ملخص مقابلة السبت 8-5 -2010 لملاك m11

**samehsalem** · 14-05-2010 04:10 AM

يا باشا في حاجة اسمها حساس التسقيف وتقريبا هو ده اللي فيه المشكلة وعامل كدة في العربية بس اللي فهمته من الكلام هنا ان التوكيل مش بيعرف يصلح العيب ده عشان ابو الفتوح باشا كان لازم يبعت مهندسين يتعلموا ازاي يسينوا ويصلحوا العربيات بس طبعا ولا في الدماغ بس انشاء الله هتتحل

**samehsalem** · 14-05-2010 04:11 AM

يصينوا....اسف للغلط في الحروف!!!

**hemaa_82** · 16-05-2010 08:00 AM

ايه الجديد يا اخوانا .... مفيش اخبار من عند عم توحة؟؟؟؟؟؟

ايه يا ابو حنفي ... هوه احنا علشان اتصافينا متسمعناش حسك هنا ... اللهم لا اسكت لك حسا ...

انتوا فين يا اخوانا .... يا حج عماد .... يا دكتور احمد .... يا خلق هوووووووووووه....

ايه الجديد و ايه رأيكم نتلاقي الخميس القادم مساءا في اي فسحة فاضية في مصر"لو كان فيه حاجة كدة اليومين دول " ....

اتمني سماع كل خير عن الجميع ان شاء الله

**aftr** · 16-05-2010 12:45 PM

ياجماعه انا قابلت واحد صاحبى بالصدفه شغال فى توكيل كيا ركب معايه العربيه واحنا مشين قالى شغل التكيف قالى تمام شويه قال افتح الكبوت لقيته بيقول نفس ماتور التيجو 516بس فى فرق زياده عندك فى الحساسات ودى ميزه حلوه المهم قولت فرصه اكلمه فى حوار التسقيف او السكه على فكره هو شغال فنى مواتير قال ورينى ياعم التسقيف فضلت اخد المطب على التانى فين وفين لحد ماظهرت قال ممكن تنزل المهم ساق العربيه قال المشكله فى رجليك لازم تكون مزبوطه وفعلا ساق العربيه وقال لوظهر حاجه ليك الكلام فعلا فضل ماشى على التانى مفيش حاجه ظهرت قال بص ياعم المفروض انت لو داخل على مطب كبير لازم تريح العربيه على الاول قولتله ياعنى اكيد مفيش حوار التسقيف ده ولا السكه قال والله العربيه زى الفل وسحبها جميل بس حاول تزبط رجليك

**samehsalem** · 16-05-2010 01:25 PM

هههههههههههه...ماحنا قلنا كدةةةةةةةةةةةةةةةةةةةةةةة ةةةةةةةةةةة

**hemaa_82** · 16-05-2010 01:52 PM

يا اخوة ممكن كدة و ممكن تكون في حاجة غلط في حساس معين عند اللي متكرر عندهم الموضوع .... محدش يقدر يقول كله سليم و محدش يقول كله بايظ" لان كلام موظف الاستقبال بيكون اساسا لتهدءة العميل و ممكن في لحظة يتم فصله كنوع من انواع كبش الفداء "

فان شاء الله اللي سليم ربنا يباركله .... اللي بايظ ربنا يحققله مراده من الوكيل ... و ربنا يكرم الجميع

**teha** · 16-05-2010 10:01 PM

طيب سؤال ايه عربية بتسقف و لا لأ ؟
2. ازاي اعرف في عيب و لا لأ في موضوع التسقيف .

يعني ايه الفيصل بين رجلي مش مظبوطة و بين في مشكلة في حساس التسقيف

**pmosalm** · 18-05-2010 12:23 PM

المشاركة الأصلية كتبت بواسطة ahmeddarhos

مساء الخير يا شباب....
كل الناس طبعا عاوزة تعرف ايه اللى حصل فى أبورواش و بالتفصيل....
أولا ألف ألف شكر للناس الايجابية اللى حضرت معانا و الناس اللى كانوا فعلا عاوزين يحضروا ومنعتهم ظروف قهرية.. و احنا عارفينهم بالاسم...
والناس اللى ماحضرتش بسبب التردد أو الكسل صدقونى خسروا كتير.. و الناس اللى ماحضروش لأن عربياتهم تمام,, ربنا يبارك فى عربياتهم وتفضل زى الفل...
بس يا جماعة فى رجاء خاص جدا جدا من السادة الملاك.. ياريت لما نتصل بحد يكون موقفة واضح و صريح .. يعنى يا هيشارك معانا أو لأ.. و الموضوع مافيهوش زعل والله العظيم ..
لكن اللى يزعل اننا نكلم الناس فى التليفون ( و فى ناس هم اللى كلمونا) و يبقوا متحمسين جدا و تلاقى الواحد يقولك أنا معاكوا ان شالله الموضوع يوصل للمحكمة.. و نيجى ساعة المعاد نقعد نتصل علشان نعرف هم جايين ولا ايه.. تلاقى اللى قافل موبايله ,, و اللى مابيردش ...!!!!
يا جماعة عيب بجد.. حضورك مش هيفيد حد بحاجة.. ده حقك عاوز تيجى علشانه براحتك.. و لو متنازل عنه براحتك....

عموما اللى حصل مش سر ولا حاجة علشان الناس ماتزعلش... زى ما محمود قال : احنا قابلنا المهندس المسئول و طلبنا حل مشاكل العربية وديا... و المهندس بصراخة طلع محترم وصريح وقال ان السكة اللى فى الموتور مالهاش حل ..!!!!!
احنا بنعمل اجراءات قانونية فى أكتر من جهة و هنبدأ بعد 3 أو 4 أيام و ان شاء الله هناخد حقنا
بس فعلا لازم تعذرونا اننا مش هنقدر نقول كل حاجة بالتفصيل على المنتدى..

لكن نوعدكم كل لما نتقدم خطوة فى الاجراءات هنقولكم على طول .. زى مابنقول دلوقت..
فياريت زى ما الأخ محمود قال اللى عنده العربية و فيها مشاكل و عاوز يبقى معانا يبعت بياناته على الايميل.. بس بشرط انه يكون جاد جدا... و مستعد يضحى بوقت لو طلبنا منه حاجة يعملها لأن كل واحد فينا له دور محدد.. و ممكن كمان يكون فى شوية مصاريف.. الله أعلم هتكون كام.

و الناس المحترمة اللى ماعندهاش العربية و مهتمة بالموضوع ياريت يدعولنا بالتوفيق..

قال رسول الله "صلى الله عليه وسلم" ( المسلم للمسلم كالبنيان يشد بعضه بعضا) ...