السلام عليكم عايز اشترى سياره واجا اتوماتيك فول ابشن وعايز اعرف السياره من ناحية الامان على الطريق والجوده واخبار التوكيل وقطع الغيار او اى سياره فى نفس السعر ياريت حد ينصحنى
عرض للطباعة
السلام عليكم عايز اشترى سياره واجا اتوماتيك فول ابشن وعايز اعرف السياره من ناحية الامان على الطريق والجوده واخبار التوكيل وقطع الغيار او اى سياره فى نفس السعر ياريت حد ينصحنى
الواجا أفضل سيارات بروتون
و تقريبا ماسمعتش عن شكوي عامة من شئ فيها
و ابن عمي معاه واجا من 2007 و عامله اكثر من تسعين الف كم بدون مشاكل تذكر
التوكيل و قطع الغيار ممكن تتابع قسم بروتون عشان الأراء فيه متضاربة بخصوص التوكيل
أنا رأيي الشخصي انها افضل اختيار في فئتها
و لا يعيبها سوي الشكل الكلاسيكي و إعادة البيع الضعيفة
و ده رأيي الشخصي
انا معايا واجا 2005 اشتريتها من حوالي 4 شهور و مشكلتها في رايي هي قطع غيارها غاليه و مش متوفره في كل مكان و ده اهم حاجه و اسال بردو عن اسعار قطع الغيار يمكن تقدر عليها
وعليكم السلام ورحمة الله وبركاته،،
الواجا من أفضل السيارات في فئتها بدون منازع..
ويمكن سعرها مع مواصفتها الجميلة هو اللي اداها الأفضلية دي.
"واجا" زي ما سمعت كلمة ماليزي، معناها بالعربي "الفولاذ"
يعني العربية من أهم صفاتها الأمان والحماية..
ودا واضح جدا من قوة البودي،
وثقل الأبواب لأنها مزودة بدعامات،
الair bags،
الABS،
الثبات الجميل جدا على السرعات والطرق السريعة بفضل الله..
العربية تصميمها كلاسيك وده من وجهة نظري ميزة مش عيب..
من جوه الطابلوه شيك جدا وتحس فيها بفخامة..
العربية كابينتها واسعة شنطتها واسعة جدا برده ما شاء الله..
قطع الغيار متوفرة بره التوكيل بأسعار معقولة..
أما بقا التوكيل...
فأجارك الله..
سيء للغاية وتحس انهم بيطلسوا ومش فهمين حاجة..
ربنا يعافيك منه ومن مشاكله..
وربنا يهديك للعربية اللي فيها خير ليك إن شاء الله.
عربية ممتازه معيا موديل 2009 ,ظهر فيها عيب وحيد وفي التوكيل تعهدو بأصلحها وتغير علبة الدركسيون لما تيجي من ماليزيا
من ناحية الثبات مشاء الله تحفه وشكل كلاسيكي من الخلف اما الامام فشكل شيك اوي وتحس انها عربية غالية من خلال الشكل الامامي
الامان عالي وفيها abs واير باج 2 ودعمات فولازية علي الابواب
التوكيل ربنا يبعده عنك اشبة بسوق مفيش فيه حد فاهم اي حاجه كلهم بيجربو انا بتكلم عن توكيل الغد في المنصوره لسه مجربتش غيره اصلا
شكرا ياشباب انا كان معايه البرسونه كنت من اول المالكين للبرسونه اول ماظهرت السياره فوق الممتازه بس مشكلتها الفرامل فهل نفس العيب فى الواجا وبالنسبه لاخى اسلام قاسم موضوع علبة الدركسيون هتسمع انها جيه دى كتير جربت سيارات كتير وكانت ديما فيها مشاكل مع التوكيل وقطع الغيار الى مبتجيش ربنا معاك وشكرا