الموضوع: مشوره من اهل القناطر فى قضاء يوم اجازه

المشاركة الأصلية كتبت بواسطة el_3omda

اسف هتعبك معايا
اوصلها ازاى المستعمره دى ؟
وهل هيا حجز او تذاكر اجى قبلها لوحدى فيوم ؟وهل ليها ايام معينه ؟
هل فيها مكان نتغدى فيه ولا نروح كوين دى ؟
وهل هما جمب بعض ؟
واخيرا اسعارهم وحضرتك تكون مشكور جدا

لا ولا تعب ولا حاجة انا تحت امرك
----
المستعمرة حضرتك اول لما بتوصل ميدان القناطر ها تبص شمالك تلاقى كوبرى محمد على وخلى بالك شمالك
وبعد كدة تكمل على طول عشان تلف وترجع للكوبرى دة ها تلقية على يمينك ( وانت ها تعرفة على طول لان 90 %من الوقت بيكون واقف ) بس متقلقش الكوبرى دة حتة بيسطة جدا جدا
متكملش 10 متر
بعد بئى ما تعدى الكوبرى دة تكمل مع الطريق الاخر ها تعدى على المركز بتاع القناطر والسجن والحاجات الجميلة دى
فى اخر الطريق دة قدام السجن هلاتقى صنية وقدامهاا المستعمرة
وحمد الله على السلامة
-----
وثانيا مفيش حاجة فى القناطر بتزاكر
وانا كان قصدى حضرتك تيجى يوم قبليها افرجك على الحاجة دى مش تحجزلها
ومفيش حاجة عندا بتفتح وتقفل فى ايام معينة كل شغال ومفتوح على طول
-----
وبالنسبة للغداء ممكن تروح كوين
بس انا افضل جاد بتاع الكباب والكفتة ( زى ما قلت لحضرتك غالى حبيتن بس اكلة نضيف وجميل جدا ) افتكر كيلو
الكقنة كان ب 50 اة 55 جنية مش عارف دلقوتى اية نظامة
وفى برضو محل اسمة سمكينووووو
دة محل حلو برضو بتاع سمك والذى منة انا جربتة كذا مرة بس عندنا فى البيت كان اكلة جميل
(بس انت و نصيبك بئى مع المحل دة )
عشان زميلة الحاجة جربتة مرتين مرة عاجبها وال 2 لاء
-----
وفى محل بيتزا ايطالى اسمة ايطاليانوااا على البحر برضو دة اسعارة معقولة ونضيف جدا جدا والبتزا بتاعتو طعمها جميل
دة برضة ممكن تفاضل بينة وبين جاد
----
والمسافة كلة جنب بعضة مش بعيد ابعدهم المستعمرة من ميدان القناطر لو الطريق مفتوح 5 دقائق واقل لو واقف 10 دقائق بالكتير
-----
وان شاء الله تقضى يوم سعيد
لو عزت اى حاجة انا معاك برضو