مساعدة عاجلة من خبراء 405

**farawl** · 08-05-2010 02:48 AM

السلام عليكم
اولا انا معنديش خبرة في العربيات خالص دي اول مرة ان شاء الله اشتري عربية ، واتعرض عليا اكسنت 99 والناس شكرة ليا فيها جدا خصوصا مع سعر قطع الغيار وكنت خلاص هشتريها ، لكن واحد قالي انه ندة بيجو 405 موديل 94 تكييف فقط وقالي انها اخر موديل الفرنساوي في مصر فبعد ازنكم ليا كام سؤال يا ريت حد يرسيني علي بر يهم لاني محتار جداً.
اخر موديل لل 405 الفرنساوي واية الفرق بينها وبين المصري وازاي اقدر افرق بينهم بالتفصيل وياريت صورباين فيها الفرق علشان انا معنديش خبرة؟
اخبار قطع الغيار ايه هل اصلي بس ولا فيه تقليد واسعرها اية؟
الميكانيكية اللي شغالين فيها فين ؟
استهلاك البنزين فيها اخبارة اية ؟
ولو هشتريها اكشف عليها في توكيل ولا عند سمكري عادي وميكانيكي؟
متوسط سعر الموديل دة تقريبا يعمل كام؟
معلش طولت عليكم واي اضافة تانية غير الاسئلة هكون مرحب جدا بيها .

**the-hero** · 08-05-2010 08:30 AM

حكاية بقي فرنساوى ومصرى دية اشتغاله كبيرة فى ناس كتير فهمها غلط الاتنين طبعا فرنساوى الصنع بس فيه التقفيل المصري وجية اباظا اقل شوية من الفرنساوى فى شوية حاجات كدا والخامات وبيشيل حاجات فى العربية مبيركبهاش بس مش معنى كدا ان العربية وحشة لأكويسه برضوا بس الفرنساوى احسن فى مجموعة نقاط كدا مش اى واحد ياخد بالة منها وعمتا عربيات وجيه افندى اباظا من موديل 95 وانت طالع
بالنسبة لقطع الغيار فى الاصلى الفرنساوى وفى بقي انواع تانية تعتبر درجه تانية وكويسة زى الاتحاد الاوربي والاسبانى والتركى والصينى اخر حاجة
وقطع الغيار الاصليه تعتبر مرتفعة شوية بس برضوا متعتبرش غالية لأنها بتعيش ماشاء الله كتير وموجدة فى حتت كتير واكتر مكان فى شارع مجلس الامة بالتحرير
اهم حاجه يكون ميكانيكي كويس وبيشتغل فى البيجو بوجه خاص عندك فى كذا واحد بالزاوية وفى حى السلام قدام البي بي سي والحرفيين وغيرهم
لو الماتور مظبوط بتعمل من 220 ل 240 فى الصفيحة
عند سمكرى عادى بس يكون عنده ضمير وينزل تحت العربية ويكش كويس على الحوض والشنطة والقوايم والبرومة
من مو 92 الى 94 تعمل من 37 الى 40 لو العربية سليمة ومش محتاجى اى مصاريف
اهم حاجة ركز على الرفايع والفربرات وحالة الطبلوة والصالون

**farawl** · 08-05-2010 10:00 AM

الف شكر علي ردك السريع وربنا يوفقنا فيها وتكون كويسة بس ليا سؤال لية حضرتك ما قولتش اكشف في التوكيل هما مصارفهم عاليا ولا اية وخصوصا انا معرفش اي سمكرية

**the-hero** · 08-05-2010 12:04 PM

المشاركة الأصلية كتبت بواسطة farawl

الف شكر علي ردك السريع وربنا يوفقنا فيها وتكون كويسة بس ليا سؤال لية حضرتك ما قولتش اكشف في التوكيل هما مصارفهم عاليا ولا اية وخصوصا انا معرفش اي سمكرية

أصل العربية مش معقدة يعنى لدرجة التوكيل لو عندك امكانية تروح تكشف عليها هناك اعتقد ب 250 ج