الموضوع: استفسار بخصوص المشايات الكهربائية

القطاره دي سيليكون مركز
انما الاسبراي اللي بكلمك عليه ده سبراي سيليكون
بيؤدي نفس الوظيفه
بس في رأيي الشخصي افضل
وفيه ناس بتفضل المركز
بس المشكله ان الزيت ده بيلم تراب وده مش كويس عالسير
والاسبراي اللي شفته
3 انواع
مصري ب12 جنيه 400 مللي
وتيواني ب25 جنيه 450 مللي
وامريكي ب30 جنيه 400 مللي
دول في شارع الجمهوريه
انما معرفش بصراحه بيتباعوا فين تاني

جزانا واياكم ياباشا

المشاركة الأصلية كتبت بواسطة wgwaily

ميكى باشا رائد هذا الباب j
أولاً جزاك الله خير على المعلومات التى وفرتها بهذا الباب, ولى تجربة وأسئلة هحاول اختصارها بقدر الامكان :
عندى مشاية صينى لا يوجد علها اسم ماركه عدا motorized treadmill وهى بموتورين , ماتور السير ماركة leeson أمريكى 3 حصان والله اعلم ذلك المكتوب عليه واشتريتها من زميل كانت عنده منذ 3 سنوات .
المشاية أصلاً لوالد لغرض العلاج الطبيعى لذا هو يمشى عليها بسرهة 0.08 ك / س لمدة 10 دقائق, جربها حوالى 4 أو 5 مرات ثم عو يمشى عليها بعد 10 دقائق تقريباً وقفت و أعطت error 1 ثم جربناها مرة أخرى فعملت 5 دقائق ثم نفس الـ error 1 حاولنا مرة أخرى فرأينا العدادات تعمل بدون سير الجراية ثم بعد 12 ثانية تقف وتعطى error 1 , مع العلم ان موتور incline يعمل ومفيهوش مشاكل.
بعد سؤال زميلي من اين جاء بها عرفت المكان واتصلت به , فاذا هو أرسل فنى الصيانة خلع الكارتة وقال ربنا يستر والموتور يبقى سليم, و بعد عدة أيام جاء بها بعد تصلحها, عندما ركب الكارتة جرى السير بالعكس , فقلب الاسلاك فكان نفس الerror 1 فقلت له رجع الاسلاك مرة أخرى و اجعلها تمشى بالعكس زى الأول , فعندما فعل ذلك أخذت الجرايه مرة واحده تجرى بالعكس بسرعة جامدة جداً ففصل الكهرباء , وقال انه سوف يكشف على الموتور و الكارتة معاً.
أخى ميكى ما رأيك ؟؟؟؟
ومعذرة على الإطالة

اهلا بيك اخي الكريم
وربنا معاك ان شاء الله

المشكله واضح انها مشكله بورده
والبورده فيها حاجه
المشكله دلوقتي مش ان البورده تتصلح
المشكله لو البورده باظت خالص
هل فيه منها جديد ولا لا
وبكام؟

طبعا غلط جدا جدا ان والدك يمشي عليها عالسرعه البطيئه دي لان ده بيؤدي للي حصل عندك ده وممكن كمان يؤدي لحرق الموتور
عالعموم انتظر رأي الفني لان هوا خد الموتور والبورده
وده رقمي 01009779970
ياريت تكلمني في اسرع وقت عشان اتابع معاك المشكله

المشاركة الأصلية كتبت بواسطة ابو سيف

معلش يا باشا استفسار
ليا واحد صديقي كان بيسألني على مشايه كهربا
هوا وزنه في حدود 90 كيلو تقريبا
و عايزها لأستخدامه في المنزل

يا ريت تقولي ايه اقتراحاتك بالاسعار و التوصيل و كدة
انا قولتله استنى اسألك على المنتدى عشان انت متعرفش الماركات و عشان ميتخمش
يا ريت اعرف اقتراحات و لو فيه اي استفسار او سؤال انت عايزة عشان تقدر تحدد النوع و الموديل اتفضل
شكرا

الوزن كويس وقدامه اقتراحين
يااما ياخد مشايه بتشيل 90 ك بالظبط
وده انا مفضلوش ولكن فيه ناس ممكن تاخدها عشان فرق السعر
والمشايه دي موتورها 1 حصان
وبتشتغل متواصل نصف ساعه
وفيها 3 العاب كمان
قرص تويست وحزام هزاز وبنش للبطن

المشايه التانيه اللي انا برشحهالك موديل 8608
ودي بتشيل لحد 100 وممكن لحد 110 كمان
وبتشتغل ساعه متواصل

والرأي الاول والاخير ليه طبعا
وحبعتلك سعر المشايات عالخاص

المشاركة الأصلية كتبت بواسطة ossamayk

عاوز أجيبها بس حاسس إني همل منها وأركنها بعد شوية

استاذ اسامه طالما احساسك كده يبقي متشتريهاش طبعا عشان متبقاش اشتريت اغلي شماعه هدوم في حياتك

ولو ان وجودها في البيت في حد ذاته مشجع جدا
بس لو الشخص نفسه عنده العزيمه والاراده انه يلعب
مضحكش عليك المواظبه علي اي شئ في حياتنا شئ ممل
بس الفرق بين الشخص المواظب والشخص الغير مواظب اكيد فرق كبير

ناخد مثلا شخص مواظب علي الرياضه وشخص لا
تلاقي فرق مجهود بدني رهيب بين ده وده
وشكل عام

فانتا لازم اولا يكون جواك عزيمه واصرار علي ممارسه الرياضه
بعدها تأتي الوسيله اللي حتمارس بيها الرياضه