الموضوع: في مصـــــــــــــــــــــــ ــــر فقط ...

المشاركة الأصلية كتبت بواسطة mohamed el hussien

وطبعا انا بتكلم وانا زعلان
عشان عربيتي لسة مسروقة من اسبوعين
ومسروقة بشكل متهيألي انة بردة ميحصلش غير في مصر
مسروقة وانا جنب العربية
وفي عباس العقاد

لا حول ولا قوة إلا بالله
يا أخى ربنا يردهالك ، قادر على كل شئ

بس إزاى حصل دا يا أستاذ محمد؟

وهل يمتلك الناس زيا موحدا فى قبرص او بلجيكا او استراليا او كندا او تركيا او تونس او غيرها من معظم بلاد الله؟

طيب ما ايرلندا و انجلترا و اسكتلندا و امريكا و اليابان و الصين و الخليج عموما و على فكرة تونس عندها لبس رسمى

صحيح ان كل هذة الدول عندها زى رسمى زى الجلابية المصرى بتاعتنا بس هل انت متخيل انك لو رحت اسكتلندا مثلا هثلاقى الرجالة ماشيين فى الشارع لابسين جيبة كاروهات؟ :lol: او لو رحت امريكا هتلاقى الناس ماشية لابسة برنطية كاوبوى وقميص كاوهات وبنطلون جلد بقر بشراشيب وجزمة بمهماز وشايل مسدسين وحزام رصاص، او لو رحت تونس هتلاقى الناس ماشية بعابية مغربى وطربوش قصر له زر طويل وبيقولوا"قالولى قلقان سيدى قلقان قاللولى طهقان سيدى طهقان،قلقلونى سيدى قلقلونى"، وللا متخيل مثل انك لو رحت الصيت هتلاقى ناس لابسين قميص ازرق يصل لحد الركبة وقبعة مخروطية الشكل؟ وللا مثلا متخيل انك لو رجت اليابان هتلاقى الناس ماشية فى الشارع لابسة كيمونو

كل هذة الأزياء القومية تظهر فى بلادها فى الإحتفالات القومية فقط، بعنى على الأقل جلابيتنا البلدى لسة فيه ناس بيلبسوها فى حياتهم اليومية ، يعنى المختصر اننا لنا زى قومى معروف وواضح وبيظهر فى احتفالتنا الشعبية (تقدر تتفرج على كل استعراضات الفرق الشعبية علشان تتاكد من كلامى)

لكن الأزياء اللى انت بتتكلم عيها دى لن تراها فى بلادها سوى فى الكرنفالات او الأفراح، الخ، اما الزى اليومى لكل الناس فى معظم العالم هو القميص والبنطلون اللى بنلبسهم فى مصر، سواء كنت بتتكلم عن الهند او تركيا ، او المكسيك او جنوب افريقيا او اى مكان ،باستثناء بعض الاماكن القليلة فى العالم

كام واحد فى مصر ماشى فى الشارع لابس الزى الى انت حكيت علية دة ( مش عاوز اقول القاهريين بيقوالوا عليهم فلاحين او صعايدة و بيعتبروهم فئة اقل من الناس )

وكام واحد فى تركيا ماشى فى الشارع لابس بنطلون تركى ذو حجر منخفض ، وكام واحد اسكتاندى ماشى فى الشارع بجيبة كاروهات ، وكام واحد امريكى ماشى فى الشارع بطقم كاوبوى ومسدسين، وكام واحد يابانى ماشى فى الشارع بكيمونو؟

اما لو كنت تقصد بموضوع الزى الموحد ان يكون لنا نوع من الملابس نختلف به عن سائر خلق الله مثل تلك الاشياء التى يلبسها الإخوة الخليجيون او يضعونها على رءوسهم، فانا اتمنى ان يحين اجلى قبل ان اضطر لارتداء مثل هذة الأشياء

و اية العيب فى الملابس دى ؟؟ يا راجل فى كل لبس وطنى لكل دوله انا ذكرته فوق ليهم غطاء على رءوسهم برضة

وهو مين من اهل تلك الدول التى ذكرتها انت عاد يستعمل ما يسمى الزى الوطنى؟
ويا سيدى زى الخليجيين خالى من العيوب لكن لا يناسبنى، وليه اصلا اتمحك فيهم من الأساس، طب ماهو الزى الوطنى المصرى له غطاء راس برضه (العمة) وفى راييى انها اكثر قبولا فى عينى كمصرى عن تلك الأشياء التى يغطى بها الخليجيين رؤسهم، لكننا تعودنا ان غطاء الرأس المصرى يعنى الفقر اما ذلك الخليجى فيعنى الدولارات والكثير منها وبالتالى فقد علمتنا الفاقة احترم كل رأس مغطاة بقطعة قماش بيضاء او حمراء كاروهات يثبتها فوق الرأس طوق اسود
صدقنى يا اخى اننى اشعر بقدر كبير جدا من عدم الإحترام لكل من اراه من اهل الريف فى مصر وقد تخلى عن جلابيتنا المصرى الجميلة ليرتدى بدلا منها الجلابية الخليجية الضيقة ذات الياقة والأزرار واساور الأكمام واشعر بالكثير من الرثاء على شعب بأكلمة يتخلى عن مفردات ثقافته ليستبدلها بثقافة شعوب اخرى لا هى نحن ولا حياتها حياتنا، فقط من اجل حفنة ريالات او دراهم او دنانير

عزيزى انا بس اقصد ان لو انت موجود في مصر ممكن تعمل عليهم كنترول اكتر وهيتربو وسط بيئه متدينه اكتر ولو سياتك عايش في بلد اخر تعرفنا هل الكلام ده مظبوط ولا لا
انا عن نفسى معروض عليا العمل في ايطاليا لانى اعمل في سفارتها هنا في مصر ورفض لانى بشوف القنوات الايطاليه في الدش كلها بلاوي