سؤال الى اخواتى فى المنتدى؟؟؟؟ ويارب مكنش بتقل عليكو وشكرا

**shikoooooo** · 07-05-2010 07:07 PM

المشاركة الأصلية كتبت بواسطة mshawky

اقوى زينون هو فليبس قم jlm ثم hid كده كده لو ركبت بره خرجت من الضمان مع مراعاه انهم بيتلككو اساسا

لكن لو ركبت عندهم هيكون افضل واحسنلك لكن اغلى طبعا ابو جنيه بيبعوه بعشره معروفه

بشكرك على الرد عليا والمساعدة وهل حضرتك متأكد من الموضوع دة طب العربية كلها ولا الكشافات وارجو من حضرتك ان تكون متأكد علشان استاذ احمد سامى قال غير كدة وانا اسف على الاطالة

**Ahmed Samy** · 07-05-2010 07:12 PM

المشاركة الأصلية كتبت بواسطة shikoooooo

بشكرك على الرد عليا والمساعدة وهل حضرتك متأكد من الموضوع دة طب العربية كلها ولا الكشافات وارجو من حضرتك ان تكون متأكد علشان استاذ احمد سامى قال غير كدة وانا اسف على الاطالة

أنا ماقولتش غير كده

هم بيركبوا hid في الوكيل ...بس المهندس خالد يومها قاللي لو ركبته هناك ما بيبقاش في قلق
بس لو هم بيركبوه في ورش الوكيل ..يبقى ركبه عندهم حتى لو المصنعية أغلى شوية علشان تحافظ على ضمانك

**shikoooooo** · 07-05-2010 07:23 PM

انا مقصودش حاجة غلط خالص والله انا قصدى ان حضرتك قولت انا نوع hid مفيهوش اى مشكلة وهو دة كان قصدى وانا اسف لو مكنتش موضح وبجد انا مكنش قصدى حاجة وشكرا لتعاونك معايا وانا بعيد اسفى تانى

**NoRmAl** · 07-05-2010 07:30 PM

بص يا شيكو بغض النظر عن النوعيه
لو ركبت زينون بره "أى كان نوعه" ضفيره الكهربه تخرج برا الضمان
مفيش حاجه أسمها الكشافات بره الضمان
لأ هيخرجوا الضفيره كلها
يعنى لو حصل أى مشاكل بعد كده فى كهربه العربيه ملوش هو دعوه
لو ركبته جوه التوكيل "بردو بغض النظر عن النوع" يبقى الضمان شغال ومفيش مشكله

دكتورأحمد بيقول لو ركبته فى ورش hid الى برا الوكيل مفيش مشكله على أساس كلام بشمهندس خالد ليه
بس أنا بقولك يا ريت تروح الاول التوكيل وتقلهم أنك عايز تركب زينون عندهم ولو قلولك روح ركبه برا عند كذا ومفيش ومشاكل روح
لكن متروحش من نفسك الاول وتركبه ويرجع يقولك محدش قالك ويتلككوا

**shikoooooo** · 07-05-2010 07:58 PM

شكرا ليك يانورمال على الافادة وشكرا على تعبك

**alzwawy** · 08-05-2010 12:17 AM

بص يا شيكو انا سألت في الموضوع ده قبل ما اشتري العربيه هما مينفعش تشتري زينون من بره و يركبهولك ولا ينفع تركب انت بره لو رحتلهم يركبولك حاجه مش هيردو ولو ركبتو انت بره هيخرجو الضفيره بره الضمان انما لو ركبت زينون عندهم مش هيخرج بره الضمان عادي بس هتدفع 1250 جنيه في الشبوره و 1450 جنيه في الواطي غير المصنعيه

**medo_elgezy** · 08-05-2010 12:39 AM

شيكو بيه نصيحة اخ بلاش تلعب فى الضفيرة علشان متبرجلش العربية .عن نفسى انا معنديش استعداد العب فى الفبريكة مع ان الحجات دية عندنا فى بورسعيد عادية بس النور بتعها معقول و العالى بيعمى و لا اية رأيكو

**shikoooooo** · 08-05-2010 12:10 PM

المشاركة الأصلية كتبت بواسطة alzwawy

بص يا شيكو انا سألت في الموضوع ده قبل ما اشتري العربيه هما مينفعش تشتري زينون من بره و يركبهولك ولا ينفع تركب انت بره لو رحتلهم يركبولك حاجه مش هيردو ولو ركبتو انت بره هيخرجو الضفيره بره الضمان انما لو ركبت زينون عندهم مش هيخرج بره الضمان عادي بس هتدفع 1250 جنيه في الشبوره و 1450 جنيه في الواطي غير المصنعيه

بشكرك يازاواوى على مساعدتى فى الموضوع وشكرا على الاسعار

**shikoooooo** · 08-05-2010 12:19 PM

المشاركة الأصلية كتبت بواسطة medo_elgezy

شيكو بيه نصيحة اخ بلاش تلعب فى الضفيرة علشان متبرجلش العربية .عن نفسى انا معنديش استعداد العب فى الفبريكة مع ان الحجات دية عندنا فى بورسعيد عادية بس النور بتعها معقول و العالى بيعمى و لا اية رأيكو

شكرا ليك ياميدو على النصيحة بس بصراحة انا شايف ان الزينون دة مش بياثر على حاجة خالص علشان بيبقى جاى معاة جهاز بيركب علية لمبة الزينون والله اعلم وبشكرك تانى على النصيحة ياميدو

**Mshawky** · 08-05-2010 12:47 PM

المشاركة الأصلية كتبت بواسطة medo_elgezy

شيكو بيه نصيحة اخ بلاش تلعب فى الضفيرة علشان متبرجلش العربية .عن نفسى انا معنديش استعداد العب فى الفبريكة مع ان الحجات دية عندنا فى بورسعيد عادية بس النور بتعها معقول و العالى بيعمى و لا اية رأيكو

كلامك صح ناس كتير بتفهم قالتلى كده

الموضوع: سؤال الى اخواتى فى المنتدى؟؟؟؟ ويارب مكنش بتقل عليكو وشكرا

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مكنش العشم ........... خدمة زيوت فيسكو

اتمنى ان اجد عند خبراء واعضاء المنتدى الكرام اجابات لاسئلتى وشكرا

كام سؤال للبروتوناوية؟؟؟؟وشكرا

ارجو من المشرف الدخول و الغاء عضويتى فى المنتدى وشكرا

الكلمات الدلالية لهذا الموضوع

المفضلات

المفضلات

ضوابط المشاركة