل
ياريت بلاش منتجات اوليمبيك اصلا

**محمد المصرى** · 29-01-2008 02:17 PM

المشاركة الأصلية كتبت بواسطة أبو عبدالله

الاريستون تحفه فعلا في السخانات ولامانة الجي ام سي برضه جميل
ياريت بلاش منتجات اوليمبيك اصلا

الاريستون الموجود فى السوق مضروب وانا ادبست فيه واشتريته والحلة الداخلية ثقبت بعد شهر من الاستعمال
واكتشفت انه مصرى وشركة تعبانه جدا
وفضلت اتصل بيهم لغاية لما جولى بعد شهر غيروه فى الضمان وخدو 50 جنيه

**أبو عبدالله** · 29-01-2008 02:38 PM

المشاركة الأصلية كتبت بواسطة MOHAMED ELMASRY

الاريستون الموجود فى السوق مضروب وانا ادبست فيه واشتريته والحلة الداخلية ثقبت بعد شهر من الاستعمال
واكتشفت انه مصرى وشركة تعبانه جدا
وفضلت اتصل بيهم لغاية لما جولى بعد شهر غيروه فى الضمان وخدو 50 جنيه

ده مش اريستون اكيد واكيد في فرق في حروف الكلمة المكتوبة
لأن الاريستون لا يوجد منه مضروب وبعدين بضمان اوليمبيك اليكتريك .
وهنا منتجاتها
http://www.b.tech.com.eg/btech/shop....&categoryID=99

تبع بي تك المملوكة لأوليمبيك الكتريك

**Ahmed Samy** · 29-01-2008 02:52 PM

العربي فقط هي الماركة المصرية المحترمة اللي جبتها
- التكيف عندي شارب وواحد كارير (شارب يضربه بالجزمة في كل حاجة)
- التليفزيون توشيبا و محترم جدا
ولكنني عملت (غلطة) و جيت واسترخصت في البوتاجاز و جبت يونيفرسال
زفت زفت زفت و صيانه تعبانة و فرن كبييير بدون طاقة حرارية مكافئة للحجم ولو قفلت الفرن , الشواية تطفي (مع انه مكتوب عليه عكس كده) و لما سألت بتاع الصيانة قاللي يا باشا ده كلام دعاية هوا الفرن لو اتقفل الشمعة تتنفس منين ؟؟؟؟؟
فنصيحة :: بوتاجاز ايطااالي .
- الغسالة Lg و في واحدة نزلت بعد بتاعتي فيها مجفف بيلت إن بحوالى 7000 ج م
و ناس جربوها بيقولوا عليها كويسة.
بس في أنواع كتير من الغسالات كويسة (زانوسي دي حلوة برضة)

- المكنسة توشيبا الياباني

**محمد المصرى** · 29-01-2008 03:15 PM

المشاركة الأصلية كتبت بواسطة أبو عبدالله

ده مش اريستون اكيد واكيد في فرق في حروف الكلمة المكتوبة
لأن الاريستون لا يوجد منه مضروب وبعدين بضمان اوليمبيك اليكتريك .
وهنا منتجاتها
http://www.b.tech.com.eg/btech/shop....&categoryID=99

تبع بي تك المملوكة لأوليمبيك الكتريك

ده نمرة شركة اريستون
35391234
اسألهم اريستون مستورد ولا مصرى

وقولى النتيجة ايه ؟

**معتز** · 29-01-2008 03:32 PM

المشاركة الأصلية كتبت بواسطة tutankhamoun

صنع في مصر ...... شعار ورائه الكثير
أولادنا و أخوتنا بيشتغلوا في المصانع المصري
فلوسنا تفضل جوه بلدنا و مترحش لحد غريب
ضرائب تتدفعها هذه المصانع لبناء مستشفيات و طرق و مدارس و دعم للبترول و البنزين و لرغيف الخبز
-------------------------------------------------
أنا هارشح الحاجت اللي أنا مجربها و جودتها كويسة جدا
ثلاجة ......... توشيبا العربي ... جولدي
بوتاجاز ..... كريازي .... ايديال ايليت
شفاط .... توشيبا العربي
غسالة ..... دايو جولدي ( بهجت ) و أيديال
دفاية ..... أوليمبك إليكتريك
سخان ...... أوليمبك اليكتريك و جي ام سي
تكييف .... يونيون أير أو شارب العربي

و ألف مبروك انهاء شقتك يا مهاتما و ربنا يوفقك
و حاول على قد ما تقدر تشتري مصري ذو جودة عالية لتساند بلدك بالفعل و ليس الكلام
و شكرا

موافق ....اختيارات ممتازة تقوم على مبدأ رائع....................100%.مباركة باذن الله

**Karim_Monir** · 29-01-2008 03:42 PM

حبيب قلبي يا غاللي اخوك انت عارفة في الحاجات دي دؤرمة شوية
مع احترامي الكامل لتشجيع الصناعة المصرية
في فرق بين الصناعة المصرية والتقفيل المصري
يعني كريازي دي مش ماركة جامدة ده جون كريازي هو اللي عملها لكن توشيبا بيتقفل هنا بس ده قصدي
المفيد بقي
------------
الثلاجه ° البوتجاز ° السخان ° الدفايه ° الغساله ° المكنسه ° شفاط البوتجاز
1- التلاجة اوعى تسترخص فيها او تجيب واحدة صغيرة
وخليك في المستورد الكبير هو بيوجع بس ضمانه فيه
واجمد موديلات خدها من LG وادعيلي وما تنساش تعمل حسابك في ديب فريزر منفصل 5 درج رأسي وده هاتة مصري شغال بس اهم حاجة نوفروست عشان ما توجعش دماغك وانا شخصيا جايب الفريزر الاسكا 5 درج تبريد سريع ومساحة تخزين واسعة غير انواع تانية مساحة الدرج ضيقة قوي
اه التلاجة ما تنزلش عن 18 قدم وبكرة تحس بقيمتها عشان انا حاليا بعاني رغم انها 16 وعندي فريزر 5 درج الا ان الاحتيجات اكتر

2-السخان اليونفيرسال زي الفل عندي اهو وهات غاز مش كهرباء عشان لما تكون لسه راجع من برة ينزل مية سخنة فوري مش تنام جنبة ساعة وهات ال 10 لتر وصيانتهم فوق الممتازة فعلا وعن تجربة بقاللي 4 سنين اهو وغية تحكم ديجنتال في درجة الحرارة و2 ظبط واحد لظبط درجة حاراة الشعلة والتانية لقوة تدفق المية(فول كنترول يعني)عشان العضمة كبرت بقي انت فاهم سيكو سيكو

3- الغسالة ابعد عن ايديال اكواتك وكريازي وخليك في اي حاجة مستوردة ومحترمة وليها ضمان كويس
وتكون ليها مجفف لو امكن عشان عندكم في اليكس ايام كتير الجور مطر وهايبهد الهدوم
او تستعمل منشر داخلي يا حبي بقي
LG محترمة برضه
4-المكنسة اي حاجة ياباني وكبر الوات على قد ما تقدر عشان قوة الشفط تزيد ولو تقدر تلاقي مستورد عشان المواتير عشان دي عليها حمل دايما
انا بتاعتي فيلبس هولندي بس بطلت تنزل
لو لقيتها تبقي تحفة
5- البوتجاز انا جايب يونفيرسال وماشتكيتش منه خالص والحمد لله وجايب الشفاط بتاعة نفس الحوار بس نصيحة للمطبخ هات شفاط خارجي كمان لان شفاط البوتجاز لازم حاجة تجدد الهواء معاه خاصة ان مطابخنا شرقي قوي
اما عن فرن البوتجاز وبيطفي واي حوار من ده هاتلاقي انك بتستعمل التوستر عشان انت مش معقول تولع الفرن ده كلة عشان صينية مكرونة او رغيفين عيش او شوية توست او صينية كيك خليك واقعي ده انت يتخرب بيتك غاز
هاتلك توستر محترم ويكون واسع وسيك من ابو بلاطة كهرباء دي كلام فاضي مانت عندك زيها في البوتجاز

الدفاية هات اوليمك اكبر عدد ريش بس الزيت مش بتدفي قوي او مش بتدفي بسرعة بس صحية
ولو لقيت حاجة ايطالي هاتها وانساها

اي سبورت او حيرة وقت الاختيار
طلع موبيالك افتح الكونتاكت ليست دور على ماي برازر وكلمني اجيلك لحد عندك

**AlmAhAtmA** · 29-01-2008 04:24 PM

طيب اعمل ايه فيكم
و الله جملتك الاخيره يا كريم خلتني اعيط يا ابن امي انت عارف انت غالي عندي قد ايه يا حبيبي
محمد حبيبي انا نازل الاسكندريه النهارده و ان شاء الله حجيب الفلوس من البنك الصبح و حكلمك و نضبط المواضيع

ربنا يبارك لي فيكم يا احلي ونس في الدنيا
و ربنا يجمعنا في جنته يا رب

**Hisham_ElFeky** · 29-01-2008 04:51 PM

بص بقا يا هانو يا حبي نفسي اكلمك بس كل ما أكلمك بتكون مشغول بس انت واحشني جدا

انا هقاولك نتيجة تجربة شقتي وشقة أختي وابن خالي :

الثلاجة : كريازى ١٤ ولو مراتك بتحب المطبخ يبقي ١٨ واوعي الايديال دي في بيت والدتي من سن واحدة بس غيرنالها موتور وتبريد وحاجة حلوه خالص
التوشيبا كويسة بردوا بس الستات بتتخنق منها بعد كده علشان صغيرة والأرفف بتاعتها ما بتشيليش اوي
وفيه المستورد : سامسونج ١٠٠٠٠
البوتاجاز: ينفرسال كوس ومحترم ٦ شعلة (اهم حاجة واخطر حاجة لازم حد من الصيانة بتاعتهم هو اللي يركبه مش اى حد)
وفيه المستورد : الألبا ايطالى حوالي ٥٠٠٠
الدفاية : لو فيه تكييف سخن وبارد مالهاش لازمة وأي دفاية زيت هتمون آمنة وأوعي الدفايات الكهربا دي علشان مش صحية تماما

الغسالة : زانوسي العبد ثم زانوسي العبد ثم زانوسي العبد اوعي ايديال برده عن تجربة
الكريازى فيها مشاكل كتير عند اختى

شفاط: توشيبا
السخان: يونيفرسال
المكنسة: ايه حاجة ٢٢٠٠
المكواه : مولينكس بخار
تكييف : كاريير طبعا وبعديه شارب وابعد عن يونيون اير

-

الموضوع: الاجهزه الكهربائيه المنزليه

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ما هى أفضل أنواع الأجهزه الكهربائيه المنزليه؟

كم ضرائب الاجهزه الكهربائيه والكمبيوتر والموبايلات والسيارات المستعمله

مطلوب اراء اهالى الخبره فى الادوات الكهربائيه المنزليه....

اماكن بيع الاجهزه المنزليه

ممكن ياجماعه مساعد فى موضوع جمارك الاجهزه الكهربائيه من على النت ؟؟

الكلمات الدلالية لهذا الموضوع

المفضلات

المفضلات

ضوابط المشاركة