الحمد لله ربنا ستراصدقائى اعضاء منتدانا الكرام سوف اشرح لكم اليوم ماحدث فى سيارتى النوبيرا حتى يكون مرجع لكم فى اعطال النوبيرا باختصار سوف اروى لكم ماحدث ..ذهبت اليوم كالعاده لقضاء مشاويرى اليوميه ودورت الصبح السياره وكله تمام وعلى افضل مايرام وقضيت كم مشوار وعلى الساعه 4 عصرا وانا ماشى لاحظت بخار ماء يندفع من الكابوت من الناحيه اليمنى وقد لاحظته بسرعه فى وجود الشمس بصراحه قلبى طب وقلت ربنا يستر ولما نزلت وفتحت الكابوت لم الاحظ شىء ولكى وجدت ماء كثير على اليمين وبحثت فى مكان الماء فوجدت كوع ماء وكأنه انشق نصفين وهو فى الخرطوم الواصل من الريداتير الى الموتور وبصراحه معرفتش اتصرف وكان يوجد ميكانيكى على بعد 20متر من السياره وهذا من حظى الحلو ولما ناديته وبص عليها قالى روح هات كوع ترموستات جديدعلشان اللى عندك باظ وقالى متقلقش الموضوع بسيط وفعلا اشتريته بمباغ 60 جنيه صناعه كورى وركبه فى 5 دقائق ودور السياره ووضع بها ماء وقالى كده كله تمام. وقالى هات اللى تجيبه وعلشان طلع جدع معايا ومردضاش يستغل الظروف أعطيته 20 جنيها وسعد جدا بالمبلغ ودعا لى..وبعدها ذهبت الى الميكانيكى بتاعى وراجع على الشغل وقالى كله تمام وفضى الماء الموجود ووضع ماء خضراء .. أرجو ان اكون اضفت لكم عطل جديد حتى يكون فى ذاكرتكم علشان لوحدث لاحد منكم لا قدر الله يكون عارف هيعمل ايه والموضوع كله أحتاج عده عباره عن مفتاح13 +بنز ..وشكرا
المفضلات