الموضوع: usb stick modem فودافون وهم كبييييير

المشاركة الأصلية كتبت بواسطة amir

الناس مش واخده بالها من المشكله
انا مش بس بشتكي ان الجهاز بقي بيقطع بطريقه مستفزه
ده علشان يكشفو عليه و يغيروه لازم اروح الفروع الرئيسيه
المعادي و مكانين تانيين
يعني لما واحد مغفل زي حالاتي ييجي يشتري يلاقيه في اي حته
و لما تحصل مشكله و محتاج دعم فني بجد الاقي مفيش غير في اماكن محدده
اللي عايز يجيب الصداع لنفسه يشتري يو اس بي مودم فودافون
و ياريت الناس تقولي اشتري يو اس بي اتصالات منين

عند حضرتك حق

انا برضه بسبب مواقف كدة اؤكد ان خدمة العملاء في فودافون سيئة جدا

شعارنا
مع فودافون انت دائما مديون
وعلى رأى المثل
يامشتكى فى فودافون دى اس ال ...فودافون لا هتربط ولا هتحل

وبيتباع برده في on the run

..

بعد مقارنة مطولة بين فودافون و موبينيل و اتصلات جبت مودم اتصالات خط مفتوح أبو 150 من 4 أو 5 شهور كده كان سيء جدا في المنيا البيت و المصنع مش بيقطع بس بطيء جدا لدرجة عملت اشتراك في شبكة في الحي بتاعي كانت أحسن من اتصالات
طبعا في مصر حكاية مالهاش أي حل .......
دلوقتي في المصنع معقول مش وحش و في البيت ممتازة جدا و بشوف يوتيوب عادي زي التلفزيون بس أوقات قليلة السرعة تقل شوية و ترجع تزيد تاني على طول

اللي مش كويس حكاية الاستخدام العادل دي مش فاهم ايه لازمتها
أنا مشترك خط مفتوح المفروض يكون مفتوح على طول مادام أنا بدفع اشتراك و اشمعنى يعني 4 و لا 6 جيجا ليه يعني ؟!!!!!!!!