انتم السابقون ونحن اللاحقون
سيدى العزيز
انتم السابقون ونحن اللاحقون ماحدش كبير عالنصابين انا كنت بدور عالنت زيك على عربية bmw صغيرة علشان ابنى ودورنا طبعا" فى الفئة الاولى ولقينا عربية بتاعة رجل لواء شرطة عالمعاش منه لله والله لا يسامحه خلانى أكشف عالعربية عند واحد يعرفه وطبعا" قال ان العربية سليمة حاولت انى اخدها عند حد اعرفه حتى مش التوكيل ابدا" واتحجج بان النمرة الخلفية مسروقة وهو عامل بيها محضر وماينفعش اخرج العربية من الجراج الا لو هشتريها وطبعا" لان الولد شبط فيها وانا كواحدة ست مابفهمش اساسا" فى المستعمل وعمرى ما اشتريت عربية مستعملة وبالأخص فى البى ام لكن فضلت اقوله انى هشترى العربية للولد علشان جامعته عالدائرى وانا ماعنديش غيره فارجوك لو العربية فيها حاجة قولى قعد يحلف باولاده ان ابنه كان راكبها بس هو علشان ظابط بيحب يغير كتير
ماطولش عليك اخدنا العربية وسجلتها بأسم الولد ورخصتهاله 3 سنين
وبدأت رحلة العذاب العربية بعد الكشف ابنه عامل بيها حادثة وكل الحرفيين عارفاها وحتى مش ملمومة صح يعنى اى عيل يشوفها يقول ماتجيبش الى دفعتيه فيها بعد اسبوع قلتله يرجع العربية وهسيب له الرخيص والتصليحات الى عملتها فيها بس يرجعلى الى دفعته . قال ماقلتيش ليه قبل انهاردة انا لسة دافعهم اقساط لشاليه فى راس سدر مش هقدر اديكى فلوسك قبل 7 شهور تسيبيلى العربية وتاخدى شيك بالمبلغ
واخدت العربية ومشيت وقعدنا نصرف عالعربية حوالى 20 الف جنيه وبرده مش عارفة ابيعها مع العلم انى هخسر فيها 30 الف جنيه ومش عارفة ابيعها
يعنى نصب على واهو لواء المفروض انه محترم يالا ندعى عليهم ربنا ينتقم لنا منهم انت مصيبتك خفيفة انا لسة المصيبة قاعدة تحت البيت ومش عاوزين حتى نركبها علشان بنكرهها