استفسار بخصوص المشايات الكهربائية

محتاج مشاية كهربائية فى البيت ضرورى و نزلت امبارح اشترى واحدة لقيت انواع و اشكال و قدرات مختلفة توهتنى , لكن كله صينى , ياريت اصحاب الخبرة فى الموضوع ده يفيدونا بتجربتهم بخصوص احسن الانواع , و القدرة الكافية للاستخدام المنزلى هل 2 حصان يكفى ام اكثر , و هل هناك قلق من مسألة المنشأ الصينى , و ايه هو المقصود بالمشاية ذات الموتور الواحد و ذات الموتورين , و مين اللى بيعمل صيانة للاجهزة دى و مين احسن تاجر متخصص فى الموضوع ده و ايه اخبار الاسعار , و اى نصيحة او معلومة متعلقة بهذا الموضوع , و لكم جزيل الشكر.

هل هتستمر ولا شوية و هتزهق
نصيحة اي جيم عالي هتلاقي فية الاجهزه دي كلها
قولي انت ساكن فين و هدلك لاقرب واحد اليك
وبالنسبة لاحسن مكان فية عند قطر عابدين محل اجهزة رياضية ريبوك هتلاقي الترادميل و فيها الكلين كمان (اللي هو الموتور التاني اللى بيعمل كانك طالع مرتفع)

weider ماركه محترمه و ليهم وكيل في مصر - كلمهم و اعرف منهم كل حاجه

Weider Egypt, Nasr City, Cairo, Egypt | Fitness Centers & Equipment | Yellow.com.eg | 17 Ibrahim Abou El Naga St.

متابع بإهتمام للمزيد من الردود

انا عندي ماشية كهربائية بقالها حوالي سنة ونصف هي تقريبا 3 حصان وساعتها انا اختارتها بالوزن كان اخرها 110 ك
وانا بحب الجيم بس المشكلة ان معاي طفلة صغيرة ومش كان ينفع انزل واخدها معاي لاني كنت خايفة عليها تقع عليها حاجة في الجيم لاقدر الله

بس لاني بحب امشي او لما جبيتها كنت بمشي ساعتين وثلاثة بس دلوقتي موظبة عليها يوميا نصف ساعة الصبح

ولما اشترتها قولولي انها كوري ودا الي خالني احيبها بس بصراحة ملقيتش اي حاجة عليها انها كوري او صيني او اي حاجة بس كنت اشترتيها

والمحل قالي ان هو اللي هيقوم ليا بالصيانة لو حصل حاجة لاني لما سالت في التوحيد والنور وعمر افندي قولولي ان ملهموش دعوة بالصيانة
بس للامانة هي لغاية دلوقتي معملتش اي مشاكل ومحتجتش صيانة
كان سعرها 3000 جنية

بس نصيحة لازم تكون كهربائية لان اخويا اشتري واحدة مانوال وتعبت رجله جدا وجاله خشونة وسبها خالص ولا بقه بيستعملها

بسم الله الرحمن الرحيم

السلام عليكم ياسعاده الباشا بالنسبه للمشايات الكهربائيه فهي طبعا افضل من المانيوال بمراحل
وانا اشتغلت في المجال ده 5 سنين الحمد لله وما زلت
وفي خلال الفتره دي اقدر اقولك ايه الموجود في السوق بالظبط

الموجود في السوق كالاتي

صيني وده المنتشر جدا في السوق
وللاسف مش حلو خالص
وملوش ضمان ولا صيانه
الكلام سهل
حتسمع
صيني والموتور تيواني
صيني والموتور كوري
صيني والموتور امريكي

وكل ده ستيكر وكلام عالورق بس

حتسمع ضمان 10 سنين
قطع غيار متوفره

كل الكلام ده ملوش اي اساس من الصحه
وحتعرف ان كلامي صح اما تعاني اما المشايه تبوظ


النوع الموجود تاني ده تيواني بجد
وده بيفرق في السعر عن الصيني من 700 ل 1500جنيه تقريبا
حسب حاله الصيني اللي انتا بتقارن بيه
بس قليل ومستوردينه قليلين ومحتاج تدوير وسؤال كويس

النوع التالت الموجود في السوق
الامريكي زي ماركه cybex , life fitness
الالماني زي ماركه kettler
ايطالي زي ماركه panatta

ودول اقل حاجه فيهم ممكن تعمل حوالي 10000 فيما فوق
وقطع غيارهم غاليه اوي اوي
واغلبهم مش بيجيبوا حاجات منزليه لان اغلب شغلهم مع صالات الجيم الكبيره

بكده تقريبا وضحت الصوره
ايه الموجود في السوق
وانصحك لف شويه
وابعد عن الصيني خالص


بالنسبه لموضوع موتورين وموتور واحد
فده معناه ان المشايه فيها موتور incline يعمل زاويه ميل اوتوماتيك او بتقفل
موضوع الحصان ده سيبك منه دلوقتي لانه كله استيكر وحفهمك اما تحدد المكان بس الاول
واي استفسار انا تحت امرك

شركه ويدر شركه محترمه جدا بردو
بس الاجهزه مش امريكي
صيني بس صيني من المحترم

الامريكي عندهم ماركه vision
وده جيم بردو

طيب يا ميكى باشا

هفترض ان هشترى من المكان اللى انت شغال فيه لان اكيد اللى تعرفه احسن من اللى متعرفوش

يبقى كمل جميلك وانصحنى من حيث الماركة والسعر والتركات الخفية عند شراء الجهاز ده

ولومحرج ابعتلى على الخاص.

واشكرك مقدما

مش حتفرق من عندي او من عند غيري
الفكره والله في التدوير
لان الغش بقي منتشر جدا في المجال ده
اي واحد معاه فلوس يروح الصين
مش فاهم اي حاجه في اي حاجه
يجيب مشايات ويبيعها بالاجل وخلاص علي كده
ولا بيجيب قطع غيار ولا بيدي ضمان للموزع وبالتالي الموزع بيبيع زيه
وتيجي تدور علي قطع غيار يقولك مفيش
وياسلام بقي لو عنده موتور ولا بورده
يبيعها باضعاف تمنها
وتيجي تبوظ يعد شهر عشان مكتوب عالمشايه 2 حصان و3 حصان وكوري زي ما العضوه w_abedelhakim اشترت كده
المشايه دي بتكون صيني وملزوق ستيكر زي ماقلت قبل كده
وهيا ولا بتحصل حتي 1ونص حصان

بس للاسف هوا ده المنتشر في السوق
فنصيحه لكل واحد بيشتري مشايه
دور كويس
وشوف مكان مضمون يكون ليه سمعه
ويكون محل محترم
مش شقه مفروشه
وابعد عن الوسيط واعلانات التلفزيون
لان كله مشايات مضروبه

شكرا على المعلومة

بس برضه لسه محتاج منك معلومة ولا اتنين ..:)

تنصح بقدرة تكون كام حصان.؟ - هل تقضل ان يكون مزود بموتور ثانى لزيدة الجهد (المقاومة)

ام ممكن اجرائها يدويا مثلا ...

رينج السعر وهكذا .... ولك جزيل الشكر