عربيتى الجديدة اتخربشت الحقونى!!!!!!!!

**Ghaly** · 29-01-2008 09:25 PM

عارف ان يمكن بعد سنه ولا اثنين مش هاهتم لما عربيتى تتخربش خربوش صغير و لكن عربيتى جديدة لانسر سوداء. اتخربشت شويه فى الاقصدام. ناس قالوا لى هات كومباوند. انا مش عارف ايه الكومباوند ده ولا اجيبه منين و زى الغبى رحت جبت قلم دوكو اسود و استخدمته. و الان بحثت على النت و اكتشفت ان الكومباوند ده احسن طريقة لمعالجة الخربشة الخفيفة

سؤالى

هل فعلا استخدم كومباوند و منين اجيبه و هل هايكون فى تاثير سىء خصوصا بعد استخدام القلم الدوكو؟؟

**Hisham_ElFeky** · 29-01-2008 09:31 PM

الكومباوند هو مادة تقوم بأزالة جزء صغير جدا من الدهان الخاص في عربيتك ويستخدم في حالة ان الخربوش نتيجة حكة عربية تانية وسابت اثر دهانها علي علي عربيتك ساعتها الكومباند بيكو الحل الامثل....

**Ghaly** · 29-01-2008 09:33 PM

المشاركة الأصلية كتبت بواسطة Hisham_ElFeky

الكومباوند هو مادة تقوم بأزالة جزء صغير جدا من الدهان الخاص في عربيتك ويستخدم في حالة ان الخربوش نتيجة حكة عربية تانية وسابت اثر دهانها علي علي عربيتك ساعتها الكومباند بيكو الحل الامثل....

و لو مش عربية تانية و مفيش دهان تانى؟

**AlmAhAtmA** · 29-01-2008 10:18 PM

غالي يا غالي
الموضوع له بعدين
بعد مادي و بعد معنوي

البعد المادي هوه ان العربيه اتخربشت و قدر الله و ما شاء فعل
اللي تعمله انك تسيب الخرابيش زي ما هي لفتره تاخد العين
و جيب الكومباوند و حاول انك تتبع التعليمات اللي عليه
اللون الاسود محتاج عنايه خاصه انا معايا سيتي سوداء

البعد المعنوي هوه انك كل ما حتركب العربيه حتبص علي الخرابيش
ما تقلقش مرحله و تعدي يا غالي

يا اخي نسيت ابارك لك علي العربيه

**Hossam.Hamdy** · 29-01-2008 10:30 PM

الكوماوند عند ايى واحد بيبع بويات.....
وتجيب بوليش برضه من عنده و تستخدمه بعد الكومباوند
استخدم قطن

**mohaismail** · 30-01-2008 01:18 AM

يسيدى ولا كوميوند ولا حاجة وديها التوكيل وهترجع زى الجديدة بس رايى تسيبها كده شويه وموضوع الخدوش ده هيتكرر معاك كتير وكل مرة بتعمل فيها الصيانات الدورية خليهم يعملهولك وربنا يوفقك

**goty** · 30-01-2008 01:25 AM

والله ربنه يكون في عونك برضه من يومين نزلت اشوف عربيتي bmw سودا لقيت واخد كاتب اسمه عليها بموسمار وسيبه فوق الكبوت (انا حاسس بيك والله)

**loai-omar** · 30-01-2008 01:26 AM

بجد حاجه تقفرف اي خرابيش في الاسود
اكتر حاجه تضايقني ايلي حصلك دا

بص يا سيدي
لو الخربوش او اي احتكاك حصل معاك ممكن يطلع في حالة انه بوية العربية التانيه هيا ايلي عندك او اي احتكاك
بس طبعا لو الخربوش لجوه يبقا شال طبقة البوية بتاعتك و دا ملهاش حل

لو اي حاجه تانيه
جيب علبة الكامبوند دي من عند اي موان هيا لونها بني شويه
و جيب بوليش كمان علبتها برتقالي و كيش قطن
الكامبوند تدهنه شويه و بعدين بالقطن ادعك ادعك هاتلاقيها ان شاء الله طلعت
و بعين تدهن بوليش و تدعكه كويس بالقطن

على فكره انا بعمل الفوانيس عندي بالبوليش كل كام يوم كده بيبقا شكلهم جميل اوي
جرب و قولي

**Ghaly** · 30-01-2008 02:14 AM

بس انا عندى مشكله..انا قلت انى زى الغبى رحت جبت قلم دوكو و استخدمته فى مكان الخرابيش..هل خطر انى استخدم الكومباوند بعد كده على اساس انه ممكن يطلع لون القلم الدوكو على اللون الاصلى؟؟

**johnyweb** · 31-01-2008 02:08 PM

الاسود لون خطير لكن مش في البلد ديه
كانو زمان بيبلو حته قماشة ويحطوا عليها حبه تراب ويدعكوا صلنصيه لحد من العربيه تبوظ اصلي تنضف بهزر معاك
الف مبروك وإن شاء الله سليمة