الموضوع: عايز اخد راي الاعضاء في فتح مشروع

عندى فكرة ممتازة اية رايك فى محل عصير ؟؟؟؟ استنى مقصودش عصير قصب وكدة لااااا انا بقصد جميع انواع العصائر الفرش واهم حاجة شكل المحل يكون روش وكمان اسم المحل زى "salsa" مثلا او "f , b,i" وكمان اسماء العصائر تبقى روشة زى رضعة القرد و رضعة البرد ورضعة الاسد كل دى اسماء لكوكتيلات عصائر والله دة مشروع مربح جدا ومش مكلف بس اهتم اوى بالاسم والشكل العام بتاع المحل وكمان الينيفورم بتاع العمال وانشاء الله ربنا هيوفقك المشروع دة كان عاجبنى اوى بس للاسف معنديش المكان المناسب ..

1- انا شايفة ان مشاريع الاكل وخصوصا الفول والطعمية ..الكشرى الحاجات الشعبية دى اكثر حاجة ممكن تكسب فى التجارة
2- ولو عايز مشروع اريح وانظف ممكن تجارة المنظفات والورقيات والبلاستكات
3- وممكن تعمله نت كافية بما انك اخصائى كمبيوتر و تقدم جنب النت بسكوتات و تحط ثلاجة حاجة ساقعة و عصائر بوفية صغير للنسكافية والشاى و كمان مكنة تصوير مستندات عشان اللى بشتغل على النت ممكن يحتاج الحاجات دى و هى سبوبة حلوة وسهلة
4- وممكن تأجرة وتريح دماغك طالما انك مسافر لان التجارة لازم تتبعها والا ممكن تخسر أو تتسرق لو اللى بشتغل عندك مش امين
مع تمنياتى بالتوفيق.... وربنا يباركلك

المشاركة الأصلية كتبت بواسطة khaledmaher

عندى فكرة ممتازة اية رايك فى محل عصير ؟؟؟؟ استنى مقصودش عصير قصب وكدة لااااا انا بقصد جميع انواع العصائر الفرش واهم حاجة شكل المحل يكون روش وكمان اسم المحل زى "salsa" مثلا او "f , b,i" وكمان اسماء العصائر تبقى روشة زى رضعة القرد و رضعة البرد ورضعة الاسد كل دى اسماء لكوكتيلات عصائر والله دة مشروع مربح جدا ومش مكلف بس اهتم اوى بالاسم والشكل العام بتاع المحل وكمان الينيفورم بتاع العمال وانشاء الله ربنا هيوفقك المشروع دة كان عاجبنى اوى بس للاسف معنديش المكان المناسب ..

فعلا انا فكرة في الموضوع ده وهو عاجبني جدا حاجة كده زي فرغلي وهحاول افكر فيها تاني

المشاركة الأصلية كتبت بواسطة tifa2010

1- انا شايفة ان مشاريع الاكل وخصوصا الفول والطعمية ..الكشرى الحاجات الشعبية دى اكثر حاجة ممكن تكسب فى التجارة
2- ولو عايز مشروع اريح وانظف ممكن تجارة المنظفات والورقيات والبلاستكات
3- وممكن تعمله نت كافية بما انك اخصائى كمبيوتر و تقدم جنب النت بسكوتات و تحط ثلاجة حاجة ساقعة و عصائر بوفية صغير للنسكافية والشاى و كمان مكنة تصوير مستندات عشان اللى بشتغل على النت ممكن يحتاج الحاجات دى و هى سبوبة حلوة وسهلة
4- وممكن تأجرة وتريح دماغك طالما انك مسافر لان التجارة لازم تتبعها والا ممكن تخسر أو تتسرق لو اللى بشتغل عندك مش امين
مع تمنياتى بالتوفيق.... وربنا يباركلك

موضوع التاجير بصراحة مابحبوش لاني كده بربط المحل واقل عقد بيكون سنتين او 3 واديني ليسا بفكر اهو افتحه ايه

المحل دة فى حته صعبه اوى لان صعب اى عربية تركن و كمان جنبها عربية صف تانى اساكن فى المنطقة دى
دة غير التراب بكميات كبيرة
ياريت نعرف فتحته ايه المحل دة

لسا معملتش حاجة يبقي الوضع كما هو عليه :)

بلاش اى مشاريع السنة دى ولا السنة الجاية لغاية لما نشوف وضع البلد حيعمل ايه بعد الانتخابات الكبيرة يعنى

وعلشان كده بقترح عليك تاجره لغاية الفترة القلق دى لما تعدى