هل سيادتك تعاملت مع اي مركز صيانة صيني قبل ذلك
عرض للطباعة
من الواضح إن الأخ الفاضل تعرض لموقف ما غير طيب مع شركة سيارات وحكم علي كل الشركات أنها مثلها لأن من الواضح جميع مشاركاته كلها هجوم علي كل السيارات الصيني هنا وفي قسم الإسبرانزا
فعلا انا معاي 516 و الله لا يباركله ابو الفتوح
خلانى كل اما حد يسالنى عن العربية
اقلله ابعد عن الصينى نهائيا
على العموم انا مش ساكت و شاكيه فى حماية المستهلك ,, مع انى ممكن ابيعها و اريح دماغى من قرف الصينى
بس ان مكمل معاه مشوار حماية المستهلك للاخر
ياانا يا هو :36_1_34[1]:
بالظبط كده حضرتك
ما ضاع حق وراءه مطالب
ولا تتنازل عن حقك أو تتهاون فيه طالما إنك علي حق
ولكن رجاء خاص منا جميعا إحكي لنا عن تجربتك بالتفصيل
لأن الصراحة موضوع إسبرانزا ده محير جدا جدا شوية نجد ناس معاها الإسبرانزا وتشكر جدا جدا فيها بشكل غير عادي ودول ليسوا قلة ومنهم صدديق خلاني كنت ناوي أجيبها لأنه إستخدامه شاق جدا جدا لأي عربية بيركبها تخيل عمل في حوالي 3 أسابيع 4000 كم ونسبة كبيرة منها داخل المدينة ونجد ناس آخرين بيشتكوا مر الشكوي طب عاوزين نقف علي الحقيقة ولا هي زي البطيخة ما تبانش غير بعد الإستخدام؟؟
اخى الفاضل
شكرا على الدعم
العربية ده انت وحظك
بمعنى ممكن مشكلة عندك مش موجوده عند غيرك و العكس كده
+ قطع غيار غير معمرة تمام
+توكيل نصاب و حرامى -- يبقى عارف العيب و يشتغلك احلى شغل
واللى يفرس الواحد انها عجبه الناس ( ليه ) ؟
ده سؤال مهم ؟ معظم و ليس كل اللى جابوها كان فى الاصل معاهم عربيات 128 , 127 , لادا قديم و بالنسباله ده طيارة ؟
ابو الفتوح طالع من السجن عاوز يلم نفسه . نزل بالعربية و نزل بسعرها على حساب جوده قطع الغيار ( من حيث ان اخوانا الصينين لو عيزين يصنعولك عربية ب جنيه حيصنعولك)
العربية ده ممتازة بس اللى ما بتنزلش مصر ( اى صينى عموما بينزل مصر ) بيكونا لعبين فى الجوده بتاعته و قطع الغيار عشان يقدر يخش فى السوق
على غرار اليبانى او الكورى --- معيار الجوده واحد بس السعر يبقى على حسب الكماليات )
انما عربية فيها كل الامكانيات بسعر رخيص -- تبوظ تانى يوم
هو ده للاسف الصينى فى مصر فقط
إن شاء الله تأخذ حقك كاملا غير منقوص وشكلك إيجابي ولن تترك حقك ونحن نأيدك في ذلك
وهذا موقع تقديم الشكاوي لجهاز حماية المستهلك
جهاز حمايه المستهلك
ولي عندك طلب ان تتابعنا أولا بأولا بالتفاصيل لأني أعرف صديق يعاني من توكيل إسبرانزا سيارته الصغيرة أعتقد إسمها A112 لم تكمل 2000كم والمساعدين الأماميين بايظين تماما والعربية مكفية لقدام ومع كل فرمله قبل أي مطب ولو بسيط العربية تحك من الأمام في المطب بشكل يوجع لك قلبك وكل ما يروح الصيانة يقولوا له تم عمل اللازم والعربية زي ما هي "عاوزة تغيير مساعدين أماميين"
دمت بخير