الموضوع: استفسار بخصوص المشايات الكهربائية

المشاركة الأصلية كتبت بواسطة safrot5

السلام عليكم
وعليكم السلام ورحمه الله وبركاته
لو سمحت يا ميكى ممكن اعرف افضل نوع لمشاية كهربائية انا وزنى 85 كيلو
افضل مشايه لوزن حضرتك موديل 8608 صناعه تيواني
و كنت عايز اعرف تمنها كام و اعرف مواعيد عمل فى ابو الجوخ
لم اعد اعمل في ابو الجوخ حاليا ولكن عموما المواعيد من 10 صباحا ل7 مساءا
و هل فى شحن ولا لا لانى من الزقازيق
الشحن موجود لكل المحافظات ولكن الزقازيق معتقدش ان فيه شركات شحن عندكو وعالعموم حضرتك لو تعرف مكان شركه الشحن قوللي علي اسمها وعلي مكتبهم في القاهره فين وانا اشحنلك عليها وان لم يكن فموجود عربيات خاصه يتراوح سعرها من 150 ل 200 جنيه
و الصيانة نظمها بيكون ازاى هل فى فنى بيجى و لا لازم ارجعلها لكم .
الفني بيسافر كل حته يافندم يومين في الاسبوع الجمعه والاحد
وده ميمنعش ان فيه اوقات بنحتاج ان المشايه تيجي القاهره
معلش سؤال كمان فى واحد قالى على نوع cybex امريكى كنت عايز اعرف تمنها كام و هل هى كويسة و لا لا وشكرا جدا
طبعا كويسه جدا ولكن غاليه جدا يتعدي ال20 الف جنيه ومعتقدش انك حتلاقي منها منزلي اصلا لان كل اللي شفته منها كان مشايات صالات جيم

انا عايز اشترى مشاية تريحنى و ما اتعبش فى موضوع الصيانة و الاعطال و يكون سعرها مناسب
متقلقش يافندم انا وكيل للمشايه ومستورد في نفس الوقت ودي ميزه اني مسئول عن اي عطل يحصل في المشايه خلال فتره الضمان وبعد مايخلص الضمان كمان متوفره قطع الغيار


سعر المشايه بعته عالخاص في رساله

المشاركة الأصلية كتبت بواسطة troy_872001

لو سمحت يا استاذ ميكى انا ناوى اشترى مشايا كهربه وادامى human traction - motorized treadmill - 111a فكونت عاوز اعرف المشاية ده كويسه ولا لا هى صينى ولو وحشه ايه احسن نوع اقدر اجيبه فى حدود الفين وايه احسن مكان اجيب منه مشاية فى الاسكندرية ارجو الرد على اسالتى كلها

صعب اوي اوي تلاقي حاجه كويسه في حدود الالفين
ولو لقيت حتبقي حاجه مش تمام
ده حتي الصيني مش حتلاقي حاجه فيه كويسه في الالفين
وحضرتك قلت ان المشايه المعروضه عليك صيني
وانا دايما بقول نحاول بقدر الامكان نبعد عن الصيني طالما متوفر بديل تيواني وبسعر قريب

والموزعين في الاسكندريه
حبعتلك ارقامهم عالخاص
ممكن تروح تتفرج عندهم علي الموديلات وحتلاقي عندهم بردو صيني خاص بيهم مش من عندي
وحتشوف بنفسك الفرق في الجوده والصناعه

وفي النهايه لا يصح الا الصحيح

المشاركة الأصلية كتبت بواسطة yaserbasha2000

استاذ صبحي تحيه لحضرتك و موضوعك المفيد جدا ماشاء الله

انا وزني 85 و محتاج مشايه كويسه وعمليه استخدامها هيكون ساعه او اتنين يوميا

حضرتك تنصحني بالمشايه 8608 و انها كويسه و لا الوزن ده في اخر الرنج بتعها يعني قريب من الماكسميم بتاعها فالافضل اني اجيب الاعلي

كمان المشايه دي في المتوسط مع الاستخدام الكويس و الصيانه المنتظمه من سبراي او تشحيم ممكن يكون عمر ماتورها قد ايه و سعر تغييره كام

لو ممكن سعر المشايه 8608

مش حتحتاج اكتر من كده
مناسب جدا للوزن اللي عند حضرتك


والعمر الافتراضي للمشايه دي مقدرش احدده بالظبط
ولكن في الغالب بيكون من 3-5 سنين علي ما نبتدي نقول ان الموتور تعب
انما فيه حاجات تانيه عمرها الافتراضي اقل
يعني مثلا السير ممكن يقعد سنتين ويحتاج يتغير

والحمد لله قطع الغيار كلها متوفره
الاسعار حبعتها لحضرتك عالخاص ان شاء الله

الماركه : american motion fitness
المنشأ : تيواني
رقم الجهاز : 8618
اقصي وزن : 120 ك

المكان : من هنا او من مقر الشركه اللي انا كنت شغال فيها
اللي يريحك
انا حاليا بشتغل عن طريق الانترنت فقط لحين توافر مقر للشركه بأذن الله

لو حضرتك حابب تشتريه بنفسك ابعتلك عنوان الشركه عالخاص وسعر الجهاز حبعته لحضرتك في رساله دلوقتي

فعلا مبيتحطش عالموتور
ده بيتحط علي السير من تحت
يعني بطن السير
يترش عالخشبه اللي موجوده تحت السير
وفيه شرح للموضوع ده بالتفصيل في اول الموضوع

وان شاء الله السير ميرحلش تاني او يرتخي
ولو حصل
حاولي معاه بس مش كتير
لان الموضوع محتاج فني مش الانكيه وخلاص