مساعده يا دكاتره

**M.Zaher** · 08-05-2010 02:07 PM

ده تقرير فحص القلب بتاع واحد صاحبي و كنا عايزين نعرف عنده ايه

**Dr.lancer** · 08-05-2010 04:22 PM

أخى محمد تقرير الإيكو بيشير الى إرتجاع بسيط فى الصمام الميترالى (يعنى الدم بعد ما يخرج من الأذين اليمين و يدخل البطين اليمين الصمام ده بيقفل علشان لما البطين اليمين ينقبض. الدم ميرجعش لفوق تانى الى الأذين اليمين) وده للأسف اللى بيحصل مع صاحبك.(شوف الصورة)

سبب الموضوع ده مش مهم دلوقتى لأنه ممكن يكون عيب خلقى أو حمى روماتيزمية فى الصغر. المهم عندى هو راح عمل الإيكو ليه؟ هل راح لطبيب قلب و سمع صوت معين بالسماعة و طلب بعدها الإيكو؟ على العموم الحمد لله الموضوع عند صاحبك درجته خفيفة (نسبة الإرتجاع) و كمان سمك الأذين كويس (مافيش تضخم بعضلة القلب) بس يفضل يتابع مع طبيب قلب لأنه حيحتاج يمشى على غذاء صحى وإحتمال يديله علاج لو بيحس بنهجان. و إنت ممكن تساعده بمعلومات عامة(شوف الرابط ده ممكن يساعدك)
Treatment of Mitral Valve Prolapse
أرجو أن أكون ساعدتك على قدر معلوماتى (أنا أساسا طبيب أنف و أذن و حنجرة) و ياريت أطباء القلب فى المنتدى يفيدوك أكتر.

**SunSet** · 08-05-2010 04:32 PM

is it regurge or prolapse?

**SunSet** · 08-05-2010 04:38 PM

اعتقد اخي ان صاحبك لديه درجة طفيفة من ترهل الصمام الميترالي وفي الغالب بيكون السبب وراثي وبينتج عن ترسب مواد على الصمام تؤدي الى تضخمه وترهله

وحالته مصحوبة بارتجاع لا يذكر في نفس الصمام

وان شاء الله حالته بسيطة وتحتاج فقط متابعة مع الطبيب المختص

والف سلامة عليه

**M.Zaher** · 08-05-2010 05:27 PM

جزاكم الله خيرا

هوه فعلا بيحس بنهجان و بعدين راح لدكتور و قال له اعمل الايكو ده
وبعد ماوداهوله قال له سليم مفيش حاجة و اداله دوا بس مش فاكره دلوقتي
على العموم ان شاء الله هاقوله يروح عند دكتور قلب يتابع معاه