سيمبول ولا نيسان صني ولا سيراتو (خليجي)

ياجماعة انا محتار جدا مابين العربيات دول ومش عارف اشتري اية ؟ السيمبول عجباني و عربية اوروبي بس للاسف مش منتشرة و سعر اعادة البيع بيتعها حيكون وحش ومش اي حد ممكن يعملها صيانة وقطع الغيار في التوكيل بس وغالية , و الصني ياباني و منتشرة وسعر اعادة بيع كويس وقطع الغيار متوافرة وممكن اي حد يصلاحها بس تقفيل محلي ودة في ناس كتيرة بتقول علية كلام , والسيراتو منتشرة وتقفيل ممتاز وشكلها حلو جدا و كلها اوبشنز واعتقد سعر اعادة البيع حيكون كويس و قطع غيار منتشرة بس كوري وطبعا ملاهاش ضمان علاشان "خليجي" ... فعلا الحلو ما يكملش
انا مش من هواه تغير العربيات كتير يعني العربية الي الي حشتريها ان شاء الله مش حفكر اغيرها قبل 10 سنين , وموضوع الصيانة لازم تكون في التوكيل دة رغم انة اغلي من الصيانة عند اي ميكانيكي برة لاكن بحس انة بيحافظ علي العربية, وانا شخصيا ليا تجارب كتيرة مع مكانيكية كتير في عربيتي القديمة "فليشيا" وللاسف كانت تجارب سيئة جدا لان عندا الناس بتحب تفتي وفي الاخر يمكن تكون التكلفة اغلي من الصيانة في التوكيل دة لوبفرض انها اتعملت كويس اصلا مع الميكانيكية العادين , ضيف علي كدة التعب والعطلة.

اسف علي الاطاله و ياريت تفيدوني بخبراتكم علشاتن انا تعبت خلاص من الحيرة , وشكرا للوحوش

مادام حضرتك مش من هواة التغيير يبقى اركن اعادة البيع على جنب
ودي ميزة فقدتها السيراتو بالنسبة ليك
و عيب فقدته السيمبول بالنسبة ليك

و مادام ناوي تصون العربية في الوكيل ..يبقى برضه ميزة للسيمبول علشان وكيلها المحترم و و عيب في السيراتو علشان خليجي و هاتصون في مركز خدمة (مع انه زي الوكيل برضه) بس برضه ده نقطة ضد السيراتو الخليجي

و انت قولت ان مميزات السيمبول انها أوروبي و من عيوب السيراتو كوري و مادام انت من المدرسة دي يبقى يبقى بلاها سيراتو لأن الأوروبي برضه ليه طعم تاني

أنا شايف ان السيمبول اختيار موفق ليك

طبعا أنا استبعدت الصني لأنها شبح عربية الحقيقة لاهي ياباني بجد ولا شكلها ليه شخصية قد كده

وعموما انت ممكن تبص على الاسكالا ...هي تقريبا النيسان صني تحت علامة و مظلة العظيمة ..رينو

تقرير مصور - رينو سكالا

لو عرفت تجيب سيراتو وكيل يبقى السيراتو تتفوق
لكن لو مش وكيل ممكن السيمبول تبقى احسن ليك عشان الخليجى من السيراتو مش بيدخل التوكيل
بس بلاش السكالا دى احمد باشا .. الخامات بتاعتها مش حلوة خالص ولا التقفيل حسيت ان هى عربية قديمة مش 2010

لسة محتار :majd(4): وكمان سمعت ان السيراتو الخليجي ممكتن اشتريلها ضمان السنة ب 1000 جنية

:11: لسي ماستقرتش

اقتباس:

---

المشاركة الأصلية كتبت بواسطة zeyad_f

لسة محتار :majd(4): وكمان سمعت ان السيراتو الخليجي ممكتن اشتريلها ضمان السنة ب 1000 جنية

---

محدش بيشكر في موضوع الضمان ده ...

سيمبول احسن..., انت عملت ايه؟؟؟

اقتباس:

---

المشاركة الأصلية كتبت بواسطة ramykimo

سيمبول احسن..., انت عملت ايه؟؟؟

---

انا حجزت السيمبول بس لسة متردد شوية .. كل ما اتصل بمعرض علشان اسألة عليها يقولي بلاش سيمبول :rfds: خليك في صني او سيراتو او لانسر

اقتباس:

---

المشاركة الأصلية كتبت بواسطة zeyad_f

انا حجزت السيمبول بس لسة متردد شوية .. كل ما اتصل بمعرض علشان اسألة عليها يقولي بلاش سيمبول :rfds: خليك في صني او سيراتو او لانسر

---

ده مش من خوفه عليك

ده عايز يبيع العربيات السالكة و المتوفرة واللي تكيسبه اكتر

ما تحطش كلام المعرض في بالك دول ولاد .*$%^*&#&^

اقتباس:

---

المشاركة الأصلية كتبت بواسطة zeyad_f

انا حجزت السيمبول بس لسة متردد شوية .. كل ما اتصل بمعرض علشان اسألة عليها يقولي بلاش سيمبول :rfds: خليك في صني او سيراتو او لانسر

---

الانسر ممتازه وبعدين عليها عرض كويس من الرواس كامله مانيوال 2010 abs + airbag 99 الف وبضمان 100 الف كيلو عربيه تحفه .

السيراتو أفضل وبدون تحيز

الحل الأفضل ليك ان تجيب عربية بإمكانيات كويسة وتحس بالراحة وتستمتع بالأداء القوى والكماليات وده شايفه فى السيراتو ومش موجود فى الباقى

لو تعرف تجبها وكيل يبقى خير

لو معرفتش هاتها خليجى ومش مهم التوكيل وأعمل الصيانات فى أى مركز محترم مش أزمة يعنى :)

وربنا يوفقك

والله يا جماعة انا متشكر ليكم جميعا علي مساعتكم و ارائكم , بس انا حابب اقولوكم اني طلعت السيراتو من حسباتي خالص بعد قرائة هذا التقرير http://www.nilemotors.net/Nile/109619-a.html

انا عايز اشترى عربيم فى حدود 90000 ارجو النصحية مع العلم انا عاوزاجيب نيسان صنى ارجو الافادة