-
تجديد الرخصة ونصب المرور
انهاردة رحت اجدد رخصة العربية وبعد مادفعت الضريبة وجبت شهادة المخالفات واستكملت كل الاوراق قمت بتقديم الدوسيه على الشباك علشان اخد الرخصة الجديدة واذا بى افاجا ان الموظفة سحبت دفتر وكتبت فيه مبلغ 30 جنيه اقوم بدفعهم فى الخزنه ولما قلتلها انا دفعت كل المطلوب ابلغتنى ان 30 جنيه عبارة عن 10 جنيه فرق بريد و20 جنيه خدمات مرورية وهى ماتعرفيش ليه المبلغ ده محطوط مع العلم ان استخراج شهادة المخالفات فى حالة انك مفبش مخالفات بتدفع دلوقتى 10 جنية عبارة عن 5 جبيه رسم ميكنة + 5 جنيه معونة شتاء فهل هذ الكلام يرضى ربنا انه يضحك علينا بالطريقة ديه دون الاعلان عن اى تفاصيل والله حـــــــــرام شغل النصب ده وحسبى الله ونعم الوكيل وانا حبيت اعرض الموضوع حتى لايتفاجاء الاخوة مثلى عند التجديد
-
انا لسة مجدد قريب من كام اسبوع
ومدفعتش غير ال 5 جنية بتاعت شهادة المخالفات وال 5 التانية دى مسمعتش عنها ولا هيا ولا معونة الشتاء دى
وبعدين معونة شتاء واحنا دخلين على الصيف!!!!!!!
عجبي على دى بلد
هو حضرتك مرور اية؟
-
مرور فيصل يافندم وشكرا على الرد
-
العفو يا باشا
انا مرور السلام
ان شاء الله حد من الاخوة يوضح اذا كان الكلام دة على الناس كلها ولا فيصل بس
واخبار شنطة الاسعافات اية هى والمثلث
-
عادى يا جماعه احنا فى ام الدنيا مصر
-
عادي يا اخونا هو المرور والبلاوي اللي بتحصل فيه جديد علينا
ممنوع الشكوي من ادارات المرور
ادارات المرور ماركه مسجله لتعذيب المصريين
-
-
فعلا يا جماعة مرور فيصل من أسوأ وحدات المرور على مستوى الجمهورية فكما ذكر الأخ فعلا فيه رسوم زيادة متعرفش أصلها إيه هذا بالأضافة الى قلة ضمير موظفى الخزنة لأنهم يطلبوا فلوس أكتر من المكتوبة فى تقدير موظف الشباك وانتا من الغلب الى انتا فيه مبتختش بالك حصل معايا فعليا كان تقدير الموظف حوالى 265 جنية لقيت موظف الخزنة بيقولى 290 ولما خت بالى قالى خلاص ادفع 265 وتحس ان فيه تظبيط بينهم وبين موظف الشباك وسماسرة الدوسيهات والتصوير واللوحات دا غير الهرجلة والوقوف فى الشمس وممكن تتنقل بين الشباك والخزنة أكتر من مرة لمجرد التعذيب وطبعا كل مرة عايز تاخد دور فى الطابور والأنكت انك ممكن تقابل رئيس الجمهورية (دا مجازا طبعا) لكن من المستحيل انك تدخل لرئيس الوحدة او تقابله إلا لو جايب الوسطة التمام او دافع المعلوم المعتبر والله دى حقيقة وحصلت معايا شخصيا.فخدوا بالكم من الفلوس المقدرة والمدفوعة لوجه الله.
-
يا باشا ادفع واشترى دماغك وانجز مصلحتك.....
انت لو دققت فى كل حاجة مش حترتاح....
-
الحقيقة التسيب والإحتيال والإستغلال أصبح سمة في غالبية أقسام المرور بمصر إلا من رحم ربي
وحسبنا الله ونعم الوكيل
Content Relevant URLs by
vBSEO 3.6.0 PL2