بسم الله الرحمن الرحيم
كل التحية لأعضاء منتدانا نايل موترز فى البداية كل الأمنيات بالشفاء العاجل لأخونا وصديقنا محمد جمعة وربنا يقومهولنا بالسلامة إن شاء الله
الحمد لله على كل شئ... عندى موضوعين كدا عاوز نصيحتكم فيها للضرورة...
أولا: الحمد لله انا خلصت شغل العفشة وغيرت دنجل خلفى استيراد وظبط الدنيا فى الفردتين اللى ورا والعفشجى الصراحة راجل زى الفل شغال فى توكيل بيجو وراجعلى على العفشة كلها وراجع وربط العفشة تمام بعد تركيب طقم مساعدين وبطاحات وكوبايات عن محمد عبده وقالى كدا العفشة تمام التمام.
وإكتشف المشكلة اللى كانت مضايقانى من ساعة مجبت العربية وهى انى فى المطبات والنقر بسمع صوت حاجة مفكوكة بتخبط قدام فى الناحية الشمال ناحية العجل قالى دى من الكلبرات بتاعت الفرامل وممكن تكون سوست تيل الفرامل فبص عليهم عند الميكانكى بتاعك وشوف ايه المشكلة ونظرا لأنى بقالى حوالى اسبوع خارج القاهرة فى شغل مقدرتش اروح لمحمد عبده واحل المشكلة دى.. ياترى ايه اللى ممكن يكون فى الكلبرات مع المطبات بيعمل الصوت دا وهو ورانى فعلا والعربية مرفوعه قعد يخبط على الفردة الشمال كان الصوت واضح بس مش بقوة العربية وهى ماشية..
ثانياً: ربنا كرمنى بكاسيت كينوود ومش عارف اضبط الساعة خالص بتاعته ياترى فى حد يقدر يساعدنى فى النقطة دى وشكرا ليكم جميعا