مبروك و مفيش كلام زيادة عن الاخوة
بس انا عندى رئى بالنسبة للسخان
لو عندك غاز طبيعى خليك فى السخان الغاز و لو عندك حمام صغير ركبة فية و خالى الكبير نضيف
بس الغاز دا اكتشفت انة احسن حاجة
ولا هتستنى على ما المية تسخن و موفر جدا عن الكهرباء
المشاركات : n/a
الحالة :
ألف مبروك عالشقه
طبعا انا مش حزود على كلام الاخوه الافاضل
لكن فقط بالنسبه للثلاجه : و عن تجارب كتير بلاش ايديال
توشيبا كويسه لكن برضو ضيقه و تنرفز شويه
فى نوع اسمه white whale بصراحه ممتازه و عندى بقالها فتره
شوفها يمكن تعجبك
و بالتوفيق
رقم العضوية : 162
تاريخ التسجيل : 24Apr2007
المشاركات : 3,521
النوع : ذكر
الاقامة : Cairo
السيارة: Opel Corsa 1998
السيارة[2]: KIA Carens 2011
دراجة بخارية: no
الحالة :
مبروك و مفيش كلام زيادة عن الاخوة
بس انا عندى رئى بالنسبة للسخان
لو عندك غاز طبيعى خليك فى السخان الغاز و لو عندك حمام صغير ركبة فية و خالى الكبير نضيف
بس الغاز دا اكتشفت انة احسن حاجة
ولا هتستنى على ما المية تسخن و موفر جدا عن الكهرباء
رقم العضوية : 2452
تاريخ التسجيل : 04Oct2007
المشاركات : 8,022
النوع : ذكر
الاقامة : ج ع ع .... للآسف الشديد
السيارة: Proton Gen2 ...2007
السيارة[2]: Proton Gen2 ...2007
دراجة بخارية: لا يوجد
الحالة :
'طبقا لكلام معظم الأخوة الزملاء
يبقى نقفل المصانع المصري
و نشتري بقى أريستون من أيطاليا
و غسالات من كوريا
و دفايات من الصين
و ثلاجات من سويسرا
----------------------------
و يحيا الشعب المصري اللي عمال يشتم في الحكومة ليل نهار
----------------------------
و بكدا مصر هاتكون في مقدمة الأمم
[img2]http://i59.tinypic.com/2vxpukz.jpg[/img2]
رقم العضوية : 635
تاريخ التسجيل : 13May2007
المشاركات : 1,714
الاقامة : الحمد لله مصر
الحالة :
ألف مبروك و ربنا يتمم لك على ألف خير يا هانى يا حبيب الملايين :) طبعا مفيش اضافة بعد كلام الأخوة الأعزاء , توكل على الله و بالتوفيق ان شاء الله.
قال الله تعالى: http://www.kalemat.org/gfx/braket_r.gif وَلَنَبلُوَنّكُم بِشَىءٍ مِنَ الخَوفِ وَالجُوعِ وَنَقصٍ مِنَ الأموَالِ وَالأَنفُسِ وَالثّمَراتِ وَبَشِرِ الصّابِرينَ http://www.kalemat.org/gfx/braket_l.gif[البقرة:155] ويكون هذا الصبر بحبس اللسان عن الشكوى إلى غير الله تعالى، والقلب عن التسخط والجزع.
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
بص يا عم هانى
اولا انا من انصار المنتج المصرى النضيف ، وكان لى تجربتى مع الكثير من المنتجات المصرية
بالنسبة للتلاجة / التلاجة الأولى فى مصر فى رأييى هى توشيبا العربى، ابعد عن الإيديال لأن عمرها قصير وعن تجربة ومشاكلها كتير، الكريازى حلوة جد لكن انا كان بيضيقنى منها شكلها من برة ومن جوة، بحس انها مناسبة لبيت خالتى فى الأرياف لكن مش لبيتى
البوتاجاز انا جبت الكريازى وكان اغلى بوتاجاز مصرى فى السوق بناء على ضغط من زوجتى مع انى كنت عايز اليونيفيرسال ، الكريازى مش بطال بس دايما كانت عندى معاه مشكلة فى توليع الفرن وكذلك الصاجة السفلية بتاعة الفرن مبتتظبطش فى مكانها ابدا، مشكلة توليع الفرن متحلتش غير لما دخلنا الغاز الطبيعى، عموما انصحك باليونيفيرسال
الغسالة : ايديال زانوسى حبيبة الشعب المصرى، على عكس التلاجات، الغسالة زانوسى رائعة وقليلة المشاكل ومعمرة
السخان لو كهرباء يبقى أوليمبيك ومتفكرش فى حاجة تانية، ولو غاز يبقى يونيفيرسال
التكيييفات اختار ما بين كارير وشارب العربى
المكانس : مافيش مكانس مصرى كويسة، لأن ببساطة المصرى المعروض فى السوق هى مكانس صينية عليها اسم شركة مصرية، وبالتالى لو هتجيب مكنسة مصرى ب 400 جنيه ، لأ هاتها صينى ب 150 جنيه اوفر، لو عايز حاجة نضيفة لازم تجيب مستورد ، والحاجات المستوردة فيه منها ماركات متعددة ممتازة، زى البلاك اند ديكر والسيمنز والسامسونج والكينوود والعديد من الماركات المحترمة
اجهزة المطبخ والمكاوى : مولينكس عندها مصنع فى مصر وبيطلع انتاج محترم، اقترح عليك مولينكس المصرى،
الإلكترونيات: الكترونيات جولدى متميزة ولا بأس بهاا
سبعاوى
_______________________________________________
رقم العضوية : 32
تاريخ التسجيل : 17Apr2007
المشاركات : 26,316
النوع : ذكر
الاقامة : جسر السويس-القاهرة
السيارة: BMW E90
السيارة[2]: Jeep KK 2009
دراجة بخارية: لا يوجد
الحالة :
هاني يا حبيب قلبي ربنا يعينك
ويوفقك يا غاللي
----------------
مع احترامي يا مستر تووت انا اشتري منتج مصري زي التلاجة الايديال كل يوم تطلع عيني وتبوظللي اكل ولحوم قد كدة عشان اشجع صناعة بلدي
لما بلدي تنتج منتج اثق فيه حتى ولو غاالي هاروح اجيبة
البوتجاز لو عطل شوية مش ازمة
لكن التلاجة دي بتفكرني بهارد الكمبيوتر علية الداتا بتاعتي ولازم اكون مستنضف قوي في نوعة مهما كان غاللي وبرضه اخد باكب
عشان الخبطة فيه بضياع الداتا كذلك التلاجة
ممكن يكون ربنا فارجها عليا شوية حاطط فيها لحوم ومجمدات بالشيء الفلاني
هووووب اخبط بقي على البواب اقولوة شيلي دول عندك ولا كلهم عقبال ما يصلحوها
انا جبت البوتجاز يونفيرسال وما شاء الله زي الفل رائع عارف ليه عشان خطوط ايطالي تقفيل مصر ده حلو
شفاط البوتجاز زية السخان زية حتى الغسالة جبتها كاندي من يونفيرسال عشان الغسالة الكاندي حاجة ايطالي محترمة
ورضخت قدام زوجتي جبت التلاجة الكريازي عشان كانت منزلة موديل تحفة بطل ينزل شكلة حلو
زي القرف وبضرب نفسي بالقديمة اني سمعت كلامها وناوي شوية واجيب واحدة LG
اديني شجعت بلدي وجبت المصري بس في الكويس
لكن حاجة زي كريازي دي محصلتش ربع كوم
اي حاجة ماركة محترمة بتتقفل هنا ماشي بس مايتجربش فيا
انا بيطلع عيني على ماجيب الفلوس
الغسالة الكاندي لو لقيتها يا هاني تحفة هاتها بقاللها 4 سنين واكتر بتطحن اهيه ما شاء الله
ايطالي تقفيل مصري
الغسالة زانوسي اكواتك مهندس في ايدال كان بيصلح غسالة والدتي الايديال النوع القديم قاللي اوعى تجيبها
لو شوفت مكوناتها هيا والكريازي عمرك ما هاتجيبها وقعد يشرحلي كلام فني كتير مش فاكر منه حاجة
والغاز يا محمد يا طويل زي الفل امن نفسك بس بافيز محترم وخلاص وخرطوم برضه محترم
لكن ما بيحصلش منه تسريب غاز نهائي والحمد لله
وكمان عامل حساب التهوية كويس
ولما بتوع الغاز جم ركبوا هواية تانية في مستوي تاني زيادة امان
رقم العضوية : 1862
تاريخ التسجيل : 22Aug2007
المشاركات : 5,726
النوع : ذكر
الاقامة : Cairo Elobour
السيارة: maruti
السيارة[2]: Gen-2
دراجة بخارية: no
الحالة :
أولا ألف ألف مبروك و أسأل الله أن يبارك لك و أن يبارك عليك و أن يجمع بينك و بين أهلك في خير
ثانيا : بص بقى يا سيدي
ابعد حاليا خااااالص عن اي حاجة اوليمبك عشان الشركة بتمر بفترة حرجة و تغييرات و اتباعت من شركة للخرافي و بعدين لشركة تالتة و الموظفين مرتباتهم بتتاخر و حوارات غريبة ممكن تاثر على شكل الانتاج بتاعهم
رأيي الشخصي و انا لسة متجوز جديد و كل الحاجات دي لسة جايبها قريب
الثلاجه: توشيبا وهمية بجد حلوة اوي اوي اوي بس مساحتها مش كبيرة من جوا بالنسبة لحجمها من برا
البوتجاز: تكنوجاز ممتاز و صنع في مصر
السخان:كريازي ممتاز و بتظبط حرارته زي مانت عايز و موفر مووت في الغاز و بيشتغل و يفصل مع الميه
الغساله: زانوسي العبد احسن حاجة في السوق
شفاط البوتجاز: توشيبا ممتاز و صوته هادي
رقم العضوية : 778
تاريخ التسجيل : 24May2007
المشاركات : 6,693
النوع : ذكر
الاقامة : العالم الإسلامي
السيارة: C
السيارة[2]: G
الحالة :
إبعد عن منتجات كل من شركة يونيفرسال وشركة فريش
مهندس أحمد. facebook.com/AHMED1981
facebook.com/AHMED1981MECHANICAL
رقم العضوية : 778
تاريخ التسجيل : 24May2007
المشاركات : 6,693
النوع : ذكر
الاقامة : العالم الإسلامي
السيارة: C
السيارة[2]: G
الحالة :
مهندس أحمد. facebook.com/AHMED1981
facebook.com/AHMED1981MECHANICAL
رقم العضوية : 484
تاريخ التسجيل : 05May2007
المشاركات : 1,982
النوع : ذكر
الاقامة : Egypt/Giza
السيارة: Proton Wira
السيارة[2]: Proton Wira
دراجة بخارية: no
الحالة :
الثلاجة : كريازى ثم توشيبا
- البوتاجاز : كريازى ثم يونفرسال
- السخان : لو كهرباء يبقى اوليمبك و لو غاز يبقى يونيفرسال
- الدفاية: اوليمبك
- الغسالة: ايديال
- المكنسة: فليبس
- شفاط البوتاجاز: اوليمبك
سبحانك اللهم وبحمدك ، أشهد أن لا إله إلا أنت أستغفرك وأتوب إليك
المفضلات