المشاركة الأصلية كتبت بواسطة Hosam_Optrawy
لما بتكبر مقاس الجنط والكاوتش لمقاس اكبر والقطر الكلى بيزيد والمحيط بيزيد
العربيه بالتالى ارتفاعها عن الارض بيزيد
فدورة العجله الكامله بدل ما بتاخدها فى مسافه معينه , بقيت بتاخدها فى مسافه اكبر
وبدل ما العجله مابتلف عدد دورات معينه فى الكيلو الواحد , بقت بتلف عدد اقل
خلينا ناخد مثال بالارقام عشان تبقى العمليه واضحه
لو غيرنا المقاس من 215/45-17 الى 205/65-15
الطول الكلى او القطر الكلى هايزيد 2.23 سم
العربيه هاترتفع 1.11 سم
محيط العجله كلها هايزيد من 196.36 سم الى 203.37 سم , يعنى لفة العجله الكامله بقت بدل ما بتاخدها فى متر و 96 سم بقت بتاخدها فى 2 متر و 3 سم عشان مقاس العجله كبر
وبالتالى العجله بدل ما بتلف 845 لفه فى الميل , بقت بتلف 816 لفه فى الميل
فكدا قراءة العداد هاتختلف من حيث الكيلومتر
وبالتالى هاتأثر على عداد السرعه
يعنى لو العداد قارى قدامك ان سرعتك 96.5 كم/ساعه فالحقيقه ان سرعتك الفعليه 100 كم/ساعه
اتمنى اكون قدرت اوضحلك واسف على الاطاله