العربية اتخبطت انهارده وهيه واقفة ممكن مساعدة؟

**magnooon** · 29-01-2008 08:53 PM

السلام عليكم
عربيتى كورولا 2008 اتخبطت فى الباب اللى من ورا انهاردة وهيه واقفة
بصراحة انا متضايق جدا ومش عارف اعمل ايه
ايه رأيكم فى توكيل تويوتا ويا ترى حيعملوا سمكرة ولا حيغيروا الباب خالص , ويا ترى حيبهدلوا السيارة من جوا ولا زى ما هيه
وتقريبا المصاريف حتكون كام ؟
وهل لو وديتها عند سمكرى بره حتخرج من الضمان ولا لا؟
وكمان حجز الصيانة بحجز قبلها بكام يوم
ارجو الافادةوالمساعدة ارجوكم

**دموع الثلج** · 29-01-2008 09:41 PM

لا حول ولا قوه الا بالله

معلش يا مجنون قدر الله وما شاء فعل ربنا يعوض عليك فى الخبطه دى
العربيه لسا جديده نصيحه بلاش تعمل فيها حاجه بره التوكيل
وحجز الضمان انت ممكن تاخذ معاد بالتليفون منهم

**أبو عبدالله** · 29-01-2008 09:45 PM

ربنا يعوض عليك يا أخي
وقدر الله ماشاء فعل عز وجل

انصحك تخليك في التوكيل دلوقتي بس هو في حاجه اتكسرت ولا كله سمكره بس

**magnooon** · 29-01-2008 10:41 PM

ونعم بالله الله يبارك فيكم
انا والله حزين جدا
بس هوا مفيش حاجة اتكسرت
انا مشكلتى بحب كل حاجة مظبوطة حتى لو خدش المشكله انها اتخبطت وهيه مركونة ناس معندهاش ضمير ربنا ينتقم
طيب المشكله دلوقتى انى مرتحتش وانا فى الغردقة يعنى بعيد من القاهرة
المهم وديتها لسمكرى وبدل ما كانت كدمة عملها على البارد خلالها زى الزفت بقيت مدقدقة وقالى تعال بكرة اعملها سخن وسمكرة
طبعا انا مش حروح وإن شاء الله حروح التوكيل بس ه اللى عمله السمكرى يلغى الضمان ولافيه طريقه تحل الشمكلة ديه
وشكرا ليكم مرة تانية

**أبو عبدالله** · 29-01-2008 11:29 PM

الموضوع ده مالهوش علاقة بالضمان

بس انت استعجلت ليه بس

ياله قدر الله وماشاء فعل

ان شاء الله التوكيل يظبطها ان شاء الله

**mohaismail** · 30-01-2008 01:36 AM

روح التوكيل وان شاء الله هترجع زى الاول هيه الخبطة عيارة عن ايه ؟؟؟؟ جرح فى الباب يعنى ولا ايه ؟

**magnooon** · 30-01-2008 10:26 AM

المشاركة الأصلية كتبت بواسطة mohaismail

روح التوكيل وان شاء الله هترجع زى الاول هيه الخبطة عيارة عن ايه ؟؟؟؟ جرح فى الباب يعنى ولا ايه ؟

هيه كانت كدمتين كبار لانها كانت فى عمود الحماية فى الباب ودلوقتى بقيت مدقدقة

**hero** · 05-02-2008 01:27 PM

الافضل انك تسيبها شوية زي ماهية كدة....علشان تاخد العين والشر ايلي في الشارع عندك....
وبعدين يا اخي ...ممكن تصبر شوية علي خبطات العربية ....انت في القاهرة وعارف يعني اية عربية ماشية في الشارع ....يعني مليون خبطة في السنة....لو كل خبطة هاتروح تجري وتعملها يبقي هاتفضل تلف بالعربية علي بتوع الصاج او التوكيل...

انا افضل انك تصبر شوية....منها العربية مش هايتقر عليها قوي...ومنها انك تقلل شغل السمكرة ...علشان لو لا قدر الله واتخبطت تاني....يبقي كلة يتلم مرة واحدة....وممكن تعمل الحكاية دي مرتين او تلاتة في السنة....يعني مش كل خبطة تتصلح في وقتها....

ووربنا يكفيك شر ولاد الـ......ايلي بيخبطوا العربيات ويجروا....
ويكفيك شر الطرق في مصر....وشر سواقين مصر....