بشكرك على الرد عليا والمساعدة وهل حضرتك متأكد من الموضوع دة طب العربية كلها ولا الكشافات وارجو من حضرتك ان تكون متأكد علشان استاذ احمد سامى قال غير كدة وانا اسف على الاطالة
انا مقصودش حاجة غلط خالص والله انا قصدى ان حضرتك قولت انا نوع hid مفيهوش اى مشكلة وهو دة كان قصدى وانا اسف لو مكنتش موضح وبجد انا مكنش قصدى حاجة وشكرا لتعاونك معايا وانا بعيد اسفى تانى
بص يا شيكو بغض النظر عن النوعيه
لو ركبت زينون بره "أى كان نوعه" ضفيره الكهربه تخرج برا الضمان
مفيش حاجه أسمها الكشافات بره الضمان
لأ هيخرجوا الضفيره كلها
يعنى لو حصل أى مشاكل بعد كده فى كهربه العربيه ملوش هو دعوه
لو ركبته جوه التوكيل "بردو بغض النظر عن النوع" يبقى الضمان شغال ومفيش مشكله
دكتورأحمد بيقول لو ركبته فى ورش hid الى برا الوكيل مفيش مشكله على أساس كلام بشمهندس خالد ليه
بس أنا بقولك يا ريت تروح الاول التوكيل وتقلهم أنك عايز تركب زينون عندهم ولو قلولك روح ركبه برا عند كذا ومفيش ومشاكل روح
لكن متروحش من نفسك الاول وتركبه ويرجع يقولك محدش قالك ويتلككوا
شكرا ليك يانورمال على الافادة وشكرا على تعبك
بص يا شيكو انا سألت في الموضوع ده قبل ما اشتري العربيه هما مينفعش تشتري زينون من بره و يركبهولك ولا ينفع تركب انت بره لو رحتلهم يركبولك حاجه مش هيردو ولو ركبتو انت بره هيخرجو الضفيره بره الضمان انما لو ركبت زينون عندهم مش هيخرج بره الضمان عادي بس هتدفع 1250 جنيه في الشبوره و 1450 جنيه في الواطي غير المصنعيه
شيكو بيه نصيحة اخ بلاش تلعب فى الضفيرة علشان متبرجلش العربية .عن نفسى انا معنديش استعداد العب فى الفبريكة مع ان الحجات دية عندنا فى بورسعيد عادية بس النور بتعها معقول و العالى بيعمى و لا اية رأيكو