الموضوع: استفسار بخصوص المشايات الكهربائية

موجود ياباشا
بس هوا مش 12 لعبه ولا حاجه
هوا 7 العاب
وهما بيقولوا ان فيه 12 لعبه معرفش بييجوا منين
مع ان شكله كله في السوق واحد

المشاركة الأصلية كتبت بواسطة bosy2

لو سمحت سعر المشاية 8608 ؟؟
و شكراً على المجهود القيم.

تم ارسال السعر عالخاص

المشاركة الأصلية كتبت بواسطة ahmadhussein

الاخ الفاضل أ / صبحى جزاك الله كل خير وجعل فائدة معلوماتك لنا فى ميزان حسناتك يوم لا شفيع لنا الا اعمالنا ...انا فعلا استفدت جدا بموضوعك هنا خصوصا انى كنت ناوى خلاص انزل اشترى مشاية وكانت فعلا صينى وكنت بقول اهو كله واحد ..بس بعد ما قرأت موضوعك هنا تراجعت عن قرارى وهدانى الله للصواب ان شاء الله .

وكان عندى لسيادتك اخى الكريم بعض الاستفسارات
1- انا وزنى حوالى 90 او 92 كيلو فكنت عايز اعرف اى انواع المشايات المتاحه فى فرعكم مناسب وفترة تشغيلها متواصل قد ايه ؟؟ انا محتاج حاجة تشتغل اكثر من ساعة متواصل لى ولاسرتى .
2- السعر كام ؟؟ - ولو حضرتك هترشح لى موديل ( 08 ) ايه الموديل اللى بعديها على طول وبيكون بيشيل لحد 110 كجم وسعرهم كام . (( واكيد على اساس السعر برده الواحد هيفضل طالما الاثنين تيوانى ))
3- العنوان بالتفصيل بعد اذنك ولو مافيش مانع رقم تليفون حضرتك

4- حضرتك ذكرت ان فيه فرع فى شارع السودان ...عنوانه ايه بالتفصيل بعد اذنك وهل فيه امكانية انك تفيدنا او تخدمنا هناك .

واخيرا الف شكر مقدما على الرد وعلى معلوماتك القيمة لينا مرة ثانية .

المشاركة الأصلية كتبت بواسطة ahmadhussein

ا / صبحى (( ميكى )) انا اسف على الاطالة بجد بس هو كان فيه استفسار اخير وهو هل الضمان على الجهاز بالكامل ماتور وسير والمشاية كلها ولا على الماتور بس ؟؟؟

الف شكر لكلام حضرتك ويارب يكون دعائك مستجاب
نيجي للأجابه علي اسئله حضرتك

1- المشايه المناسبه لوزن 90 92 هي موديل 8608 ومش حتحتاج حاجه اعلي منها وعاوزين نتفق علي حاجه
مفيش مشايه منزليه تشتغل اكتر من ساعه او ساعه نصف بالكتير اوي متواصل
لانها مصممه في الاساس علي موتور يكون استخدام منزلي
ومش معني كلامي انها وحشه
بس كله بتمنه

وعشان كده مش عاوزك تفكر ان المشايه طالما موتورها مناسب يبقي حتبوظ بسرعه
نمشي عالتعليمات وان شاء الله مش حيحصلها حاجه طالما جبتها ماركه مضمونه ليها وكيل معتمد

المشايه الاعلي من 08 بتشيل 120 ك
وبتشتغل ساعه ونصف
واغلي طبعا حوالي 1000 جنيه
:)

بالنسبه للمكان حاليا البيع اون لاين فقط لعدم توافر سيوله ماديه ولظروف البلد مقدرش ابتدي مشروع دلوقتي واتحمل ايجار مكان للاسف
فانا بشتغل اون لاين وفي طريقي لانشاء صفحه علي الفيس بوك عليها كل صور الاجهزه ومعلومات عنها للتسهيل علي العميل انه يشوف الجهاز بعينه وصورته

وبالنسبه لفرع شارع السودان ممكن ابعت لحضرتك رقم تليفون وتستفسر منهم علي اللي انتا عاوزه
والاسعار ثابته مبتتغيرش من مكان لمكان

والضمان طبعا علي الجهاز كامل مش علي الموتور بس ولا حاجه

وليك رساله عالخاص فيها سعر الجهازين ورقم تليفوني
وتحت امرك في اي استفسارات

رديت عالخاص قبل ما اشوف دي معلش:)