الموضوع: مشوره من اهل القناطر فى قضاء يوم اجازه

المشاركة الأصلية كتبت بواسطة DR.almaghraby

فينك يا غزالي ترد.........

انا جيت

المشاركة الأصلية كتبت بواسطة el_3omda

نوينا بقضاء يوم عائلى هادئ لجميع افراد العائله
فحبيت استشير اهل القناطر الكرام فبعض الاشياء
هل مازالت القناطر الخيريه تصلح كمتنزه
هل يوجد اماكن تتوفر فيها الشروط الاتيه
1- والاهم مكان عائلى (بعيد عن ملاطفات الشباب واستظرافهم)
2- واسع به اماكن للتنزه ومساحات خضراء وياحبذا لو بجوار ضفه النيل
وياريت بعض المعلومات
وصف للمكان هل فيه بروجرام ولا نجهزه احنا لنفسنا وهل من اقتراحات
هل فيه حجز او تذاكر والاسعار ياريت
هل فيه اماكن للغداء ولا نجيبه معانا
هل يجوز اصطحاب كره
ياريت لو فيه اى معلومات او اى حاجه انا اغفلت السؤال عنها
حد يتكرم ويضفها او يوضحها
اهم شئ فقط يكون مكان عائلى هادئ (تجنبا للمشاكل ومضايقات الشباب)
وشكرا مقدما

اخيرا ينهار ابيض حد فكر يجيى القناطر
--------
المهم يا باشا اهم حاجة لازم تاخد بالك منها وتحطها فى دماغك
انك تلاقى حتى مفيهاش شباب يستظرف بئت صعبة خصوصا بلاد الارياف الى جنبنا كتير واحنا نتعبر المدينة السياحة بتاعتهم
-------
اما بالنسبة الاماكن فى مركب عندنا اسمة كوين دة مشهور جدا
لانة تقربيا المركب الوحيد الى على البحر
بيقدم اكل وشرب وكل حاجة
بس الاكل عندة كباب وكفتة بس غالبا لان دة الى جربتة والشوفتة تمام
المركب دة 3 ادوار وفى قاعدة برة المركب
بس جوة اغلى من برة تمام كدة دة الاكل
-------------
ممكن بئى الا ماكن الى تقضى فيها وقت ولعب انت والاسرة بتاعة ساعتك
يكون فى المستعمرة حتى كدة لسة معمولة جديدة ومنك لنهر النيل على طول وجملية جدا خصوصا باليل بتئبى تحفة ناس كتير
بئت تحب تروح تقعد هناك وممكن تاخد كورة معاك وتعمل كل الى انت عايزة
او
ممكن تأجروااا مركب يلف بيكوااا فى النيل ودول ممكن يقد ملكوااا الغداء تقربيا وغالبا بيكون سمك
تمام كدة
-----------
وممكن تركبوااا عجل وخيل وحنطور
( بس خلى بالك عشان دول عالم ولاد تيت نصابين )
--------
وبعد كدة ممكن تنزلوااا على القناطر بئى من جوة تشوفوهاا
ولو ليكواااا مزاج للشراء ها تلاقى كل حاجة
وطبعااا اهم حاجة قبل ما تروحوااا تشتروا حلويات من عند البيت المعمور من الاخر كدة حاجة عاملة زى العبد بس على رخيص
ونضيف جدا جدا جدا
-----
وممكن انت بئى تيجى يوم قبل ما تيجوااا اوريك الكلام دة كلوااا
عشان لو معجبكش ما تضيعوش اليوم على الفاضى
----
محمد الغزالى

بالنسة للغداء يرضو فى محل اسمة جاد بتاع كباب وكفتة اشهر واحد فى القناطر لسة مجدد المحل بتاعة انا الصراحة مدخلتوش بس شكلة من برة بيقول على الى جوة ( بس غالى حبتين )
----
وممكن كمان تأجرواا شالية فى نادى الظباط
( بس ان شاء الله اتأكدلك بكرة اذا كان اى حد يعرف يأجرة ولا لاء )
------
ولو فى جديد ها قول

المشاركة الأصلية كتبت بواسطة EL_3OMDA

شكرا جزيلا يا استاذ محمد
ياريت حضرتك توضحلى المستعمره دى فين
وهل هيا متنزه خضره ونيل ؟
واهم من القعده التنزه المشى والجرى لان فيه اطفال ان شاء الله

يا سيدى قبل اى حاجة ومن غير استاذ ولا حضرتك
انا لسة صغير
-----
بص بئى حضرتك
المستعمرة خضرة ونيل وممكن تنزل لحد ما تبئى قريب من الماء
بس دى مش مسموح بيها
-----
وبالنسبة للجرى والمشى ها تتمشى وتجررو لحد ما تزهقوااا
المستعمرة دى طولها يجيى واحد كيلو كدة
القعدة فيها بتكون على السور فا لو كدة حضرتك تجيوبواا كرسى الى هيا بتتفرد وتتطبق دى او تقعدوااا فى العربيات
وهاحاول اجيلك صور ليها عشان برضة تشوفها

ص دى صور لكذا حاجة من ضمنهم المركبة كوين
والمرراكب الى ممكن تتأجر
وكدة

دى صورة للمركب كوين ( اكبر مركبة فى الصورة ) واخرهاا من اليمين