الموضوع: تقرير مقابلة عيد ميلاد المنتدى بالاسكندريه 7/5/2010

المشاركة الأصلية كتبت بواسطة Moh.Fahmy

السلام عليكم و رحمة الله و بركاته يا احلي منتدي و اجمل ناس
اسف جدا علي التأخير ..اسألكم السماح و العفو بسبب ظروف عملي القاسية هذه الايام
اولا انا استمتعت كتير جدا بحضوري هذا اليوم العظيم و تعرفي و تشرفي بأخوة كنت اتمني كثيرا لقاءهم و التعرف عليهم وجها لوجه و اخوة اشتاقت اليهم كثيرا و لا اراهم الا في عيد ميلاد المنتدي في الاسكندرية كأخي و حبيبي كريم منير و خالد طلعت
و اخوة كنت اتمني اللقاء بهم و الحمد لله التقيت بهم كأبو عبدالله و دكتور احمد عبد الغني و احمد غازي و هاني محمد و دكتور احمد و الشقي يوكو و اوكتو اللي جه في الاخر بس الاجمل انه شرفنا و مجدي رسلان وعلاء الشناوي و ووالده الفاضل واشرف و شريف وهبة استشاري تسعير سيارات المنتدي و صديقه الفاضل بلدياتي اللي كان نفسي اشوفه من زمان ابو رقية و محمد الطويل اللي بهنيه علي حصوله علي الماجستير و حقيقي هو يستاهل كل خير و عمرو مختار و بصراحة اخشي ان اكون نسيت احدا من الاحبة فليغفر لي نسياني
و من اجمل ما في اليوم قيام ابو عبدالله و الدكتور احمد و اخ فاضل ثالث يغفر لي نسيان اسمه بتوزيع الكتيبات الرائعة
و الحقيقة اخونا هاني محمد تشرفت كثيرا بالتعرف به
و طبعا طاقة المنتدي شنوري اللي كان عايز يعمل مؤامرة انما طبعا شهامتي حالت دون تفيعلها اثناء ذهابنا لحلواني كلاسيك لاستلام التورتة فالباشا شنوري لما شاف التورتة حليت في عينه و كان بيحرضني و يقولي مش امي و امك اولي بالتورتة دي من اي حد تاني و ما اكدبش عليكم منظر التورتة كان مغري و مشجع علي تفعيل المؤامرة انما تذكرت شكل اخواني الجوعي المنتظرين علي شغف وصول التورتة فقلت له لأ يا شنوري و فوقته و رجعنا للرجالة علطول

حقيقي بشكر كتير نايل موتورز اللي سمح لي بالتعرف علي الكوكبة الجميلة دي و كان نفسي يكون باقي اخواتنا الاسكندرانية موجودين زي مايكل و محمد ابراهيم و اسلام و المهاتما هاني آدم
ان شاء الله متجمعين في الخير دايما

يا باشا كويس انك عملت كده مع شنورى واثرت السلامة لان كان فيه اربع عربيات وراكوا تبع الهيئة و كلهم مثل مطوعين السعودية

وشوف بقى كان حيحصل ايه لو كنتوا غيرتوا خط السير

والله يا باشا أنا اللى اتشرفت بمعرفتك و ان شاء الله نتقابل عن قريب

المشاركة الأصلية كتبت بواسطة Moh.Fahmy

ما هو انا قلبي كان حاسس برضه اننا متراقبين و عشان كده رفضت اوافق شنوري في مخططه التأموري:b4_282: و يا باشا نفسي نتقابل قريبا ان شاء الله و انا من يوم الخميس القادم اجازة لمدة اسبوع اتمني لقاءك خلالها سعادة الباشا

لو انا لم اسافر فى هذه الفترة ممكن نتقابل عند محل الزعيم شنورى يوم الخميس لو هو موجود ونجيب له معانا كام قربان كده علشان يسمح لنا نشوفه