من فضلكم انا احتاج منكم الرأي والنصحيه للاهميه

**agypter** · 08-05-2010 08:31 PM

السلام عليكم ورحمة الله وبركاته
اولا احب ان اشكركم على المنتدي الرائع ده وربنا يكرم القائمين عليه بس يا جماعه كبير أوي ومواضيعه كتيره جدا لدرجة مش عارف اروح فين ولا فين
انا با ختصار كان معايا عربيه ميتسوبيشي لانسر 2007 كامله رياضية بس للاسف غلطت وبعتها
المهم انا دلوقتي واقع فى مشكله ان انا عاوز عربيه خلال 15 يوم ومش عارف احدد علشان انا مش فى القاهره انا قاعد فى جنوب سينا ومفيش وقت للنزول و المهم انا معايا الفلوس الكاش وعامل حسابي لحد 120000 وعاوز عربيه تكون على الطريق ثابته وامان فكنت بفكر فى الجديد كيا سيراتو او كارينر او شفروليه او صيني المهم ما عرفتش اوصل لحل وفى الاخر فكرت اجيب مستعمل كاسر زيرو وممكن يكون احسن من الجديد زي بي ام او هوندا انا مش عارف اعمل ايه ولا اجيب ايه ارجوا الافاده وجزاكم الله خيرا

**n8os** · 08-05-2010 08:42 PM

بس ال120000 مش هيجبولك كسر زيرو بي ام انت ممكن تجيب 318 موديل 2001 او2002 ده رايي وممكن برضه فيكترا2007

**madoo_600** · 08-05-2010 08:43 PM

في رايي حرام تدفع 120000 في حاجه استعمال وخصوصا لو اوتوماتيك في الحاله دي انا بفضل الزيرو

**Car's Sniper** · 08-05-2010 09:05 PM

لا ...بلاش المستعمل...خليك فى الزيرو اضمن بكتيييييير مهما كانت امكانياتها

**mohamed10** · 08-05-2010 09:09 PM

انا راى خليك فى التيدا عربية يابانى وثابتة + وسع رهيب وتوكيل اكثر من ممتاز والناس اللى معاهم السيارة بيشكرو فيها جامد وربنا يوفقك لما فيه الخير

**Eng_Mostafa_89** · 08-05-2010 09:42 PM

المشاركة الأصلية كتبت بواسطة agypter

وفى الاخر فكرت اجيب مستعمل كاسر زيرو وممكن يكون احسن من الجديد زي بي ام او هوندا انا مش عارف اعمل ايه ولا اجيب ايه ارجوا الافاده وجزاكم الله خيرا

وعليكم السلام ورحمة الله وبركاتة

الهوندا والبي ام طبعا كويسين ومحترمين
بس لو حضرتك هتقدر على مصاريف الصيانة وقطع الغيار بتاعتهم يبقى دور على حاجة كويسة وتكون حالتها نضيفة

وانا راى تشوف حاجة زيرو افضل لان المستعمل مش مضمون