الموضوع: االجى ام بيفصل بعد حوالى سعتين شغل

الجى ام بيفصل بعد سعتين مره واحده بدل اللمبه الخضرا بيدى لمبه حمرا وبيكون سخن جامد اصبر بتاع دقيقه اشغله تانى يشتغل عادى هل عشان حراره الشنطه والجو حر ولا فى مشكله فى الجى ام--ممكن عشان بعلى على الاخر هو نوعه سينفونى 640وات--ومشغل معاه 2صب كينوود1200وات

عشان انت معلى الصوت على الاخر

الف شكر يابرنس على الرد الجميل ا نا افتكرت فى مشكله فى الجى ام

ايه المشكله فى الاكوليزر طيب ماعندك الزيرو بور وبعدين الاكوليزر عشان ينقى الصوت انا مركب الاكوليزر عشان الكاسيت ضعيف الخارجى بتاعه ضعيف طيب ممكن اعرف هل هيكون فى مشكله بعد كده انا ممكن اغير الجى ام بس قبل ما اجيب الجى ام صاحب المحل قالى عادى يشغل معاك 2صب و2بيونير كمان --وشكرا على الرد

المشاركة الأصلية كتبت بواسطة salamonti

على كلامك ان الكاسيت بتاعك خرجه ضعيف يبقى انت كده حالة خاصة ينفع فيها تحط أكولايزر..
لكن خد بالك ان دي مش حاجة عامة ... يعني مش كل ما تشوف حد عايز يركب أكولايزر ترد عليه وتقول آه ينفع..

الفكرة كلها في قوة الصوت اللي داخلة للجي ام..
المفروض الجي ام بياخد rca
الـrca ده الاستاندارد بتاعه يكون أقصى حاجة ليه 7 فولت
ودي ثابتة مابتتغيرش..

أي كاسيت فيه خرج rca لازم مايكونش أكتر من 7 فولت

وشغلة الزيرو باور انه بينغم الصوت بدون ما يزود الباور نهائي
يعني القوة زي ما دخلت زي ما خرجت أقل من 7 فولت

انما الأكولايزر بيضخم القوة دي وبيطلع باور أكيد أعلى من كده (حسب قوة الأكولايزر)

وده اللي مخليك مش قادر تعلي زرار البيز أكتر من النص لو تاخد بالك
في حين ان في الزيرو باور بتقدر تعليه للآخر عادي جدا

المهم...
نرجع ونقول ان عملية الأكوليزر دي خطيرة جدا وممكن لا قدر الله تحرق جي إم وتخليه يجيب بروتكشن أبدي..

بس عندك اللي يشفعلك ان خرج الكاسيت ضعيف على حد قولك فده أكيد السبب اللي مخلي الأكولايزر مش مزود عن الـ7 فولت كتير..

واضح انه مزود نسبة قليلة لسببين:
1- لو كان مزود كتير كان الجي ام باظ.
2- هاتبان معاك لما تعلى والجي ام يسخن زي ما شفت.

فالنصيحة هي انك ممكن تفضل شغال عالوضع ده بس حاول ماتعليش كتير....
أو بيع الكاسيت والأكولايزر على بعض وهات بتمنهم كاسيت يكون الخرج بتاعه عالي..


أما بقى عن الجي امي السيمفوني أبو 600 واط فده آخره آخره آخره يقوم صباية 800 واط مش اكتر من كده

ومتاخدش على كلام اصحاب المحلات لأن هدفهم الوحيد هو تجميل السلعة عشان يبيعها وخلاص..
وبرضه اسأل الناس هنا وانت تعرف ان كلامي صح..

شكرا على العلومات الجميله دي وياريت تضح لينا تسلسل قوة الصبات و الجي ام الي يناسبهم او بالاخص الحته بتاعت ال ار ام اس

ومثلا انا عندي صب 1200وات 300 ار ام اس
يناسبه جي ام كام وات و كام ار ام اس
؟؟؟؟؟

المشاركة الأصلية كتبت بواسطة Salamonti

مش مهم الصب كام واط ولا مهم الجي ام كام واط..
م الآخر الكلام ده لأغراض دعائية فقط لا اكتر ولا أقل

المهم الـrms كام..

معاك صباية 300 آر ام اس
يبقى دور على جي ام يطلعلك 300 آر ام اس وتظبطه على 80%
وده احسن صوت ممكن تسمعه

وفرت عليا كلام كتير في كلمه ونصف شكراااااااااااااااااااااا ااااااااااااااااااااااااا ااااااااااااااااااااااااا اااااااااااااااااااااااا

المشاركة الأصلية كتبت بواسطة aftr

ايه المشكله فى الاكوليزر طيب ماعندك الزيرو بور وبعدين الاكوليزر عشان ينقى الصوت انا مركب الاكوليزر عشان الكاسيت ضعيف الخارجى بتاعه ضعيف طيب ممكن اعرف هل هيكون فى مشكله بعد كده انا ممكن اغير الجى ام بس قبل ما اجيب الجى ام صاحب المحل قالى عادى يشغل معاك 2صب و2بيونير كمان --وشكرا على الرد

يا نجم في مدخل في السيموفنى غير RCA إسمه HI INPUT والمدخل ده ممكن تدخل عليه خرج الإكوليزر بدون توصيل ال RCA والله اعلم وجرب