استفسار بخصوص المشايات الكهربائية

**manmax_3** · 05-01-2012 09:14 PM

طيب انا هحتاج واحدة تشيل وزن 105 مستريح .. يعنى لو قلنا ال 08 زى ما الاستاذ صبحى بيقول أعتقد هتكون كويسة ..
وانا فلوسى جاهزة وعاوز اشترى ..

المشكلة فين بقى
المشكلة ان محدش بيرد فى الشركة والتليفون يكون مشغول وبعدين ميردوش ..
يا جدعان هشترى والله

انا كلمت الارضى اللى اخره 087 ومفيش فايدة

**FunnyMickey** · 05-01-2012 10:37 PM

:) :)

ابعتلي بياناتك في رساله ياباشا او عالخاص
وان شاء الله الجمعه او السبت تكون عندك المشايه

**manmax_3** · 06-01-2012 08:01 AM

بعتها لحضرتك ,, شكرا على تعاونك

**mayaaa** · 06-01-2012 09:25 AM

اهم حاجة الكفاءة مش السعر ان بسال حضرتك فنياا انما السعر التايوانى ال jk 6700
وال BH 7500 عموما الفرق مش كبيير بس المهم الاحسن

**mido** · 06-01-2012 10:17 AM

المشاركة الأصلية كتبت بواسطة funnymickey

كنت شغال في احد مراكز بيع الاجهزه الرياضيه لمده 6 سنوات
حاليا بشتغل في مكان تاني لا علاقه له بالاجهزه الرياضيه

انا افتكرت ان حضرتك حاليا فى مكان بيبيع :)

**FunnyMickey** · 06-01-2012 11:38 AM

لا حاليا بتابع الموضوع ده
وعلي فكره فيه تلاته اشتروا من خلال الموضوع ده
بيبعتلي البيانات بتاعته عالموبايل وانا ببعتهاله عالبيت وباخد الفلوس لما توصل المشايه وده طبعا بسواق من طرفي

فيه ناس كتير بتستصعب موضوع شارع الجمهوريه ده
خصوصا ان المكان صعب الركنه فيه
فعشان كده كلا المكانين متاح

لحد ان شاء الله ما ربنا يكرمني واقدر افتح مكان وتشرفوني فيه
:) :)

**FunnyMickey** · 06-01-2012 11:52 AM

المشاركة الأصلية كتبت بواسطة archnoorallah

استاذ ميكى ربنا يجزيك خير على المعلومات المفيدة دى موضوع رائع وياريت كنت شفته قبل مشترى المشاية بس قدر الله وماشاء فعل
اشتريت من اسبوع مشاية كهرباء ماركة siaminaوقالولى انها تايوانى و2 حصان وقدرة الموتور التانية 3ونص حصان ومعاها حزام مساج و2 دامبلز وتويست وتمارين البطن وكانت شغالة كويس لحد من يومين بس لاحظت انو السير بيبطء يعنى لما اشغلها على سرعة 6 ميل فى الساعة الاقيها بتبطء شوية وترجع تاخد السرعة وهكذا حتى بمسك جامد فى اليد عشان بخاف لتوقعنى لتفاوت السرعة ولما قريت الموضوع هنا وحكاية ترحيل السير بصيت لقيت فعلا السير مترحل ناحية اليمين على الاخر فاتصلت بالشركة وقالولى انهم هيبعتو مهندس صيانة وسؤالى هو هل لو استخدمتها لحد ما المهندس يجى فيها مشكلة والسير مترحل ؟وهل النوع ده كويس وتايوانى فعلا ولا صينى؟

فعلا زي ما بتقولي قدر الله وما شاء فعل
ومش حيفيد دلوقتي صيني ولا تيواني
ومشكلتك بسيطه ان شاء الله
الفكره ان المشايه بتاعت حضرتك السير بتاعها مرتخي شويه
واسع سنه
وده بيخليها تبطئ وتسرع زي ما حضرتك شايفه كده وتبقي حاسه انك حتقعي

الفني بتاع الصيانه حييجي يشد السير شويه
حتتظبط المشايه

متقلقيش وان شاء الله خير