السلام عليكم
ايهما افضل عفشة التوكيل ام عفشة الخليجى (سيراتو) ؟
هل نشترى توكيل ولا خليجى انا شايف انو سعر الخليجى اقل من التوكيل ايهما افضل
والف شكر
السلام عليكم
ايهما افضل عفشة التوكيل ام عفشة الخليجى (سيراتو) ؟
هل نشترى توكيل ولا خليجى انا شايف انو سعر الخليجى اقل من التوكيل ايهما افضل
والف شكر
السلام عليكم ورحمة الله وبركاته
بالنسبة للخليجى الى انا اعرفو والى اخواتى هنا فى المنتدى بيقولو علية هوالفرق فى البوية والتكييف والخليجى مبيخشش الصيانة وملوش ضمان فى الوكيل وان شاء الله بقيت الاعضاء تيفديك واسف على الاطالة
الف شكر على الرد
او كلامهم صح والتكييف والدهان والبويه احسن في الخليجي يبقا اكيد اكيد الوكيل أحسن في العفشه نظرا لاختلاف الطرق بس الكلام ده كله مش علمي بس منطقي ورأي الشخصي الضمان بيريح
شوف يا باشا
مفيش اختلاف فى العفشه بين الاتنين
موضوع الخليجى والوكيل راجع الى اخيارك واحتياجتك بين الضمان والكماليات وميعاد التسليم
http://www.nilemotors.net/Nile/145796-a.html
http://www.nilemotors.net/Nile/141500-a.html
تمنياتى لك بالتوفيق
بص انا هقولك علي حاجه العفشه هنا هي هي العفشه هنا مفيش اختلاف خالص
بس تجيب انهي دي بقي انت الي تحدد تقدر تستني 6 شهور علشان تستلم و تاخد ضمان استني
متقدرش تستني يبقي جيب خليجي استلام فوري بويه احسن تكييف احسن مرايه تعتيم cd changer
الاتنين زى بعض
طبعا زى الاعضاء الكرام مقالوا مفيش فرق
والى يقلك فيه فرق عايز يبيع مش أكتر
نيجى بقى أنت عايز تشترى أنهى
بص بصراحه أنا شايف الخليجى أفضل
أكيد تكييف أفضل بويه أنضف وممكن خامات أفضل بردو
وفيها حاجات مش فى الوكيل زى مرايا التعتيم
لكن مشكلتها الوحيده الضمان والصيانه وكده زى منت عارف
ففى ناس تفضل الضمان على مميزات الخليجى
وآخرين بيضحوا بالحاجات دى علشان الضمان و الصيانه وكده
فدا قرارك وحدك
وربنا معاك إن شاء الله
مع احترامي للاستذ نورمال انما موضوع التكييف والبويه والزجاج دي انا مش مقتنع بيها نهائي
يعني انت مقتنع ان في خطين انتاج في كوريا وفي مصنعين زجاج ومصنعين دهان ونوعين تكييف مختلفين للعربيتين الكلام ده بيتقال عشان الجو هناك حر يبقى اذن العفشه بتاعه الوكيل افضل لان الطرق مكسرة ده لو هيا ماشيه بالمنطق بدون مستندات صح ولا حضرتك شايف ايه
يعني انت عاوز تفهمني ان العربيات الي بتنزل في الخليج و في دول اوروبا بتنزل مصر بنفس الكفائه
كأساسيات اه طبعا خصوصا في الكوري والياباني الفرق كله بيكون كماليات لانه مرتبط بتكلفه مش هينفع يعمل خامات لديه وخامات لديه لكن يقدر يزود او ينقص اوبشن لكن كل اللي بنشوفه عبارة عن اجتهادات وفهلوة مصريين عشان كده يبقا كده لو حر يبقا التكييف اقوى هل فيه مستند واحد غير الكلام يوكد هذا الكلام
العفشة هي هي
دي هي دي مافيش فرق ..ولو كان هايكون لصالح الخليجي لأن مصر مالهاش مواصفات أساسا
التكيف بيختلف في المواصفات الخليجي ده أكيد الكورولا الي معايا في السعوديه مكتوب حجم التكيف وكميه الفريون وبعديها كاتبين المواصفات الخليجي والتكيف حجمة أكبر وبتاخد شحن أكتر!!!
الكلام ده من كتالوج العربيه
مش لازم مصنعين لكل حاجه :)
لكن نوعيه الدهان نفسها تفرق
مش معنى أن الحاجه تختلف من مكان لمكان أن فى مصنع لكل شىء
لكن مش بالضروره المواصفات القياسيه لأمريكا تبقى زى بتاعه أوروبا
على كيا توفير العربيه الاوروبيه بمواصفتها وكذلك الامريكيه بمواصفاتها إن كانت عايزه تبيع هنا وهنا
صدق أو لا تصدق السعوديه ليها مواصفات قياسيه
إذا كانت كيا عايزه تبيع عربيات فى السعوديه لازم تنزل العربيات تحت المواصفات دى
وعليه
العربيات الخليجيه خصوصا السعوديه تمتلك تكييف أقوى ودهان أفضل وربما خامات ديوربال أكتر علشان الشمس
إنما أساسيات العربيه لا يمكن تتغير
العربيه بتنزل ب3 مواتير مثلا ملهمش رابع بقى
يعنى ممكن مثلا دوله تعترض على محرك لأنه بيطلع ثانى أكسيد لاكربون زياده بصوره هى مش عايزاها
فى الحاله دى مع السلامه العربيه دى متدخلش
مش هنصنع متور لدوله معينه " مش أى دوله على فكره"
كذلك الحال على العفشه
مينفعش أنزل عفشه لمصر و عفشه لأمريكا وأخرى لإطاليا
دا بمثابه إنى أعمل عربيه مختلفه بتصميم مختلف لكل دوله...خراب ديار
طبعا مش بقنعك لكن بوضحلك الحقائق
و حضرتك أقتنع بالرى تراه صحيح :)
تحياتى
رأي المتواضع...
مافيش فرق في أي شئ بين الخليجي و الوكيل غير كماليات و سعر و بس...
الخليجي كمالياته اكتر بسعر اقل من الوكيل... غير كده مافيش فرق في اي شئ من وجهة نظري
و السؤال اللي عايز اسأله... بما ان مصر مالهاش مواصفات قياسيه, تتوقعوا بتجيب العربيات
اللي تبع الوكيل (المصري), مطابقه لأي مواصفات..!!!!!؟؟؟؟؟؟؟؟
خليجي, و لا اوروبي, و لا أمريكي, و لا ايه..!!!! رأي أكيد هتكون خليجي...
طيب لما هي العربيه خليجي, و مصر كده كده بتصنف من الدول الحاره, يبقى الاختلاف فين؟؟؟
انا مش شايف ان فيه اي اختلاف... ده رأي الشخصي المتواضع بردو
طيب العربيه المصري اللي تبع الوكيل, بتكون من انهي خط انتاج..؟؟؟؟ الخاص بالشرق الأوسط
يبقى فين الاختلاف..؟؟؟ و هيجي منين اصلاً..؟؟؟
و ايه اللي يثبت ان فيه اختلاف بين الوكيل و الخليجي تحديداً, في دهان او تكييف او غيره..؟؟؟
لأن اكيد في فرق بينهم (مصري او خليجي لأنهم واحد) و بين الاوروبي أو الأمريكي مثلا...!!
و أنا بتكلم عن كيا موتورز تحديدا, مش أي براند تاني, علشان نكون محددين...
لكن خليجي و مصري.... واحد في رأي, و لو حد جاب اثبات غير كده يبقى جزاه الله خير في المعلومه
اولا حمدا لله على سلامتك من رحلة الاسكندرية وصورك منورة المنتدى
ليا سؤال عاوز افهمه اللى اعرفه ان مصر مالهاش مواصفات ولحد دلوقتى بيعملو اجتماعات علشان يحددو الموصفات دى وربنا يدينى ويدك طولت العمر فى اكيد عربيات بتخرج من خط الانتاج وبكون فيها بعض العيوب ودى حاجه اكيدة هنقول مثلا عربيتين من 100 عربية والعيوب دى ممكن تكون فى اساسيات او كماليات العربيات دى بتتصدر لمين ؟؟؟؟
فرضا انها بتتصدر لوكيل مصر وبما ان مافيش اى رقابة او تحديد مواصفات العربية دى مين بيشتريها واكيد الوكيل مش هيفحص كل الشحنة واكيد برضه اللى بيشتريها هو الوحيد اللى هيكتشف العيب ده ( حظه كده بقى )
الناحية التانية العربية بتتصدر لدول الخليج نقول مثلا السعودية . اللى عرفته ان بيكون فى هيئة تابعه للدولة موجود فى كوريا بتابع جميع مراحل تنفيذ العربية لحد ما توصل السعودية وكمان لما توصل وقبل ما تدخل للمستوردين بيكون فى خطوات ( اللى هى الموصفات المحددة للدولة ) يبقى نقول ان العربيتن دول لو دخلو السعودية فيهم مشكلة هيكون قداهم 1000 ( الف ) عربية سليمة تماما
واسف للمثل ده ( اعور ولا اعمى )
ملحوظة / انا بفكر بصوت عالى مش اكتر وكلامى مش مبنى على حقائق ثابتة
طيب يا جماعه ما هو حسما للخلاف اي حد مننا يقدر يتواصل مع المهندش خالد فارق (واعتقد شخص باخلاقه سيكون له راي حيادي تماما) ويتاكد من النقاط دي
- فرق العفشة
- فرق الدهان
- فرق التكييف
- فرق الخامات
كلنا متاكدين ان فيه فرق في الكماليات فقط
انا قربت اعمل صيانة ال 10000 ولو حد سبقني يبقى يقبله ويقلنا او لي في حد على اتصال بيه ممكن يدينا رايه
مشكورين ياشباب على التفاعل
بالضبط يا استاذ نورمال ويفضل انهم يكونوا نفس الفئه
انا كمان شايف ان مافيش اي فرق بين الخليجي و التوكيل عشان كلهم من مصنع واحد و مش معقولة يعني شركة كيا هتنزل عربية بي موصفات سيئة يعني ده كلام بيتقال في المعارض ان الخليجي افضل عشان يعرفو يبيعو مش اكتر