الموضوع: ان شاء الله حشتري سيراتو خليجي

المشاركة الأصلية كتبت بواسطة ahmed samy

1 - العربية تكون سعودي أفضل (هاتلاقي بادج صفيح على قايم الباب الشمال)
2 - شوف فروقات العربية كلها منتظمة ولا لأ (الفروق بين الكابوت و الرفرف و الشنطة و الرفرف و الباب و القايم وكده)

3 - راجع كمالياتك (لوحدك) في العربية ..اطلب من البياع يسيبك في العربية لوحدك علشان ما يقعدش يشتتك و شوف الكاسيت ..لمبة الـabs بتنور ولا لأ لما بتدور

شوف العربية ماشية كام كيلو ...شغل التكييف ..شغل الكاسيت و شوفه 6 اسطوانات و لا لأ (لو كنت شاري هاي لاين) بيبقى مكتوب عليه disc 6


4 - راجع على المنقولات
- جنط استبن مع علبة فوم سوداء فيها الكوريك و دراعه و مفك و مفتاح بلدي و دراع مفتاح العجل
- لوحة سوداء مع 4 مسامير لتثبيت اللوحات المعدنية في الإكصدام الأمامي
- طفاية الحريق مثبته تحت كرسي الراكب الأمامي
- شنطة اسعافات أولية
- مثلث تحذير في علبة
- الأريال طبعا
- المواصفات السعودية ما فيهاش ولاعة ..فيها مخرج 12 فولت فقط و ما بيجيش معاها طفاية (بتتباع بـ200 جنيه) بس الحقيقة مالهاش أي لازمة لأنها ضيقة قوي .
- مفتاح احتياطي
- كتالوج و كتيب صيانة بتاع الوكيل في الخليج (مفيد ابقى اختم فيه الصيانات في أي حتة)


عند استلام العربية يفضل تاخدها بورقها ولو أخرت الاستلام و مبلغ بسيط لحين وصول الإفراج علشان يخلصك و مايلطعكش .

الكاوتش بيكون منفوخ بزيادة و ده هيديك احساس شنيع بعدم الثبات أول حاجة تنزل الضغط لـ30 أو 28 علشان تعدي الألف كم الأولانيين و بعدين ارجع لـ32 تاني علشان تحافظ على الكاوتش

اشتري غطا :)

و استعد لأول بوسة وماتزعلش لأن ده كاس وداير

بس اتمنى انها تكون بوسة على الطاير كده ... تصدق اول بوسة دي بتبقى بايخة اوى اوى
بس على رأيك كاس وداير
1000 شكر يا باشا على المعلومات القيمة

المشاركة الأصلية كتبت بواسطة samir_adel

ألف ألف مبروك مقدما يا باشا.

شكرا يا باشا وكلك ذوق

المشاركة الأصلية كتبت بواسطة abouleila

انا مليش دعوة يا دكتور انا اخدهم كده ايه خضتنى العربية فيها حاجه غلط ولا ايه

واحده بغطا ومكتوب عليها v12 وفتحة للولاعة بدون غطا والاتنين جنب بعض

ايوة بالظبط كده واحدة بغطا وواحدة من غير غطا ... ده اللى شوفنو في المعرض
هي كده اللى من غير غطا دي يركبلها ولاعة ؟ ولا دي بتاعة ايه بالظبط ؟