الأستاذ / مينا
رجاء توضيح وضع الكيا بيكانتو معاك ايه دلوقتي من حيث قطع غيارها وتوكيلها
وهل هي مريحة وسلسة ولا ايه ظروفها حالياً
شاكرة جدا مقدماً
عرض للطباعة
الأستاذ / مينا
رجاء توضيح وضع الكيا بيكانتو معاك ايه دلوقتي من حيث قطع غيارها وتوكيلها
وهل هي مريحة وسلسة ولا ايه ظروفها حالياً
شاكرة جدا مقدماً
استاذ مينا
لو كان ممكن تذكر لنا اسعار قطع الغيار ، وكان فيه مشاركين سألوا عليها هنا فى قسم الكيا برضه لكن لم يفدهم احد، مع خالص الشكر.
الف مبروك يا مينا ...و البيكاتو عربية ممتازة و اختيار موفق جداً
اعتذر عن الرد المتأخر، لحد دلوقتى الحمد لله ماحتجتش اى قطع غيار العربية عمالة 15000 كم بس و مفروض الاسبوع الجاى اروح اعمل الصيانة.
انا ناوى بعد الصيانة اكتب عن تقييمى للعربية بعد مقربت اكمل سنة معاها، لكن باختصار انا مبسوط منها جدا، لو رجع الزمن مفيش غيرها فى نفس نطاق السعر تخلينى اغير راى.
ألف مبروووووووووووووك
عود محمود وكل سنة وانت طيب وعيد سعيد
ياريت اذا سمحت تقولنا تقييمك عنها بعد سنة ودي فترة هايلة نقدر نعرف ايه اخبارها فيها لأني معجبة بيها وخصوصاً اني ان شاء الله عايزه أجيبها أوتوماتيك
اولا شكرا للمعيده الجميلة و اسف على تأخيرى فى الرد
انا فعلا كنت ناوى فى اول فرصة اكتب تقييم جديد للعربية بعد معرفتها بشكل افضل دلوقتى، لكن علشان ضيق الوقت حاول اقول حاجة و لو مختصرة دلوقتى
هبتدى اولا بعيوب العربية علشان محدش يقول منحاز لعربيته
1- السعر عالى شوية لما يتقارن بالفيرنا و اللانوس، لكن للاسف الناس بتقارن كورى مع تجميع مصرى
2- الشنطة صغيرة ، بس ردى ان الواحد لو بيسافر هو و العيال للمصيف فده اسبوع من 52 اسبوع فى السنة و مع شوية تنظيم و ابتكار طلعنا المصيف و الحمدلله كله عدى على اخير
3- استهلاك البنزين اعلى من المتوقع، و ده بعد بحث على الانترنيت (و مش عارف السبب) لقيت ان العربية استهلاكها بيتحسن بعد من 10000 كم الى 15000 كم فهو كان 13-14 كم لكل ليتر بزين 92 بقى دلوقتى تقريبا 16-17 كم لكل ليتر (ده متوسط نص جوه البلد و نص على السريع مع التكييف)
4- البطارية صغيرة فحصل انى لو نسيت نور العربية تانى يوم الاقى البطارية نامت و مش عارف لسه ده طبيعى و لا
المميزات
1- تقفيل كورى نظيف، يبان حتى الباب لما اتفك علشان اركب السنتر و الانذار لقيت فى بلاستك علشان يمنع دخول التراب و المياه جوه الباب
بجانب صوت الموتور الهادى لحد ما يعد ال RPM 3000 و بعده يطلعها صوت
2- الموتور هادى بس قوى جبت لحد 160 كم/س و لولا انى خفت من الطريق كنت حاولت اكتر، السحب حلوه جدا مع اعتبار انها 1100 سىسى و كمان مع التكييف السحب و التجميع معقول جدا
3- الصالون واسع انا و مراتى و الاولاد (2) بنركب و كله تمام و لما اشتريت غشالة اطباق متوسطة فريش حملتها جوه العربية و بنتى كانت راكبه وار و مراتى جنبى، و لما سافرت المصيف كانت الشنط ورا و الاولاد قاعدين جنبها
4- العربية عاليه حتى و هى محمله ، زميلى باع الفيرنا لانه كان بيحك فى كل مطب لما حد بيركب فى الكنبة اللى ورا
5- استهلاك البنزين و الحجم كله كويس علشان الشارع فى مصر بس من غير ما الواحد يخسر حاجة محتاجها فى العربية موتور قوى و على الاقل 4 افراد راكبين مرتاحين، و خصوصا بعد الاسعار الجديده
6- التوكيل كويس انا و الحمد لله لسه مغيرتش اى حاجة فى العربية، لكن بعد كل صيانة بحس ان العربية ريحت و فاقت
اخيرا انا باختصار لسه باستمتع بقيادة البيكانتو (بس طبعا لما مفيش حد من العربيات التانية بيزنق عليا او ان الشارع يكون مليان مطبات تكسر اجدع عربية) ، لذا انا مفيش اى حاجة تخلينى اغير راى فيها
فلو لسه فى سؤال انا تحت امركم
ممكن اسأل عن السعر كام دلوقتى كاش وقسط واحسن التوكيل ولا المعرض وانا يا جماعة ابحث عن تقسيط اسلامى ممكن حد يكون جاب سيارة بقسط اسلامى بعيد عن البنوك والتامين علما بانى موظف حكومة بس بخاف من اى حاجة فيها شبهة ربا يجب ان ننظر الى الاخرة قبل الدنيا حتى لو مركبناش سيارة من اصلة ربنا يستر . اىحد يكون اشترى بقسط الامى يدلنى :dots:
انا جبت البيكانتو 2008 من اسبوع تقريبا
و طبعا عربية رائعة
بالنسبة للاسعار
مانيوال هاف اوبشن ( بدون سنتر ولا ازاز كهربا ) 61000
مانيوال فول اوبشن 64000
اوتوماتك هاف اوبشن 69000
اوتوماتك فول اوبشن 71000
و يفضل انك تجيبها من التوكيل ، او موزع معتمد ، عشان انا كان هيتضحك عليا و كنت هاخد واحدة خليجى و بعدين اكتشفت على اخر لحظة ، فخليك فى السليم
و اسمع دلوقتى ان شركة كونتاكت عاملة تقسيط اسلامى
تصدق يا أستاذ مينا انا أول مره أقرأ التقييم ده....بس فعلا كل اللي انت قلته انا شايفه في عربيتي بالظبط....و خلاني اتأكدت اني مش بفتي أو متوهم:) و نفس التققيم اللي انت كاتبته من 3 شهور هو اللي انا متته بعديها من غير ما أقرأ ده:)اقتباس:
هبتدى اولا بعيوب العربية علشان محدش يقول منحاز لعربيته
1- السعر عالى شوية لما يتقارن بالفيرنا و اللانوس، لكن للاسف الناس بتقارن كورى مع تجميع مصرى
2- الشنطة صغيرة ، بس ردى ان الواحد لو بيسافر هو و العيال للمصيف فده اسبوع من 52 اسبوع فى السنة و مع شوية تنظيم و ابتكار طلعنا المصيف و الحمدلله كله عدى على اخير
3- استهلاك البنزين اعلى من المتوقع، و ده بعد بحث على الانترنيت (و مش عارف السبب) لقيت ان العربية استهلاكها بيتحسن بعد من 10000 كم الى 15000 كم فهو كان 13-14 كم لكل ليتر بزين 92 بقى دلوقتى تقريبا 16-17 كم لكل ليتر (ده متوسط نص جوه البلد و نص على السريع مع التكييف)
4- البطارية صغيرة فحصل انى لو نسيت نور العربية تانى يوم الاقى البطارية نامت و مش عارف لسه ده طبيعى و لا
المميزات
1- تقفيل كورى نظيف، يبان حتى الباب لما اتفك علشان اركب السنتر و الانذار لقيت فى بلاستك علشان يمنع دخول التراب و المياه جوه الباب
بجانب صوت الموتور الهادى لحد ما يعد ال Rpm 3000 و بعده يطلعها صوت
2- الموتور هادى بس قوى جبت لحد 160 كم/س و لولا انى خفت من الطريق كنت حاولت اكتر، السحب حلوه جدا مع اعتبار انها 1100 سىسى و كمان مع التكييف السحب و التجميع معقول جدا
3- الصالون واسع انا و مراتى و الاولاد (2) بنركب و كله تمام و لما اشتريت غشالة اطباق متوسطة فريش حملتها جوه العربية و بنتى كانت راكبه وار و مراتى جنبى، و لما سافرت المصيف كانت الشنط ورا و الاولاد قاعدين جنبها
4- العربية عاليه حتى و هى محمله ، زميلى باع الفيرنا لانه كان بيحك فى كل مطب لما حد بيركب فى الكنبة اللى ورا
5- استهلاك البنزين و الحجم كله كويس علشان الشارع فى مصر بس من غير ما الواحد يخسر حاجة محتاجها فى العربية موتور قوى و على الاقل 4 افراد راكبين مرتاحين، و خصوصا بعد الاسعار الجديده
6- التوكيل كويس انا و الحمد لله لسه مغيرتش اى حاجة فى العربية، لكن بعد كل صيانة بحس ان العربية ريحت و فاقت
اخيرا انا باختصار لسه باستمتع بقيادة البيكانتو (بس طبعا لما مفيش حد من العربيات التانية بيزنق عليا او ان الشارع يكون مليان مطبات تكسر اجدع عربية) ، لذا انا مفيش اى حاجة تخلينى اغير راى فيها
فلو لسه فى سؤال انا تحت امركم