السلام عليكم
كيفكم حلوين؟؟ اتمنى تكونو تمام
بالنسبه لصاحب الموضوع اتمنى لك التوفيق في شراء المشايه اللي نفسك فيها
وشكرا كتيررر لانك بموضوعك هدا افدت غيرك
بالنسبه للاخ فني ميكي بجد شكرا ع المعلومات المفيده بس كان عندي شوية استفسارات وطبعا هدا بعد اذن صاحب الموضوع
المهم
اخويا فني ميكي اتمنى ما اكون ملخبطه في الاسم
دحين انا من السعوديه اوكي
وحابه اشتري مشايه كهربائيه
واكيد المحلات غير اللي عندكم
في مشايه مره عجبتني بس كنت حابه اتاكد منك اذا كانت حلوه ويمكن بكره بروح اشتريها
عن نفسي امس عملت استخاره واليوم كمان راح اسوي ان شاء الله بس كمان حابه مساعدتك
هو قاللي انها ميد ان تايوان
و2 حصان اصلا احنا نبغاها اقصى حد 120 كيلو لانو اتقل واحد راح يستخدمها وزنه 107
وقاللي انها موتور واحد
اصلا انا ما ابغاها موتورين شفت وحده تانيه موتورين بس ما عجبتني الفكره من اساسه
المهم قالي انو موديلها سبورتيك 1050
وبصراحه انا ما اعرف في الموديلات وكده فياليت لو تساعدني بحكم خبرتكم
وهدا الجهاز بصراحه مره عجبني من محل عندنا اسمه فدعق
في جهاز تاني من محل اسمه غرناطه
مواصفاته made in china
1ونص حصان
موتور واحد
الموديل life gear 540-255
وفي جهاز تاني
مواصفاته made in china
2 حصان
موتور واحد
وموديله ما ادري هو قاللي رقم الموديل 1360 المصدر حقه الحريري
او شي زي كده مو فاكره المهم انه جاب سيرة الحريري
الحريري هدا مين يطلع الله اعلم ههههه؟؟
المهم انا اكتر واحد عجبني الاولاني وانت قلت انو التايواني احسن من الصيني بس ابغا رايك في الموضوع
ولك مني جزيل الشكر
ومعليش اخويا تعبتك معايا وطولت عليك
اختك دلوعه
المفضلات