اتنصب عليا ودي حكايتي عشان الناس تستفيد

**muhmado_furp** · 09-05-2010 11:57 PM

حسبي الله ونعم الوكيل
في كل واحد بيعمل حاجه تخالف الضمير والعقيدة والشريعة

واعتقد الي ماتعرضش في نصب في عربيه اتعرض لنصب في حاجة تانيه
موضوع النصب في بلدنا بقي حاجه زفت

**AAAH** · 10-05-2010 03:39 AM

ربنا يعوض عليك
بس المهم تكون قلت للى اشتراها على عيبها عشان مايدعيش عليك

**amr_lamor** · 10-05-2010 04:32 AM

طبعا قلت للي بعتلو العربيه على اللي فيها كله حتى لو كان حد بيجي يشوفها وميعرفش اللي فيها والله كنت بوريلو اللي فيها ومكانش بيشتريها بس انا ميرضنيش ان حد يجرالو اللي جرالي وطبعا عشان حرام.....ياريت يا سامح تبعتلي رقمك عشان عايز اكلمك ...ابعتهولي عالخاص وقولي الخاص ده بيتفتح منين.. لو مش هيضايقك يعني

**o.boshra** · 10-05-2010 11:13 AM

ماتزعلش الموضوع لسه حاصل مع اخويا فى عربيه شاهين مع واحد مهندس والمشكله انه شك فيها بس بتاع البنزينه قال مفيش حاجه والعربيه فيها 7000 زياده

**yalahwy2010** · 10-05-2010 02:36 PM

ربنا يعوض عليك
وماحدش بيتعلم ببلاش
انا اتعمل معايا الموضوع ده فى عربيتى....بس الحمد لله العربية مافيهاش مشاكل
بس دفعت 35000 وكتبت وصل أمانة ب 40000 عشان ما كانش معايا باقى الفلوس
وكنت متفق على ان العربية ب 73000
وهديله كل شهر 2000 جنيه وبعد 3 شهور هرجعله الباقى كله
المهم هو كان صاحب واحد صاحبى اوى
رجعتله الفلوس.....والعربية كانت بأسمه.....ولسة ما سجلتش....وانا زى العبيط ....يعنى العربية بتاعته ...وانا كاتب وصل أمانة ....ودافعله 35000....وكل ده عشان كنت مستعجل...والفلوس مش جاهزة.......ضرب بتاع 4000 جنيه زيادة....وفى المقابل ....أخدت وصل الامانة والحمد لله سجلت العربية بأسمى ....والحمد للع عدت
لكن انا اتعلمت .....بس ب 4000 جنيه
عشان كدة انا بنصح كل الناس بعدم الاستعجال .....وطول ما الفلوس فى جيبك....فا انت سيد الموقف
وربنا يسترها علينا.....وينتقم كل اللى ما عندوش ضمير

**sameh73eg** · 10-05-2010 03:58 PM

المشاركة الأصلية كتبت بواسطة amr_lamor

طبعا قلت للي بعتلو العربيه على اللي فيها كله حتى لو كان حد بيجي يشوفها وميعرفش اللي فيها والله كنت بوريلو اللي فيها ومكانش بيشتريها بس انا ميرضنيش ان حد يجرالو اللي جرالي وطبعا عشان حرام.....ياريت يا سامح تبعتلي رقمك عشان عايز اكلمك ...ابعتهولي عالخاص وقولي الخاص ده بيتفتح منين.. لو مش هيضايقك يعني

انا بعتلك على الخاص وممكن تشوفه من اول الصفحه من لوحة التحكم

**amrhady2** · 10-05-2010 04:44 PM

فى معرض اسمه الامبراطور بقرب قسم عين شمس جسر السويس خلف المستشفى العسكرى والمعرض ده فى تلاته شوركا النصاب الكبير مجدى واللى بعده طلب صاحب النصيب الاكبر وا محمد اللى بيبلسمو بيه الزوبون حزااااااارى من التعامل مع هزا المعرض اللعين حسبى الله ونعم الوكيل وربنا ينتقم منهم قولو ااااااامين

**hossamtota** · 10-05-2010 05:47 PM

معلش يا اخى انت عارف انى ربك بيبتلى كل مؤمن على قدر ايمانه وبعدين ثق تماما انى ربنا مش بيضيع حق حد بجد

**SHERIF2009BHIT** · 10-05-2010 07:20 PM

ربنا يعوض عليك والمال الحرام بيدمر صاحبة

**ahmedsrs** · 10-05-2010 07:45 PM

ربنا يعوض عليك تجارة المستعمل فى مصر كلها نصب واحتيال ومفيش حد متنصبش عليه او حد حاول ينصب عليه وهو بيشترى عربية مستعملة
انا اعرف واحد محترم بجد وحاول يعمل مكتب بيع وشراء عربيات مستعملة على اساس انه سمع ان فيها مكسب كويس بعد اسبوع قفل المكتب بقله ليه عملت كده قالى انا مكنتش بنام من النصب والأحتيال والحلف بالله والحلف بالطلاق على عربيات متسواش