الموضوع: شوية اسئلة على سكودا فليشيا موديل 95

ممكن حد يرد عليا يا شباب؟؟

مبروك العربية ياباشا

هارد على الاسئلة اللى اعرفها بس.كان معايا فيليشيا قبل كده بس نسيت حاجات اكيد

بالتسبة لبنزين 92 فمالهوش ا ى لزمه خالص .انا كنت بحط 80 كمان.

غير طقم السيور والبوجيهات كمان ضرورى.الكتينه والدينامو.وبص بالمرة على تيل الفرامل وزيت الفتيس والباكم

لو هاتغسل الحوض فيتستحسن بالبنزين وبلاش المياه عشان حاجات الكهربا.اما باقى العربيه عادى بالمياه

اهم حاجه فى العربيه ديه السخونه.يعنى تاخد بالك جدا من الحراره.لانه يعتبر من عيوبها الشائعه.عينك دايما على امبير الحراره وياريت تنظف دوره التبريد

ربنا يكفيك شرها

مبروك عليك العربية وربنا يبارك فيها
اولا بخصوص البنزين تفويلها 43 لتر ونصيحة من مجرب بلاش ال 80 لانه دمر العربية معايا تماما كنت ماشى بيها ب 90 ومرتاح سمعت النصايح وقلت اوفر لكن للاسف صرفت اضعاف اللى وفرته فى عمرة كاملة ومصاريف تانية على العربية وال 92 عادى بشرط ما يكونش الاصل يعنى فى حالة بس لو ما لقتش 90
والاستهلاك فيها عالى شوية مقارنة بغيرها من العربيات ال 1300 لان جسم العربية اثقل وهو بالنسبة ليا حوالى 190 كم فى الصفيحة ( 20 لتر ) فى البلد ممكن يزيد او يقل حسب حاجات كتير زى ظبط التاكيهات والزوايا وحالة الكاوتش وطبيعة ومكان القيادة فى البلد ولا مفتوح

وموضوع الغيارات انا عربيتى موديل 96 فيها rbm اعتقد ان عندك ساعة مكانه لكن بوجه عام انا باحركها بس على الاول ومش بامشى بيه كتير وباجيب التانى على طول بانقل عادة من التانى للتالت على 3000 لفة ساعتها عداد السرعة 40 والتالت ممكن 60 او 70 والرابع بالكتير قوى 90 ده ممكن يختلف لو بتنقل قبل 3000 لفة
وياريت لو حد عند معلومة أصح يفيدنا بيها احنا الاتنين
وربنا يكفيك شرها خصوصا دورة التبريد اللى لازم تستخدم لها مياه خضراء اصلية وبلاش تكسل لانها هاتريحك مع غسيل الرداتير بمانع الصدأ كل عدة اشهر

بجد والله انا مش عارف اشكركم ازاى
بصراحة ردود فوق الممتازة وبالتفصيل
, جزاكم الله خيرا جميعا

المشاركة الأصلية كتبت بواسطة mazenossama

1-سعة التانك 42 لتر يعني التفويل 44 تقريبا
2-العربية البنزين الرسمي ليها والمناسب تبع الكتالوج 91
طبعا في 90 و 92
3- 92 بيفرق في السحب بنسبة محسوسة ولكن مش كبيرة ولكن 90 بيفضل وبيمشيك مسافة اطول
4- لازم تغير سير الدينموا و تغير بواجي وزيت العربية وفلتر الزيت وفلتر البنزين وفلتر الهواء او تنضفة وتبص العربية لو بتجيب زيت من تحت عشان تغير اولسيهات بالمرة للاولسية الي بيخر
5-حط مياة خضرا مع تنضيف الردياتير درجة حرارة العربية بتبقي تحت 90
لو زادت يبقي في حاجة غلط
6- العربية حلوة وبتجري يعني انقل لما صوت الماتور يعلي معاك عموما
ولكن احسن حاجة هي انك متعديش 3000 اربي ام
وبكده الاوال لغاية 10 او 20 والتاني لحد 40 والتالت لحد 60 والرابع لحد 80 والخامس معاك ل120

7- السرعة القصوي الحقيقية 140-150
8- استهلاك الفيليشيا متوسط مش عالي ومش واطي في الزحمة
بنزين 92 يعمل معاك اللتر من 9 الي 10 كيلو متوسط
يعني في الزحمة يعمل 7 او 8 كيلو اللتر ولكن في الطوالي هي عربية استهلاكها مثالي يعين 42 لتر ممكن يمشوك 500 كيلو طوالي طبعا
10- اغسل العربية عادي من برة ومن جوة بس غسيل المتور لازم يغطي الموبينة واي حاجة كهرباء ومن جوة متستخدمش صابون كتير عشان التابلوة يعني ماء نظيف وملمع تابلوه يكفو
11- العربية دي محترمة جدا
مميزتها
1- امان عالي وصاج متين وعربية متينة عفشة وصاج وكبوت سقفها ضعيف ال حدا ما يعني مطحطش حاجة تقيلة فوقه
2- قطغ غيارها معمرة وبتنساها ومتوفرة بشكل مطمئن
3 ثبات حلو جدا واحسن من عربيات كتير
4-واسعة من جوة يعني هي اكبر من اكبر هاتش باك وشنطتها معقولة
5-من جوة موديرن اذا ما قورنت بالادا والشاهين وتقفيل الفرش وتقفيل العربية جيد

عيوبها
1-مشكلة السخونة ودي راجعة لاسباب كتير في رايي هي ان عمر وش السليندر مش كبير وبيتأثر بالحرارة ولكنه متوفر ب2300 اصلي كامل و موجود صيني كمان
2- قطع غيارها غالية اذا ما قورنت بسعرها مع سعر العربية نفسه
3-العريبة خشنة كفتيس ودواسات بس معقولة جدا يعني مش في نعومة اللانوس او الاكسنت مثلا
4-صوت متور عالي الي حدا ما وده راجع لسير كتينة جنزير وغير ان متور الفليشيا ohv قديم كا تكنولجي.
5- دركسيون تقيل عشان مفيش باور ولكن مع زبط الاطارات بيقي جيد
6- تمنها كان زمان بيخرجها من منافسة الاكسنت
7-هي ارخص من الاكسنت والاكسيل بي 5-6 الاف وده يخليها حسن اخيار اذا ما قورنت بالادا والاونو

تقديري الشخصي
عربية حلوة معمرة وحمالة اسية ولكن يشطرط عند شرائها نضافة حالتها عشان متتعبكش مش صاروخ ولكن جيدة نظرا لوزن السيارة وامكانات متورها المحدودة

وانا تحت امرك في استفسار

بخصوص النقطة الرابعة

فعلا انا بصيت تحت العربية لقيتها بتنقط مش عارف ده زيت ولا بنزين ولا اية؟

دى ممكن تكون اية؟ واروح لمين بالظبط , اية ميكانيكى وخلاص ولا حد معين؟

المشاركة الأصلية كتبت بواسطة zyadahmed

ونصيحة من مجرب بلاش ال 80 لانه دمر العربية معايا تماما كنت ماشى بيها ب 90 ومرتاح سمعت النصايح وقلت اوفر لكن للاسف صرفت اضعاف اللى وفرته فى عمرة كاملة ومصاريف تانية على العربية

العربية بقالها معايا حوالي سنة ومن أول ما جبنتها وأنا بستعمل بنزين 80 ومع واحد زميلي نفس الكلام ومفيش أي مشاكل خالص بسبب بنزين 80 وماشاء لا قوة إلا بالله سحبها أكثر من رائع
وللعلم عربيات كتيرة حديثة مع ناس أعرفهم بيستعملوا البنزين 80 وبرده كويس
بس الحقيقة ببقى مستغرب لما أشوف العربيات دي بتستعمل الـ 80 يعني في فيرنا 2006 واسبيرانزا 2009 ولانوس 2004 وكلهم بيستعملوا بنزين 80 بدون شكاوي والعهدة عليهم
أنا بس بأكد تجربتي مع الفليشيا ببنزين 80 أكثر من ممتازة الحمد لله