تجربتي مع تقفيل عداد الاوبترا ..

السلام عليكم .. ازيكم يا شباب عاملييين ايييه ؟؟
المهم ندخل في الموضوغ .. من يومين كده كنت راجع من الليكس و على طريق نجيب سويرس كنت ماشي على 140 --160 قولت اجرب اشوف اخر العداد كام ؟ المهم دوست وحده وحده على دواسه عشان تجمع براحتها و صلت لاخر الدواسه و السرعه على 172 و الار بي ام على 4.5 كده او 5 و مشيت على السرعه دي حوالي 4 دقايق وجايب اخر الدواسه و السرعة فضلت ثابته و مزادتش و عربيتي اوتوماتيك و كان معايه واحد صحبي بس .. انا مش عارف لييه مكملتش مع اني متابع الصيانه في التوكيل ... حد قبل كده تخطى السرعه دي بس بالاوتوماتيك ؟

اقتباس:

---

المشاركة الأصلية كتبت بواسطة dj_bex

السلام عليكم .. ازيكم يا شباب عاملييين ايييه ؟؟
المهم ندخل في الموضوغ .. من يومين كده كنت راجع من الليكس و على طريق نجيب سويرس كنت ماشي على 140 --160 قولت اجرب اشوف اخر العداد كام ؟ المهم دوست وحده وحده على دواسه عشان تجمع براحتها و صلت لاخر الدواسه و السرعه على 172 و الار بي ام على 4.5 كده او 5 و مشيت على السرعه دي حوالي 4 دقايق وجايب اخر الدواسه و السرعة فضلت ثابته و مزادتش و عربيتي اوتوماتيك و كان معايه واحد صحبي بس .. انا مش عارف لييه مكملتش مع اني متابع الصيانه في التوكيل ... حد قبل كده تخطى السرعه دي بس بالاوتوماتيك ؟

---

فين طريق نجيب سويرس ده بعد اذنك؟؟؟؟

في طريق مصر اليكس الصحراوي في حتت كتير وطويله معدلين فيها و ده بيسموه طريق نجيب سويرس اسم مشهور يعني ...

السرعه بيحكمها عوامل كتير ذي اتجاه الهواء وهل هوه معاك يعني في ظهرك وانت سايق ولا كان قدامك وده بيعملك مقاومه وبيتسبب في حرق بنزين كتير ,
ممكن برضه ضغط الهواء بتاع العجل ميكونش مضبوط , ممكن برضه حاجه مهمه جدا والتوكيل مش بيراعيها في الصيانه اللي هيه تنظيف البوابات وفلتر الهواء من صيانه للتانيه وده بيفرق كتير في السحب .
يعني عوامل كتير بتحكم السرعه القصوي بتاعت العربيه .
وشكرا وحفظتك السلامه رجاء اخذ الحذر اثناء القياده وبلاش سرعه عاليه

الاستاذ Hossam_Hassan عدى 180 وقرب من 190 على طريق الغردقه

http://www.nilemotors.net/Nile/128846-a.html

لو الطريق اسمه نجيب سويرس مش حمشى عليه....

انا بالاوبترا كنت جاى من القاهره على طريق اسيوط الغربى الطريق ده تحفه جدا ياجماعه على فكره
كنت ماشى على 180ودخل على 190 ومشغل التكيف وكن معاى 2 ور وو1 ادام والله ماشاء الله عليها عربيه ملهاش حل

طريق الكريمات و الصحراوي الغربي 195 وعداد الموتور 5500
التكييف شغال و كنا اثنين بالعربية

175 على طريق اسيوط الغربيى اوبترا اوتومتيك بدون تكييف و2 ركاب فقط

طب يا جماعه ايه عربياتكم مانوال ولا اوتوماتك؟

أعلى حاجه شوفتها كانت 160 كم/س على وصلة دفرة _ كفر الزيات على إسكندرية القاهرة الزراعى بس كانت لسه بكامل صحتها و ممكن أزود تانى بس ده أخرى

السلام عليكم ,

يا جماعة بلاش السرعات العاليه , الطرق فى مصر خطر و ممن فى لحظة تلاقى قدامك مقطورة او حتى واحد بحمار بيعدى الطريق ولا على باله اى حاجة

انا عربيتى اتوماتيك
170 على طريق العين السخنة
كانت تجربة سريعة و ماحولتش اضغط على الماتور اكثر من كدة علشان ميتأزيش

حضرتك لو سواق قديم او خبره شويه كنت عرفت
حضرتك تشيل رجلك من علي الدواسه وتحطها تاني حتلاقيها بتجيب معاك طبعا مفيش حاجه اسمها ما بتجبش
انا جايب بيها 210 قبل كده
بس نصيحه الحاجات دي عايزه بي ام او فولكس يا عم علي السرعه دي انا كنت حاسس انه الصاج حيطلع من علي العربيه
كل برغوت علي قد دمه

أنا عربيتى مانيوال 2006 وجبت بيها 208 فى طريق العلمين وهبقى أرفعلكم الصور قريب ان شاء الله

افيو 2009 162 بلعاااااافية على طريق العلمين !! كانت لسة زيرو بقالها 3 شهور وكانت تقريبا عاملة 7 الاف كيلو والله حاجة خانقة بلعاافية واخر دواسة البنزين وادوووس وارفع تاانى لحد ما جابت ال 162 لدرجة انى شكيت ان فية حاجة ؟؟؟ وقفت على جمب وجبت غيرات من اول وجديد ولا حياة لمن تنادى !! روحت التوكيل بعمل صيانة دورية فا سألت ؟؟ المضحك بقى ان المهندس قالى يا بية العيب مش من العربية بس انا مكسوف اقولك :) قولتلة لا اتفضل العيب منين انا عاوز اعرف ؟؟؟ قالى عيب سواااق يا باشاااااا !!!!!!!!!!!!!!!!!!!
ضحكت وقولتلة لو الى بيسوق حمار لازم لو كابس ببنزين على اخرة وميت على الدواسة العربية غصب عنها هتجيب ؟؟؟ بس دة كان ردة :) مش عارف هوة عيب سواق بجد ولا لاء هههههههه

اقتباس:

---

المشاركة الأصلية كتبت بواسطة hulk

افيو 2009 162 بلعاااااافية على طريق العلمين !! كانت لسة زيرو بقالها 3 شهور وكانت تقريبا عاملة 7 الاف كيلو والله حاجة خانقة بلعاافية واخر دواسة البنزين وادوووس وارفع تاانى لحد ما جابت ال 162 لدرجة انى شكيت ان فية حاجة ؟؟؟ وقفت على جمب وجبت غيرات من اول وجديد ولا حياة لمن تنادى !! روحت التوكيل بعمل صيانة دورية فا سألت ؟؟ المضحك بقى ان المهندس قالى يا بية العيب مش من العربية بس انا مكسوف اقولك :) قولتلة لا اتفضل العيب منين انا عاوز اعرف ؟؟؟ قالى عيب سواااق يا باشاااااا !!!!!!!!!!!!!!!!!!!
ضحكت وقولتلة لو الى بيسوق حمار لازم لو كابس ببنزين على اخرة وميت على الدواسة العربية غصب عنها هتجيب ؟؟؟ بس دة كان ردة :) مش عارف هوة عيب سواق بجد ولا لاء هههههههه

---

الافيو بتجيب 185 عن تجربة شخصية مانيوال 2006

يا جماعة خطر جدااااا إنكوا تشغلوا التكييف على سرعلت عالية عشان كده ممكن كومبيرسور التكييف يضرب لقدر الله عشان هو ماتوره مش مصمم إنه يلف على 5000 لفة فى الدقيقة
أرجو من الخبراء يصححولى لو أنا غلطان