بالصور....خطوات ضم مرآة الفيكترا الجانبية التي لا تضم آليا...

**lancerevolution** · 09-05-2010 10:58 AM

المشاركة الأصلية كتبت بواسطة eng\ahmed

فى ميزة فى مرايات الفكترا
- المرايات اوطى من مرايات باقى العربيات فا حتى لو حتة زنقة بتعدى من تحت مراية العربية المقابلة

- لما تيجة تبص للمراية حتى وهى مفتوحة هتلاقيها تقريبا بسوى الباب من تحت يعنى مش بارزة كتير عن الباب مش زى مرايات عربيات تانية بتلاقى كف طالع برة الباب
يعنى لو اتخبطت هتبقى هى والباب مع بعض وساعتها مش هتفرق المراية اتكسرت :ddd
- المراية لما بتقفل بتلم اكتر على الباب , البومبية اللى فى الباب من تحت المراية بيحمى المراية
- المراية لو اتخبطت من ناحية الزجاج بتلاقى المراية فصلت ودلدلت (فيها سوستة علشان تاخد الخبطة متتكسرش , لو اتخبطت من الناحية التانية الانسيابية اللى فى جسم المراية من برة بتاخد الخبطة مش بتأثر عليها اوى
مش زى مثلا مرايات باقى العربيات البارزة تاخد الخبطى تلاقيها طارت

أوافقك الرأى تماما
كل الى قولت عليه حصلى لما خبطت المراية بتاع 5 مرات من أوضاع مختلفة

**Ahmed_lol2007** · 09-05-2010 11:02 AM

يا جماعة طب ليه المرايات بتاعت الفيكترا b1 مش بتتقفل بصراحة أنا شاكك إنها بتتقفل لان الالمان مش أغبية إنهم يسيبو مرايات الجنب مفتوحة كدة على طول

**asbeats** · 09-05-2010 02:45 PM

المشاركة الأصلية كتبت بواسطة ahmed_lol2007

يا جماعة طب ليه المرايات بتاعت الفيكترا b1 مش بتتقفل بصراحة أنا شاكك إنها بتتقفل لان الالمان مش أغبية إنهم يسيبو مرايات الجنب مفتوحة كدة على طول

بص يا باشا....انا كذا واحد أكدلي ان المراية بتاعتي مبتقفلش....وعشت على الأساس ده...لغاية ما لقيت الموضوع ده في منتدى اجنبي....بالصور اللي انا نقلتها دي....

نزل بعدها جربت عندي لقتها فعلا بتقفل....بس طبعا محاولتش بغشومية...قرصت عليها سنة سنة لغاية ما لفت معايا

**Ahmed_lol2007** · 09-05-2010 03:14 PM

مشكور يا اسر باشا على ردك
بس بعد إذن حضرتك أنا عايز استفسر من حضرتك على حاجة
أنا والدى ووالدتى إحتمال ربنا يكرمهم ويطلعو حج السنة دى وسمعت إن بيبقى مطلوب شهادات طبية فممكن تقولى إيه المطلوب

**asbeats** · 09-05-2010 06:50 PM

المشاركة الأصلية كتبت بواسطة ahmed_lol2007

مشكور يا اسر باشا على ردك
بس بعد إذن حضرتك أنا عايز استفسر من حضرتك على حاجة
أنا والدى ووالدتى إحتمال ربنا يكرمهم ويطلعو حج السنة دى وسمعت إن بيبقى مطلوب شهادات طبية فممكن تقولى إيه المطلوب

حج مبرور وذنب مغفور بإذن الله....وعقبالنا جميعا ان شاء الله....

بص يافندم...

فيه تطعيم بيتاخد ضد ثلاث امراض....الالتهاب السحائي...الانفلوانزا الموسمية....انفلوانزا الخنازير

بيتاخد بيه شهادة صحية..
التكلفة 50 جنيه

ومتوافر في مكانين فقط على مستوى الجيزة...
1-مركز صحة الأسرة بالطالبية...ش الهرم... ناصية شارع ناصر الثورة...بجوار توينكي وكازينو الليل...
2- مركز صحة العجوزة...وده معرفش مكانه بالظبط....

انا على فكرة باشتغل في مركز الطالبية....لو حبيت تتفضل عندنا انا تحت امرك...كلمني قبلها وانا هعرفك الأيام اللي ببقى موجود فيها ويشرفني استقبالكم ....
لكن للعلم.... عندنا مشكلة واحدة انهم بيرفضوا رفض نهائي استثناء اي فرد من تطعيم انفلوانزا الخنازير...ودي مش هقدر اعمل فيها أي حاجة للأسف

اي استفسار تاني....تحت امرك