حل مقترح (تيل فرامل عموله ب60 جنيه فقط)

**momopersona** · 08-05-2010 05:57 PM

السلام عليكم ورحمة الله وبركاته

بعد سؤالى لناس كتير عن كيفية عمل تيل فرامل لسيارات بروتون
توصلت لمحل مشكور فيه جدا
يأخذ التيل القديم (الهيكل المعدن) ويصب عليه مادة التيل

ذهبت له وسألته عن عمل التيل
واخبرته ان سيارات بروتون طنابيرها ضعيفه وغاليه جدا
فقال لى ان عنده خامات كثيره وانه ينصح باستخدام تلك الخامه
خامه تتميز بانها طريه جدا وتحافظ على الطنابير الضعيفه
وهذا ما نحتاجه

مميزات عمل هذا التيل :
1- السعر 60 جنيه فقط بالفك والتركيب فى السياره : وهى اكبر ميزه مشجعه على خوض التجربه
2- خامه جيده تتحمل درجات الحراره العاليه : هذا كلام التاجر
3- خامه طريه تحافظ على التيل : ايضا كلام التاجر
4- التاجر عنده اكثر من خامه وتبدأ اسعارها من 20 جنيه لكن هو يشكر فى تلك الخامه فقط
5- شكل التاجر مريح نفسيا يجعلك مطمئن نوعا ما من كلامه

عيوب هذا التيل :
1- يحتوى على مادة الاسبيستوس : كثرة استنشاق غبارها يؤدى الى السرطان وتلك الماده تم منع استخدامها فى جميع دول العالم المتقدمه ولكن فى مصر موجوده فى جميع انواع التيل الرخيص المتداول فى محلات قطع الغيار
و الماده موجوده فى طلاء المبانى العازل للرطوبه وفى بعض انواع السجاجيد والبطاطين وفى كل انواع البلاط الكنالتكس
تلك الماده تؤذى على المدى البعيد وعند الافراط فى استنشاق رائحتها فقط
2- عمر التيل قصير نسبيا: من 10 ل20 الف كم فقط لان عمر التيل امر عكسى مع كونه طرى
3- الموضوع تحت التجربه وكلامى عن المميزات هو كلام التاجر
4- هذا التيل يخرج الطنابير من الضمان لانه تيل مش بروتون اصلى (ضمان الطنابير 30 الف كم فقط)

تم تجربة خامة التيل عل سيارتى النيسان صنى وعلى سيارة صديقى اوبل كورسا ويعمل بكفاءه عاليه

ورأيت سياره كرايسلر نيون تصب تيل عموله ورأيت عدة سيارات قديمه غير منتشره تعمل تيل عموله ايضا مما شجعنى على خوض التجربه فى نيسانى

هناك محلات كثيره تعمل التيل الصب ابرزها فى منطقة الضاهر ايضا
هذا المحل موجود فى الحى العاشر بمدينة نصر

ملحوظه: هذا الحل مجرد اقتراح شخصى ويعبر عن تجربتى الشخصيه فقط ومن يريد خوض التجربه فليتحمل مميزاتها وعيوبها فأنا احاول المساعده بتجربتى فقط وغير مسئول عن اي عواقب تحدث

**abdoumahros** · 08-05-2010 06:05 PM

السلام عليكم
ممكن عنوان المحل لان الحي العاشر كبير؟
وبالمناسبه انا سمعت عن موضوع صب التيل من ناس تانيه كمان
وشكرا لمجهودك

**momopersona** · 08-05-2010 06:19 PM

المحل خلف كشرى هند فى ميدان الحى العاشر
فى الشارع اللى وراه على طول

انا كنت خايف اوصف المحل لاحسن يكون ممنوع
لكن لقيت ناس كتير واصفه مثلا محلات قطع غيار بروتون وعناوينها وارقامها كمان
فعرفت انه مش ممنوع كده
ولو عايزنى معاك كلمنى عالخاص ونتقابل فى اى وقت

**m.3abdel3al** · 08-05-2010 07:51 PM

60 جنيه كتير اوي يا مومو دا انا كنت عاملته للهوندا ب 10 جنيه و على فكرة ناس كتير اوي بتقول انه بيبوظ الطنابير ( و على فكرة بالنسبة لموضوع الخامات الفرق مش مستاهل انا جربت كل الخامات كله زي بعض مافيش اي فرق )

**momopersona** · 08-05-2010 09:03 PM

يا راجل كله زى بعض ازاى يا باشا؟؟؟؟؟
يعنى كل الخامات خامه واحده ومفيش تيل ناعم وتيل خشن ومفيش تيل عمره طويل وتيل عمره صغير وكده؟؟
وفرق الاسعار ده بيبئى نصب

يمكن
على العموم ابو 10 جنيه بوظلك الطنابير
والله اعلم ابو 60 ده خامه نظيفه فعلا ولا لا
على العموم كل الصنايعيه اللى سألتهم سواء بتوع ميكانيكيه او عفشجيه او صاحب الورشه بيقولولى ان فى خامات غير بعض وكل حاجه وليها سعرها (والله اعلم انا بانقل اللى انا عرفته وبس)

**m.3abdel3al** · 09-05-2010 01:08 AM

المشاركة الأصلية كتبت بواسطة momopersona

يا راجل كله زى بعض ازاى يا باشا؟؟؟؟؟
يعنى كل الخامات خامه واحده ومفيش تيل ناعم وتيل خشن ومفيش تيل عمره طويل وتيل عمره صغير وكده؟؟
وفرق الاسعار ده بيبئى نصب

يمكن
على العموم ابو 10 جنيه بوظلك الطنابير
والله اعلم ابو 60 ده خامه نظيفه فعلا ولا لا
على العموم كل الصنايعيه اللى سألتهم سواء بتوع ميكانيكيه او عفشجيه او صاحب الورشه بيقولولى ان فى خامات غير بعض وكل حاجه وليها سعرها (والله اعلم انا بانقل اللى انا عرفته وبس)

يا ميمو الي معاية مبوظش الطنابير ولا حاجة بس انا عملتها مرتين او 3 و خلاص و لظروف وكنت فكرت اني استسهلها بدل ما اغير التيل بس بتاع العفشة قالي هو رخيص فعلا و لكن بيبوظ الطنابير قالتله لا الراجل قالي ان في كذا خامة حلوة وما بتعملش حاجة قالي كله زي بعضه و خلاني اجرب خامة تانية وطلعت فعلا مافيش فرق ملحوظ علشان كدا بقولك انه فعلا مضر اصله لو مش مضر كانت كل الناس ملته باه بدل ما تغير التيل لانه رخيص جدا جدا جدا مقارنة بالتيل و خاصة للناس الي مركبها بريمبو و التيل بتاعهم ب 500 جنيه

**M.almaghraby** · 09-05-2010 02:42 AM

يعني ايه عمولة والكلام دا؟؟

اذا كان التيل الصيني للجين 2 ب 75 جنيه

**momopersona** · 09-05-2010 05:24 AM

شكرا يا محمد على مشاركاتك
بس انا مازلت معتقد ان فى خامات غير بعض فعلا
وكل واحده وليها سعرها
وان فرق الخامه مش ضرورى كمان تحس بيه فى القياده بس ممكن خامه تبوظ التنبوره وخامه تانيه لا
بس على كل حال خلينا فى التيل التركى اللى ب100 افضل بئا
انا كنت هانفذ التيل العموله ده لتلاشى دفع 350 جنيه

يادوكتور شكرا على معلومة التيل الصينى
بس انا رأيى نجرب التركى اللى احمد حلمى بيشكر فيه احسن
ده
http://www.nilemotors.net/Nile/147833-baser.html

وشكرا