السلام عليكم جميعا
ان شاء الله ان حشتري سيراتو خليجي ... تنصحوني يا اصحاب الخبرة والمعرفة ابص على ايه واخد بالي من ايه وانا بستلم ؟ وصيانة الخليجي بتتعمل فين برضو بالمرة ...
عرض للطباعة
السلام عليكم جميعا
ان شاء الله ان حشتري سيراتو خليجي ... تنصحوني يا اصحاب الخبرة والمعرفة ابص على ايه واخد بالي من ايه وانا بستلم ؟ وصيانة الخليجي بتتعمل فين برضو بالمرة ...
الف مبروك اهم حاجة تتاكد انها سعودى وبالتوفيق
شكرا يا محمد باشا على ردك ..
ربنا يوفقك يا باشا
حاول تشترى خليجى سعودى
موضوع الصيانه ممكن تشوف الرابط ده
http://www.nilemotors.net/Nile/139579-1000.html
بالتوفيق
وعليكم السلام ورحمة الله وبركاته
طبعا وانت بتستلم ياريت يكون فى النهار علشان تشوف العربية فيها خدوش او تجريح اى حاجه من ديه وتفصص العربية من بره وجوه وكمان حاول تشيل الاستيكر الابيض من على العربية بالكامل احسن يكون فى تحتيها حاجه وهو كده كده هيقلك شيله او تمضى على مسئوليتك وكمان وانت بترخص هيقلك شيله من على الكبوت
افتح الشنطة وبص على الاستبن وهتلاقى معاه المفتاح وتقريبا مفك
من جوه العربية المفروض يكون فى طفاية الحريق تحت الكرسى اللى جنب السائق والتبالوه فيه الكتالوج وشنطة الاسعافات وكمان الاريل وكمان فى ولعه وطفاية سجاير هما بيكونو شيلنهم من العربية اوعى تسيبهم
اتاكد من جميع الانوار والمساحات جرب كل حاجه وشوف العربية عاملة كام ك المعتاد انه الحد الاقصى حوالى 70ك واوعى تنسى المفتاح التانى
خد العربية واتوكل على الله على اقرب بنزينة مباشرة وظبط ضغط الكوتش على 32 او 30 على حسب نوع الجنط
والف مليون مبروك ويارب يديلك خيرها ويكفيك شرها ومنتظرين منك بقى باقى التفاصيل عن العربية وسعرها ومنين .
واهلا بيك فى مؤسسة كياداهم
ربنا يوفقك يا باشا
حاول تشترى خليجى سعودى
موضوع الصيانه ممكن تشوف الرابط ده
http://www.nilemotors.net/Nile/139579-1000.html (عملت صيانه 1000 ك)
بالتوفيق
1000 شكر يا باشا
1 - العربية تكون سعودي أفضل (هاتلاقي بادج صفيح على قايم الباب الشمال)
2 - شوف فروقات العربية كلها منتظمة ولا لأ (الفروق بين الكابوت و الرفرف و الشنطة و الرفرف و الباب و القايم وكده)
3 - راجع كمالياتك (لوحدك) في العربية ..اطلب من البياع يسيبك في العربية لوحدك علشان ما يقعدش يشتتك و شوف الكاسيت ..لمبة الـABS بتنور ولا لأ لما بتدور
شوف العربية ماشية كام كيلو ...شغل التكييف ..شغل الكاسيت و شوفه 6 اسطوانات و لا لأ (لو كنت شاري هاي لاين) بيبقى مكتوب عليه Disc 6
4 - راجع على المنقولات
- جنط استبن مع علبة فوم سوداء فيها الكوريك و دراعه و مفك و مفتاح بلدي و دراع مفتاح العجل
- لوحة سوداء مع 4 مسامير لتثبيت اللوحات المعدنية في الإكصدام الأمامي
- طفاية الحريق مثبته تحت كرسي الراكب الأمامي
- شنطة اسعافات أولية
- مثلث تحذير في علبة
- الأريال طبعا
- المواصفات السعودية ما فيهاش ولاعة ..فيها مخرج 12 فولت فقط و ما بيجيش معاها طفاية (بتتباع بـ200 جنيه) بس الحقيقة مالهاش أي لازمة لأنها ضيقة قوي .
- مفتاح احتياطي
- كتالوج و كتيب صيانة بتاع الوكيل في الخليج (مفيد ابقى اختم فيه الصيانات في أي حتة)
عند استلام العربية يفضل تاخدها بورقها ولو أخرت الاستلام و مبلغ بسيط لحين وصول الإفراج علشان يخلصك و مايلطعكش .
الكاوتش بيكون منفوخ بزيادة و ده هيديك احساس شنيع بعدم الثبات أول حاجة تنزل الضغط لـ30 أو 28 علشان تعدي الألف كم الأولانيين و بعدين ارجع لـ32 تاني علشان تحافظ على الكاوتش
اشتري غطا :)
و استعد لأول بوسة وماتزعلش لأن ده كاس وداير
ألف ألف مبروك مقدما يا باشا.
مبروك يا باشا وتستلم على خير
ايوة اللى من غير غطا بيركبلها ولاعة وبيكون شيلها من العربية علشان الناس اللى بتتفرج عليها محدش يخدها وهو ماشى وبرضه اسال على طفاية السجاير وقلنا بقى هتجيب العربية منين ولا استقريت ولا لسه بدور ولا ايه الموضوع علشان واضح ان الموضوع هيكون اسمه بعد كده
ولاعه السيراتو ههههههههههههههههه
أهي
دي بتاعتي
من موضوع تقييم للعربية
شوفه يمكن ينفع
http://www.nilemotors.net/Nile/83428-a.html
http://img117.imageshack.us/img117/7668/dsc01952.jpghttp://img117.imageshack.us/img117/7668/dsc01952.jpg
اههه كده يبقى فعلا مش فارقة يا استاذ احمد ... انا كنت فاكر انها ليها مكان مخصوص في بتاعة الوكيل بس طالما كده يبقى عادي ممكن اشتريها بعد كده ... الف شكر يا باشا على مجهودك
مبروك يا باشا
الف مبروك ياباشا وتتربى فى عزك :))
والدكتور أحمد عامل شغل عالى أوى وأبو ليلى كمان :))
يا جماعة الحمد لله استلمت العربية ... انا لسه طبعا يادوبك ماشي بيها بس الانطباع الأول انها ولله الحمد كويسة جدا ... العربية من عند جابر وهي lx الفئة 3 ... لو حد يعرف بقى بالمرة مركز صيانة ابن حلال يكون قريب من منطقة الشخ زايد .. ابو رواش ( غير التوكيل طبعا ) ياريت حد يدلني عليه وابقى شاكر
مبروك عليك العروسة وعقبال ما تخويها كده وتجيب البيكانتو ويارب يبارك فيها ويكفيك شر العين
قولو امين .....:ask:
انت بدور بس ليه دلوقتى على مركز صيانة استمتع بيها الاول ومتشغلش دماغك عقبال ما تجيب 1000 ك هنكون وجدنا الحل بأذن الله
اهم حاجه لقيت الولاعة والطفاية ولا نسيت ؟؟؟؟
يا باشا الف مبروك وربنا يحفظهالك ومنتظرين انطبعاتك عن العربيه
الله يبارك فيك يا باشا .. بص طبعا انا حديك بس انطباع اولى ... انا كان معايا لانسر البطة وبعديها اوبترا 2006 ... طبعا الانسر سحبها في اول طلعة عالى جدا ... الاوبترا برضو سحبها كويس وعربية فعلا واسعة من جوه وشنطتها كمان واسعة اوى ... بس السيراتو مدياني احساس تاني .. هيا طبعا افخم من جوه من الاتنين بحكم ان الانسر كانت موديل 94 ... بس فعلا السيراتو حتى الان حلوة جدا شكلا من جوه ومن بره وكمان مدياني احساس بالرفاهية ... لسه طبعا مش قادر احكم على حاجات تانية مهمة .. زي الموتور والعفشة والسحب لأني لسه بلين طبعا ...