ايه احسن ريسيفر يدعم ال hd ويكون تمنه معقول واجيبه منين

**mohaismail** · 07-05-2010 04:04 PM

سلام عليكم
الحمد لله جبت تيلفزيون ال سى دى هاى سينس 24 بوصة
لسه فاضلى شوية حاجات يريت تساعدونى فيها
محتاج دش قطره كويس و ال ان بى وموتور وريسيفر هاى ديفنشن
يريت اعرف احسن حاجة اقدر اجيبها واسعار تكون معقولة مش غالية اوى وياريت اعرف الريسيقر اجيبه منين
ولكم جزيل الشكر

**mramzy** · 07-05-2010 04:22 PM

ترومان 909 hd وفيه وصلت نت للشيرنج سعره 980 من باب اللوق السعر ده من 3 اسابيع

**mohaismail** · 07-05-2010 05:13 PM

حد قالى على ترومان 1000
ده احسن ولا ترومان 909
ويريت اعرف صناعة ايه

**mramzy** · 07-05-2010 05:37 PM

1000 مش هاى دفيشين
909 هاى دفنيشين
الصناعه بدون ما تسال صينى
زى كل حاجه فى البلد
حتى الشعب بقى صينى

**mohaismail** · 07-05-2010 06:09 PM

معلش اللى اقصده ترومان 900 مش 1000

**mr_kenawy** · 07-05-2010 07:07 PM

حسب اللى انا فاهمه طالما ان القناة نفسها مش بتبث هاى دفينشن فالريسيفر الهاى ديفنشن مش هيفيدك فى اى شىء , و كل قنوات النايل سات مش هاى ديفينشن ما عدا دريم و الجزيرة الرياضية.

**mohaismail** · 07-05-2010 08:47 PM

المشاركة الأصلية كتبت بواسطة mr_kenawy

حسب اللى انا فاهمه طالما ان القناة نفسها مش بتبث هاى دفينشن فالريسيفر الهاى ديفنشن مش هيفيدك فى اى شىء , و كل قنوات النايل سات مش هاى ديفينشن ما عدا دريم و الجزيرة الرياضية.

كلامك صح بس الواحد يجيبه من دالوقتى وخلاص بدل م اغير كل شوية ومعظم القنوات المفروض انها هتكون هاى ديفنشن

**mr_kenawy** · 07-05-2010 11:26 PM

طب هو الريسيفر الهاى ديفينشن ده بيعتمد على اى نوع من انواع الوصلات اوديو فيديو زى الريسيفر العادى و لا ليه وصلة خاصة بيه لربطه مع الشاشة؟

**D . a .\ AYMAN** · 08-05-2010 12:29 AM

المشاركة الأصلية كتبت بواسطة mr_kenawy

حسب اللى انا فاهمه طالما ان القناة نفسها مش بتبث هاى دفينشن فالريسيفر الهاى ديفنشن مش هيفيدك فى اى شىء , و كل قنوات النايل سات مش هاى ديفينشن ما عدا دريم و الجزيرة الرياضية.

المشاركة الأصلية كتبت بواسطة mohaismail

كلامك صح بس الواحد يجيبه من دالوقتى وخلاص بدل م اغير كل شوية ومعظم القنوات المفروض انها هتكون هاى ديفنشن

حتى لو القنوات الموجودة دلوقتي مش هاي ديفينشن لكن الريسيفر الهاي ديفينشن هايطلع صورة أحلى من الريسيفر العادي بالنسبة للقنوات العادية

وده أنا شوفته بنفسسي في عدة ريسيفرات سواء هايى ديفينشن أو أوديو فيديو أو كومبوننت وفعلا بيفرق .. ولما القنوات تبقى كلها هاي ديفينشن ساعتها هايفرق بجد

لكن أنا مانصحش حد يغير طالما عنده فعلا ريسيفر عادي لأن فرق السعر دلوقتي كبير بدون فرق كبير في الجودة يقابله

لكن اللى هايشتري ريسيفر وأصلا ماعندوش وكده وكده هايشتري يبقى يحيب هاي ديفينشن من دلوقتي

الرسيفر الهاي ديفينشن ليه وصلة مخصوصة إسمها hdmi ودي شبه اليو إس بي شوية وفي منها الرخيص من 25 جنيه لغاية الغالي بـ 200 جنيه وطبعا فرق الجودة موجود فعلا ... ومانصحش أي حد يجيب منها حاجة أطول من متر أو 2 متر بالكتير لأن الطول بيفرق جامد في جودة الصورة إلا إذا كان نوع الكابل من ماركة محترمة جدا وساعتها هايبقى تمنه بتلفزيون تاني