ماء الرداتير

**mohab2010** · 07-05-2010 10:34 PM

عندي مشكلة في ماء الرداتير عند تغير ماء الرداتير بسبب تغير لون الماء الاخضر وعمل رواسب في الاربة ورائحتة كريهة وهذا يحدث بعد تغيرة بشهرين فقط مع العلم اني استخدمت اكثر من نوع من الاء الاخضر سواء موبيل او سعودي او امريكي في علب مع العلم اني غسلت الدورة كذا مرة بمزيل صداء والمشكلة مازالت قائمة ارجو الافادة

**samirayad** · 08-05-2010 12:38 AM

بسبب تغير لون الماء الاخضر وعمل رواسب في الاربة

طيب اللون الاخضر بيتغير الى أى لون

وهل غيرت حاجه فى دورة التبريد قريب
زى خراطيم مثلا

وهل المكنه كنت بتحط فيها ميه عاديه الأول وحولت للاخضر

وقولنا شويه عن القصه دى يمكن نلاقى السبب

مع العلم اني غسلت الدورة كذا مرة بمزيل صداء

وهو ده السبب تقريبا

وواضح أنك كنت بتستعمل ميه عاديه الأول

ولما حبيت تتحول للأخضر ..........حبيت تشيل الصدأ من دورة التبريد

ومزيل الصدأ ....شال الجلخ والصدأ البنى اللى فى خطوط التبريد
وهو ده اللى بيختلط بالماء الأخضر حاليا وبيعملك تغيير فى لون الماء الأخضر ويسبب ريحه كريهه

بسبب تفاعل مادة الصدأ مع الأيثيل جليكول الموجود فى الماء الأخضر

والرواسب اللى بتشوفها من بقايا الصدأ اللى بيشيلها مزيل الصدأ

**m_mekkawy** · 08-05-2010 11:13 AM

غير ميه الريداتير لميه حمرا سعودى وياريت تكون الحضارة انا مش عارف موجوده فى مصر ولا لا.
هى هنا بـ10 ريال الجركن الـ4 لتر يعنى حوالى 15 جنيه

**mohab2010** · 12-05-2010 01:44 PM

احب ان اعلمك بان السيارة زيرو ولم استخدم ابدا ماء الحنفبة
فمنذ ان اشتريت السيارة وبها ماء اخضر (الفبريكة) وبعد عدة اشهر من تاريخ الشراء حصلت هذة المشكلة وغيرت الماء الاخضر الفاسد الي ماء اخضر جديد موبيل بعد غسيل دورة التبريد طبعا وبعد 8 شهور حدثت نفس المشكلة تغير اللون والرائحة والشوائب فقمت بغسيل دورة التبريد بمزيل الصداء ووضع ماء اخضر امريكي سعودي (علبة حديد)والمفاجئة بعد حوالي 6 شهور حدثت نفس المشكلة الان فماذا افعل
ملحوظة لم اغير اي شىء في دورة التبريد ابدا ابدا
لون الماء الاخضر الصافي الزاهي يتحول للون بني فاتح جدا ورواسب هلامية ورائحة كريهة
هل تعتقد ان الماء الاخضر في هذة الحالة فقد خواصة ام لا

**samirayad** · 12-05-2010 03:53 PM

أعتقد المشكله عندك فى خامة خراطيم دورة التبريد

واضح أن خامتها رديئه

سواء الخراطيم أو أى وصلات مصنعه من الفيبر

ويفضل البدأ بتغيير الخراطيم

وياريت لو أنت فى الضمان تعمل الحاجات دى فى التوكيل

**mohab2010** · 14-05-2010 12:33 PM

شكرا علي اهتمامك م-سمير
انا برة الضمان وحغير الوصلات علي حسابي اية افضل خامة في السوق لوصلات الماء حتى لا تتكرر معي هذة المشكلة مرة اخرى
سؤال هل ماء التبريد بعد هذا التغير يؤدي وظيفتة على اكمل وجة ام لا مع العلم احنا دخلين علي الصيف مع الشكر

**samirayad** · 14-05-2010 04:29 PM

طيب حقولك حاجه

قبل ماتغير الخراطيم كلها

حل خرطوم الساخن اللى طالع من كوعة الثرموثتات ورايح للردياتير

شوفه من جواه تالف كده وباين عليه آثار تفاعل كيميائى

يعنى مهرى شويه ومتاكل من الداخل ولا لا

علشان برضه نأكد على الحاله الغريبه دى

**m_waheed** · 15-05-2010 01:26 AM

متابع

المشكلة دي جديدة

**ehab49** · 15-05-2010 02:37 PM

متابع.....

**kasten** · 15-05-2010 04:02 PM

انا عندى الميه برضو لونها بنى
بس من غير ريحه
ياترى دى حلها ايه ؟؟؟
مع العلم انى بستخدم ميه عاديه مش ميه خضرا

الموضوع: ماء الرداتير

LinkBack

أدوات الموضوع

عرض

-

المواضيع المتشابهه

الرداتير الالمونيوم

تنظيف الرداتير

مروحة الرداتير

الرداتير فية عفريت

استفسار عن الرداتير

الكلمات الدلالية لهذا الموضوع

المفضلات

المفضلات

ضوابط المشاركة