** هل يمكن ارضاء المرأه ؟

تم افتتاح مركز تسوق للأزواج في دالاس حيث يمكن للسيدات الذهاب واختيار زوج من بين مجموعة كبيرة من الرجال

المبنى مكون من خمسة أدوار كلما صعدت للدور الأعلى كان الرجال أفضل في الصفات و المميزات

القاعدة الوحيدة أنك لو فتحت باب أي دور من هذه الأدوار لابد أن تختار زوجا أو تصعد للدور للأعلى
ولا يمكنك الرجوع مرة أخرى .. النزول يكون للخروج بلا عودة فقط

فذهبت صديقتين الى المركز لاختيار زوجين

الدور الأول عليه لافتة تقول
الرجال هنا لديهم وظائف محترمة و يحبون الأطفال
فقالت الفتاتان لبعض: حسنا هذا أفضل من الا يكون لهم وظيفة أو الا يحبوا الأطفال

ولكن لنر ماذا في الدور الأعلى

الدور الثاني عليه لافتة تقول

الرجال هنا لديهم وظائف بمرتبات عالية .. يحبون الأطفال .. و في غاية الوسامة

قالت الفتاتان .. ممممم .. ولكن ماذا في الأعلى؟

الدور الثالث عليه لافتة تقول

الرجال هنا لديهم وظائف بمرتبات كبيرة .. يحبون الأطفال .. في غاية الوسامة و يساعدون في شغل البيت

قالت الفتاتان : وااو .. رائع .. ولكن ماذا قد يكون في الأعلى ؟

الدور الرابع عليه لافتة تقول

الرجال هنا لديهم وظائف بمرتبات كبيرة .. يحبون الأطفال .. في غاية الوسامة و يساعدون في شغل البيت .. و في غاية الرومانسية

قالت الفتاتان : يا الهي .. تخيلي ماذا يكون بانتظارنا في الدور الأعلى

فصعدتا الى الدور الخامس

وجدتا لافتة تقول :

لا رجال هنا و هذا الدور فاضي و موجود فقط لإثبات أنه من المستحيل ارضاء المرأة .. مع السلامة

---------------

على فكرة من وجهة نظرى لو عملوا نفس القصه مع الرجاله :) أعتقد كل راجل هاياخد واحده من كل دوور ههههههههههههههههههههه الراجل بيحب التشكيل و التغيير و التعدد :) ههههههههههههه ده 80% من الرجاله

اقتباس:

---

على فكرة من وجهة نظرى لو عملوا نفس القصه مع الرجاله أعتقد كل راجل هاياخد واحده من كل دوور ههههههههههههههههههههه الراجل بيحب التشكيل و التغيير و التعدد ههههههههههههه ده 80% من الرجاله

---

يامحمود لو فاكر صورة مخ الراجل اللي أنا بعتها امبارح هاتشوف إن فيها مركز كبير قوي في النص كده بيؤكد كلامك :lol: :lol: :lol:

ههههههههههههههههههههههه الحق مايزعلش :)

أنا زمان كنت فاكر إن واحده تكفى لكن دلوقت مقتنع إن الجنس اللطيف البعد عنه غنيمه :) تعرفهم من بعيد لبعيد لكن كل ما تقرب كل ما تتلسع لحد ما ممكن تتحرق :) ذى الشمس كده

و ممكن تنوع بس برده من بعيد لبعيد و عشان تحافظ على البعد ده لازم تواظب على قراءة عمود مواقف كل يوم جمعه للكاتب أنيس منصور :) هههههههههه و ده هايقنعك إنك تفضل singlawy أجدع

اقتباس:

---

تعرفهم من بعيد لبعيد لكن كل ما تقرب كل ما تتلسع لحد ما ممكن تتحرق ذى الشمس كده

---

شيل "النضارة السودة" بس يامحمود وانت هاتلاقي العملية أبسط من كده خالص . خصوصاً إن النضارة كانت قافلة على عينك خالص :lol: :lol: :lol:

ههههههههههه كل ده عشان شوفتنى لبس النضارة الشمس :) ههههههه

هى مش النضارة السبب و الله يا حاج وائل يس فى الزمن ده هو ده الكلام السليم :) فكر كده تجهز و تحوش و تربط 100 حزام و تيجى على نفسك 10 سنين مثلا عشان تتجوز ولا تجييب عربية و تلبس براحتك و تعيش أياماك ؟

إحسبها و إنت تعرف :) و أديك سمعت واحد حبيبنا لسه عربس و بيقول بقاله 11 سنه شغال و فى الآخر إتجوز بمساعدة أهله

لا يا عم أنا ولا عايز وجع قلب ولا أحب وجع القلب :) أنا أجيب عربية و أغيرها أجدع حتى العربية مش بتشتكى كل شويه و يوم ما تفتح بقها ممكن تبيعها بالتلاته و مش خسران ذى لما البييت و العيال إللى مش بيقفلوا بقهم أصلا :)

اقتباس:

---

إحسبها و إنت تعرف و أديك سمعت واحد حبيبنا لسه عربس و بيقول بقاله 11 سنه شغال و فى الآخر إتجوز بمساعدة أهله

---

تفتكر مين هو ده يا محمود؟؟
ربنا يجعل كلامنا خفيف عليه أحسن دا هاتلاقيه ناطط قدامنا حالاً :lol: :lol: :lol:
بس على فكرة النضارة كانت عاجباني !!

ابقي خلي العربية ت ............
:mrgreen: :mrgreen: :mrgreen: :mrgreen: :mrgreen: :mrgreen:

امضاء واحد راضي عن الزواج (مش بمزاجة)

كريم كتب:

اقتباس:

---

ابقي خلي العربية ت ............

---

'طبعا كريم مش قصده حاجه وحشه لا قدر الله ... هو بيقول ابقى خللى العربيه تغسلك هدومك يعنى ههههههههههههه
بس عموما و الله الجواز ابن حلال مش وحش .

اقتباس:

---

على فكرة من وجهة نظرى لو عملوا نفس القصه مع الرجاله أعتقد كل راجل هاياخد واحده من كل دوور

---

و هاطلع بيهم على السطوح ههههههه و برده فاهمنى غلط ... علشان ينشرولى الهدوم اللى غسلناها فى عربيه محمود هههههههه

a7'ookom
Sherif

والله كوميديا :) يا عم دلوقت فيه إختراع إسمه غسالة توماتيكى توماتيكى :) و فيه برده دراى كلين :)

إشترى نفسك بفلوسك :) و هيين قرشك ولا تهيين نفسك يا جميل :) ده أحلى مبدأ :)

و بعدين شريف يا مصرى خاف على نفسك لاتاخد برد السطوح بيكون هوى :twisted:

تصدقوا وتأمنو بالـ الله ؟ العماره دي مش لو خمس ادوار بس ؟ دي لو نبرج وللا ناطحة سحاب حتى برضه هاتلاقي البنتين في الدور الأخير بعد ما يكونو طلعو البرج بالكامل

ياعم المرأه مخلوق صعب أرضائه لكن بسهوله جدا جدا احتوائه بكلمة واحده ((((بحبك)))) ساعتها هاتلاقييها تكاد تكون ملاك خادم مطيع إن شعرت بأن الكلمه نابعه من قلب الرجل

[marq=right:c926739f59]احلى حاجه الحب[/marq:c926739f59]

لكل داء دواء

ودواء المرأة الكلمه الطيبه مثل (( بحبك ))

حتى لو هيا متيقنه انك بتضحك عليها برده هتحن

وبعدين يا محمود لما أجيلك بس هشوف موضوع جوازك وطلاقك من العربيه ده

إيه يا جماعه هو الناس كلها عايزة تنتقم منى و تجوزنى :) ليه أنا مزعل حد

و بعدين أنا أصحابى إللى قريبين منى :) بجد بينصحونى إن كده أجدع :) عشان مش أشوف إللى همه شافوه :) مش عايزين يورطونى :twisted:

كل واحد بيبقى مش عجبه حالته

ولكن الجواز نعمه من نعم ربنا علينا والله
ومش لازم تكون ملك يعني علشان الجواز يبقى كويس ولكن احسن بكتير من العزله
يعني لماتتعب وتلاقي واحد جمبك بيساعدك ويجبلك الدوا ويساعدك ده بالكون كله على فكره ساعتها هتعرف يعني ايه واحد اعزب وربنا يكفيك شر المرض

ايه يا جماعة الرومانسية دى كلها, لالالا دة احنا نمسك الخشب بقة, انا عن نفسى الحمدلله اتجوزت عن حب وبالصدفة وسعيد فى زواجى بفضل الله.

موضوع جميل يا استاذ حفناوى --وطريف كمان ---لكن انا شخصيا شايف ان الزواج شكل محترم من اشكال التواجد فى المجتمع --اما كلمة احبك --دية كانت زمان --دلوقتى ممكن تتقال وبدون ادنى مبالغة 10 مرات فى اليوم ل 10 بنات مختلفين او ل 10 شباب مختلفين ---موضوع الحب دة قصة قديمة -- :P

بص يامحمود
خلاصة موضوعك ده في حديث رسول الله صلى الله عليه وسلم حيث يقول (مامعناه):
"خُلقت المرأة من ضلع أعوج، فإن جئت تُقومه، كسرته، فانتفع به على عوجه" أو كما قال (ص)

لسه معرفش

اصلى لسه متدبستش

لسه على الشاطىء ههههههههههه :lol: :P :D

كلامك سليم يا وائل فعلا بس للأسف أنا بطبعى وده أحد عيوبى .......مبستحملش الحال المايل أبدا و مش أستحمل أى حاجة تكون مش 100% سليمة فتلاقينى دايما تاعب نفسى ....
ومحدش يخلط و يقول محدش 100% أنا مش بتكلم عن كده لأن كلنا بشر بس بتكلم عن الناس إللى كل حبه بحال حسب المزاج و الحالة و الحاجات دى

ورد في الصحيحين وغيرهما عن أبي هريرة رضي الله عنه قال : قال رسول الله صلى الله عليه وسلم { استوصوا بالنساء فإن المرأة خلقت من ضلع , وإن أعوج ما في الضلع أعلاه فإن ذهبت تقيمه كسرته , وإن تركته لم يزل أعوج فاستوصوا بالنساء }

. وفي رواية لمسلم { إن المرأة خلقت من ضلع , لن تستقيم لك على طريقة , فإن استمتعت بها استمتعت بها وفيها عوج , وإن ذهبت تقيمها كسرتها وكسرها طلاقها } .

المرأة بحر يحب الزيادة، ودايماً تبص على نص الكوب المليان، بس تبقى عايزم نص تاني!!

اية يا عم نادر المواضيع الغريقة دية بحر وحاجات ونصف كوب الكلام دة لو الواحد حب واحدة صاحبة قهوة مثلا -- :P

اقتباس:

---

اية يا عم نادر المواضيع الغريقة دية بحر وحاجات ونصف كوب الكلام دة لو الواحد حب واحدة صاحبة قهوة مثلا --

---

:D يا عزيزي كل المتزوجين غرقنين في دوامة البيت والاولاد وقبلهم طبعاً "مدير العموم" امهم طبعاً :wink: