الموضوع: استفسار بخصوص المشايات الكهربائية

انا شارى مشاية جرى كهربا ب 3500 من المنصورة وللاسف اتخميت لانى مكنتش اعرف المواضيع دى بتاعت الصينى
المهم انا حتى مش عارف ماركتها ولكن مكتوب عليها Hi fit مش عارف هى صينى ولا لا والماتور محطوط عليها استيكر كالتالى
wingtech co.ltd korea
المهم انا شارى الجهاز من حوالى سنة ونص وحصل فيه بلاوى الاول ال incline بتاعه اتقطم فروحت لحمته هو وجزء من المساورة اللى ادام اللى بتربط السير بالشاسيه اللى ادام
اتصلحت والحمد لله وده كان من اربع شهور
الان من شهر ونصف حصل حاجة غريبة جدا الجهاز دايما بعد اربع ثوانى من اما افتحه يدينى Error 4 وتقعد ثانية وتتشال بعد كده اشغله عادى بعدها حصل حاجة اغرب الجهاز كل ماافتحه واضغط على start يمشى ببطئ وبعدين يقف حتى لو عليت السرعة فى ساعتها ويفضل يدينى error 1 وفضل بتاع شهر واقف كل ماافتحه مبيرداش يشتغل ويدى error 1
منذ اسبوع اخويا اكتشف انه لو حرك السير بايده اول مايضغط على start وعلى السرعة الجهاز مش هيقف وفعلا كنا بنعمل كدا افتحه وازق السير بايدى لغاية اما السرعة تعلى واطلع اجرى عليه وفضل شغال اسبوعين كده حتى من مدة يومين معندناش بنضطر ان احنا نزقه بايدينا وببقى بيشتغل عادى الا حكاية error 4 دى اللى بتظهر اول ماتفتحه ومن قبل مااعمل start حتى للجهاز

الان منذ ساعتين وانا بجرى لقيت الجهاز السرعة كانت على 10 لقيته مرة واحدة وبدون مااضغط على اى حاجة سرع جدااااااا وام واقف مرة واحدة وعمل error 2 على الشاشة ولما فتحته تانى لقيته ادانى ايرور 2 ولقيت زى مايكون نور كهربا بيضة طالعة من ناحية البوردة بتاعت اللى موجودة تحت على الشاسيه ومعتش بيشتغل خالص تحط الفيشة مبينورش اتكتم خالص واتوفى هههههه
مع العلم اننا كنا شايلين الكيسة اللى مغطيا البوردة والماتور لانها كانت بتحك فى السير وكنا بنزيته على طول بزيت كان جاى معاه وبعدين اشتريت انا زيت بتاع مكن الخياطة ابيض كده ( كانت جاية علبة معاه وخلصت واحنا اشترينا زيه بالظبط)

اعمل ايه ، ايه اسباب الايرورز دى وكده اتحرق خالص ولا ايه ، مينفعش اعمل فيه حاجة اخليه يرجع ينطق تانى اهم حاجة ايه الاسباب بتاعت ال errors دى
لو مش هينفع انى اصلحه انا متعرفش حد بتاع صيانة فى المنصورة

واسف جدا على الازعاج
سلام عليكم

وخليه يشوف الحساس عشان ممكن يكون هوا اللي بيعمل error 1

شكراً ياباشا على الرد بس هو الجهاز معتش بينطق لا ايرور واحد ولا ايرور 2 ولا حتى 4 احط الفيشة الشاشة مبتنورش زى مايكون اتحرق

اه شئ تانى هو ايه الحساس ده ممكن تقولى مكانه او صورة ليه عشان مبفهمش انا فى الاجهزة

شكرا والله انا هحاول بكل الطرق اصلحه ولو محصلش نصيب يبقى ارجع اجرى على تراك ستاد الجامعة :d