خناقة بسب الاسبرانزا

**mahmooud135** · 08-05-2010 01:50 PM

الخناقة بسبب ان ولدى عايز يجيب عربية بيفاضل ما بين ( النيو اكسنت - الافيو - الجن2- لانوس ) وانا بارجح انه يجيب الاسبرانزا 516 ياجماعة لو احد يعرف يجيب عيوب ومميزات ( النيو اكسنت - الافيو - الجن2- لانوس ) يبقة جزة الله خيرا ويارب تكون فى الاخر لصالح الاسبرانزا علشان انا معاياالاسبرانزا وهو مش مقتنع بيها
مستنى الردود:b4_388:

**bronze** · 08-05-2010 08:25 PM

ليه مش m11

**hugan** · 09-05-2010 12:11 AM

بص انا مش با عرف اقارن لكن في رائي المنافسه بين الاسبرانزا والجين تو لكن الاسبرانزا تتفوق بجداره في اسعارقطع الغيار اللي تقريبا بقت زيها زي الانوس والشاهين لكن انا شخصيا ومن استخدام السياره سنتين و40000 كيلو الاسبرانزا افضل من الانوس والافيو والاكسنت اللي عليها كلام ومشاكل بجد الحمد لله العربيه ممتازه ممتازه وتعتبر صفقه ناجحه مقارنه بسعرها
جميع الكماليات بمعني الكلمه
ثبات ممتاز بفضل العفشه الرياضيه فوتو كوبي لانسر بومه والوزن الممتاز 1300 كيلو جرام
متانه البودي الخارجي بشهاده مستخدميها وعن تجربه شخصيه مع تويوتا
الوسع الداخلي الشاسع با جماع
تكيييف التقفيل الجيد جدا لاكن لايرقي للياباني لكنه جيد جدا

التقفيل الداخلي جيد المستوي رائي افضل من الانوس او الفيرنا الاكسنت افضل والجين افضل
الحمد لله الموتور ممتاز بطيء اول وتاني لكن التالت اجري يا باشا
بجد العفشه معقوله جدا جدا الاحكايه النقر في الدركسيون والجين مشتركه

في نفس المشكله
اعتقد الوكيل وخدمه بعد البيع افضل من عز العرب اقصد ابو الفتوح
مريحه في القياده داخل البلد والمسافات الطويله
احساسك بركوب سياره فخمه وحجم كبير بغض النظر عن كلمه صيني
الحمد لله لم يحدث اي تلف او اعطال لاي من الكماليات اللي المهاجمين بيقولوا انها منظر بدون فايده سنتر انزار وحده رفع جنوط اسبور مقابض مرايات كهرباء مفتاح بريموت وتشغيل وحده الرفع يعني الخمد لله جميع الكماليات لم يحدث منها اي اعطال وتعمل بكفاءه
الاخيره استخدام 40000 ولم يتم ضبط زوايا حتي الان من الزيرو بفضل الله
نجاح السياره في مشروع التاكسي با جماع السائقين وتفضيلهم لها عن الانوس والفيرنا وما حدش يعارض مفيش سواق اسئله الا ويقول انها افضل من الانوس والفيرنا والبعض ندمان انه مشي ورا كلام الناس ابعد عن الصيني وغني له
يا ريت اكون عرفت افيدك

**sv065** · 11-05-2010 02:25 AM

السلام عليكم الصراحة أنا ضيف في القسم ده بدعوة من العضو الفاضل hugan والحقيقة ده شرف كبير جدا جدا ليّ إن حضرته يشركني في هذا الموضوع

الحقيقة كلامه وافي بشكل كبير جدا لكل المتطلبات اللي أي واحد فينا بيحتاجها لما بيكون عاوز يشتري عربية أو يطور نفسه ويبيع عربيته القديمة ويجيب واحدة جديدة ودي من ذكاء المنتج الصيني الي حاول يجمع أكبر قدر من الأوبشن في سيارة واحدة علشان ينافس بيها

وكلامة منطقي جدا لأنه من واقع تجربة فعلية و 40000 كيلو بالعربية في حوالي سنتين يعني إستخدام كتير وبيقول مفيش أي أعطال وده كلام جميل خاصة أنه محايد وذكر بعض المشاكل اللي موجودة في العربية والبعض ذكرها قبل كده

بس أنا لي رأي لما قرأت الموضوع من بدايته لمست إن ولد العضو الفاضل mahmooud135 رافض المبدأ من البداية حتي لو أضفنا أوبشن زيادة علي العربية ومحدد أنواع معينة فقط وده طبيعي جدا جدا لأسباب كتير منها إنه عاوز ماركة تانية لمجرد التغيير والتنوع والنقطة دي عندنا كلنا حتي أحيانا لو النوع الجديد اللي بنختاره (بصرف النظر عن هو إيه إيه) بيكون مش في صالحنا زي النوع الحالي لكن الرغبة في التغيير بتكون أقوي

فأعتقد الموضوع هنا خرج عن كونه مقارنة بسبب الرغبة في التغير لمجرد التغيير والتنوع والله أعلم

ولكن تأكد دائما إن كل نوع له مميزات وعيوب والذكي الذي يستفيد من خبرة الآخر لتلافي أكبر قدر من العيوب والحصول علي أكبر قدر من المميزات

وربنا يوفق لأفضل سيارة إن شاء الله

**aboelnagah** · 12-05-2010 12:09 AM

جين 2 ياباشا اساسى احسن من الصينى بصراحة جميلة جداااااااااااا فكر فيها وحلوة واحسن من a516

**egypt0777** · 15-05-2010 04:47 PM

المشاركة الأصلية كتبت بواسطة hugan

بص انا مش با عرف اقارن لكن في رائي المنافسه بين الاسبرانزا والجين تو لكن الاسبرانزا تتفوق بجداره في اسعارقطع الغيار اللي تقريبا بقت زيها زي الانوس والشاهين لكن انا شخصيا ومن استخدام السياره سنتين و40000 كيلو الاسبرانزا افضل من الانوس والافيو والاكسنت اللي عليها كلام ومشاكل بجد الحمد لله العربيه ممتازه ممتازه وتعتبر صفقه ناجحه مقارنه بسعرها
جميع الكماليات بمعني الكلمه
ثبات ممتاز بفضل العفشه الرياضيه فوتو كوبي لانسر بومه والوزن الممتاز 1300 كيلو جرام
متانه البودي الخارجي بشهاده مستخدميها وعن تجربه شخصيه مع تويوتا
الوسع الداخلي الشاسع با جماع
تكيييف التقفيل الجيد جدا لاكن لايرقي للياباني لكنه جيد جدا

التقفيل الداخلي جيد المستوي رائي افضل من الانوس او الفيرنا الاكسنت افضل والجين افضل
الحمد لله الموتور ممتاز بطيء اول وتاني لكن التالت اجري يا باشا
بجد العفشه معقوله جدا جدا الاحكايه النقر في الدركسيون والجين مشتركه

في نفس المشكله
اعتقد الوكيل وخدمه بعد البيع افضل من عز العرب اقصد ابو الفتوح
مريحه في القياده داخل البلد والمسافات الطويله
احساسك بركوب سياره فخمه وحجم كبير بغض النظر عن كلمه صيني
الحمد لله لم يحدث اي تلف او اعطال لاي من الكماليات اللي المهاجمين بيقولوا انها منظر بدون فايده سنتر انزار وحده رفع جنوط اسبور مقابض مرايات كهرباء مفتاح بريموت وتشغيل وحده الرفع يعني الخمد لله جميع الكماليات لم يحدث منها اي اعطال وتعمل بكفاءه
الاخيره استخدام 40000 ولم يتم ضبط زوايا حتي الان من الزيرو بفضل الله
نجاح السياره في مشروع التاكسي با جماع السائقين وتفضيلهم لها عن الانوس والفيرنا وما حدش يعارض مفيش سواق اسئله الا ويقول انها افضل من الانوس والفيرنا والبعض ندمان انه مشي ورا كلام الناس ابعد عن الصيني وغني له
يا ريت اكون عرفت افيدك

انا حاسس انك بتتكلم عن عربية من كوكب تانى

انتى مش عايش برده معانا فى مصر و لا ايه

**hugan** · 15-05-2010 05:01 PM

المشاركة الأصلية كتبت بواسطة egypt0777

انا حاسس انك بتتكلم عن عربية من كوكب تانى

انتى مش عايش برده معانا فى مصر و لا ايه

اشمعني يعني
ايه وجه الاستغراب
اللي مخليك حاسس اني من كوكب تاني
ولا يمكن انت اللي جاي من كوكب تاني ومش عارف ايه اللي ماشي في مصر

**egypt0777** · 15-05-2010 07:50 PM

المشاركة الأصلية كتبت بواسطة hugan

اشمعني يعني
ايه وجه الاستغراب
اللي مخليك حاسس اني من كوكب تاني
ولا يمكن انت اللي جاي من كوكب تاني ومش عارف ايه اللي ماشي في مصر

لا باء اسمحلى و بطل

انتى عمال تشعر فى عربية

و الناس هنا كلها متاكده و مجمعة و عارفه انها افشل عربية

ولا انت عاوز تبعها فعمال تجبلها مشترى

**ConDoR** · 15-05-2010 08:11 PM

المشاركة الأصلية كتبت بواسطة egypt0777

لا باء اسمحلى و بطل

انتى عمال تشعر فى عربية

و الناس هنا كلها متاكده و مجمعة و عارفه انها افشل عربية

ولا انت عاوز تبعها فعمال تجبلها مشترى

طيب حضرتك ممكن تقول ليه افشل عربيه بس ياريت من واقع تجارب زي الاستاذ hugan ما اتكلم على عربيته علشان النقاش يكون حيادي وانا معنديش العربيه ولا عمري ركبتها بس احب اعرف بعد 4 سنين في السوق هل المنتج الصيني اتحسن ؟؟؟؟